Odczyt tekstu staroruskiego | Latopis nowogrodzki pierwszy

Folio 1

Въ лѣ[то] 6524 (1016) а вы плотници сѹще. а пристави

мъ вы хоромъ рѹбити. и начѧ Дьнѣ

прь мьръзнѹти. и бяше Яросла

вѹ мѹжь въ приязнь ѹ С[вѧ]топъ

лка. и посла к нѣмѹ Ярославъ

нощью отрокъ свои. рекъ к нѣмȣ

и рекъ к немѹ оньси что ты то

мѹ велиши творити медѹ ма

[ло] варено а дрѹжины много

и р[еч]е ѥмѹ мȣжь тъ. рчи тако Яро

славѹ. даче медȣ мало а дрѹ

жины много. да къ вечерѹ въда

ти. и разѹмѣ Ярославъ яко вь

нощи велить сѣцисѧ и томь вече

ре перевозисѧ Ярославъ съ вои на

дрѹгыи полъ Дънѣпра и лодь ѿри

нѹша ѿ берега. и тои нощи пои[до]

ша на сѣцю. и р[еч]е Ярославъ дрѹ

Folio 1’

жинѣ. знаменаитесѧ повиваи

те собе ѹбрѹсы головѹ. и бы[сть]

сечи злѣ. и до свѣта победиша

С[вѧ]топълка. и бѣжѧ С[вѧ]топълкъ въ

Печѣнѣгы. а Яросла[въ] иде Кыѥвȣ.

и сѣде на столѣ о[т]цѧ своѥго Во

лодимира. и нача воѥ своѥ дѣ

лити. старостамъ по 10 гр[и]в[е]нъ.

а смердомъ по гр[и]внѣ. а новъго

родьчемъ по 10 всѣмъ. и ѿпȣ

сти я домовь всѧ.

Въ лѣ[то] 6525 (1017) Ярославъ иде къ

Берестию. и заложена бы[сть] с[вѧ]та

я София Кыѥвѣ.

Въ лѣ[то] 6526 (1018)

Въ лѣ[то] 6527 (1019)

Въ лѣ[то] 6528 (1020) родисѧ Воло

димиръ с[ы]нъ ѹ Ярослава.

Folio 2

Въ лѣ[то] 6529 (1021) Побѣди Яросла

въ Брѧчислава.

Въ лѣ[то] 6530 (1022)

Въ лѣ[то] 6531 (1023)

Въ лѣ[то] 6532 (1024)

Въ лѣ[то] 6533 (1025)

Въ лѣ[то] 6534 (1026)

Въ лѣ[то] 6535 (1027)

Въ лѣ[то] 6536 (1028) знамениѥ

змиѥво на н[е]б[е]си явисѧ.

Въ лѣ[то] 6537 (1029)

Въ лѣ[то] 6538 (1030)

Въ лѣ[то] 6539 (1031)

Въ лѣ[то] 6540 (1032)

Въ лѣ[то] 6541 (1033)

Въ лѣ[то] 6542 (1034)

Въ лѣ[то] 6543 (1035)

Въ лѣ[то] 6544 (1036)

Folio 2’

Въ лѣ[то] 6545 (1037) заложи Яросла

въ город Кыевъ и ц[е]рк[о]вь с[вѧ]тыѧ София.

Въ лѣ[то] 6546 (1038)

Въ лѣ[то] 6547 (1039) ос[вѧ]щ[е]на бы[сть] ц[е]ркы

с[вѧ]тыя Б[огороди]цѧ Володимиромь.

Въ лѣ[то] 6548 (1040)

Въ лѣ[то] 6549 (1041)

Въ лѣ[то] 6550 (1042) Володимиръ

иде на Ѥмь съ новгородьци с[ы]нъ

Ярославль.

Въ лѣ[то] 6551 (1043) Володимиръ и

де на Грькы.

Въ лѣ[то] 6552 (1044) погрѣбена бы[ста] 2

кн[ѧ]зѧ с[ы]на С[вѧ]тославлѧ Яропъ

лъ Ѡльгъ. и кр[е]ст[и]ща кости ею.

Въ лѣ[то] 6553 (1045) съгорѣ с[вѧ]тая Софи

я въ сѹб[отѹ] по заѹтрьнии въ час 3 м[ѣсѧ]цѧ марта въ 15. Въ то же лѣ[то]

Folio 3

заложена бы[сть] с[вѧ]тая София Новѣго

родѣ Володимиромь кн[ѧ]зѣмь.

Въ лѣ[то] 6554 (1046)

Въ лѣ[то] 6555 (1047)

Въ лѣ[то] 6556 (1048)

Въ лѣ[то] 6557 (1049)

Въ лѣ[то] 6558 (1050) роди[сѧ] С[вѧ]топълкъ.

Въ лѣ[то] 6559 (1051) постави Яро

славъ Лариона Рѹ[си]на митрополит[омь].

Въ лѣ[то] 6560 (1052) прѣстависѧ Воло

димиръ с[ы]нъ Ярославль въ Новѣ

городѣ м[ѣсѧ]цѧ октѧбрѧ въ 4.

Въ лѣ[то] 6561 (1053)

Въ лѣ[то] 6562 (1054) прѣстависѧ Яро[сла]

въ и сѣде Изѧслав Кыѥвѣ на ст[олѣ].

Въ лѣ[то] 6563 (1055)

Въ лѣ[то] 6564 (1056)

Въ лѣ[то] 6565 (1057)

Folio 3’

Въ лѣ[то] 6566 (1058)

Въ лѣ[то] 6567 (1059) высадиша Сѹди

слава ис порѹба.

Въ лѣ[то] 6568 (1060) прѣстависѧ Иго

рь Ярославиць.

Въ лѣ[то] 6569 (1061) придоша Половь

ци 1 и побѣдиша Всѣволода

м[ѣсѧ]цѧ феѹрарѧ въ 2.

Въ лѣ[то] 6570 (1062)

Въ лѣ[то] 6571 (1063)

Въ лѣ[то] 6572 (1064)

Въ лѣ[то] 6573 (1065) почѧ Всѣславъ

рать дрьжѧти и на западѣ я

висѧ звѣзда велика.

Въ лѣ[то] 6574 (1066) приде Всѣсла

въ и възѧ Новъгородъ. съ жена

ми и съ дѣтми. и колоколы съ

има ѹ с[вѧ]тыя Софиѥ. Ѡ велика

Folio 4

бѧше бѣда въ час тыи. и понекади

ла съима.

Въ лѣ[то] 6575 (1067) побѣдиша Всѣсла[ва]

на Немизѣ. томь же лѣ[тѣ] яша и на Рши.

Въ лѣ[то] 6576 (1068) гнѣвъ Б[о]жии бы[сть]

придоша Половци и побѣдиша Рȣ

сьскѹю землю. Въ то [же] лѣ[то] вы

сѣкоша кыянѣ Всѣсла[ва] ис порȣ[ба].

томь [же] лѣ[тѣ] побѣди С[вѧ]тосла[в] Половце

ѹ Снъвьска. а Изѧславъ бѣ[жа] въ Лѧ[хы].

Въ лѣ[то] 6577 (1069) приде Изѧславъ

съ Лѧхы. а Всѣсла[в] бѣжа Поло

тьскѹ. и погоре Подолиѥ.

Въ то [же] лѣ[то] осень м[ѣсѧ]цѧ октѧб[рѧ]

въ 23 на с[вѧ]т[о]го Якова бра[та]

Г[оспод]нѧ въ пѧтни[чи] въ чѧ[с]

6 дни опѧть приде Все[...]

Folio 4’

къ Новѹгородѹ. новгородци же по

ставиша пълъкъ противѹ ихъ

ѹ Звѣринцѧ на Къземли. и посо

би Б[ог]ъ Глѣбѹ кн[ѧ]зю съ новгородци.

О велика бѧше сѣцѧ Вожѧномъ

и паде ихъ бещисльноѥ число.

а самого кн[ѧ]зѧ ѿпѹстишѧ Б[ог]а дѣ

лѧ. а на заѹтриѥ обрѣтесѧ крѣ[ст]

ч[ес]тныи Володимирь ѹ с[вѧ]тѣи Со

фиѥ Новѣгородѣ при еп[иско]пѣ Федоре.

Въ лѣ[то] 6578 (1070) родисѧ Ростислав

и ц[е]ркы заложена бы[сть] с[вѧ]т[о]го Миха

ила манастырь Кыѥвѣ.

Въ лѣ[то] 6579 (1071)

Въ лѣ[то] 6580 (1072) пѣрене

сена бы[ста] Бориса и Глѣба

съ Льта Вышегородѹ.

Въ лѣ[то] 6581 (1073)

Folio 5

заложена бы[сть] ц[е]ркы Печерьская

Феодосомь игѹменомь.

Въ то [же] лѣ[то] прогнаста Изѧсла[ва] въ Лѧ[хы]

С[вѧ]тослав и Всѣволодъ.

Въ лѣ[то] 6582 (1074) прѣстависѧ Фе

досъ игѹменъ Печерьскыи м[ѣсѧ]цѧ

маия въ 3.

Въ лѣ[то] 6583 (1075)

Въ лѣ[то] 6584 (1076)

Въ лѣ[то] 6585 (1077) прѣстависѧ Феѡ

доръ археп[иско]пъ новгородьскыи.

Въ лѣ[то] 6586 (1078) бѣжа Ольгъ Тъ

мѹтороканю и приведе Половче.

и побѣди Всѣволода на Съжицѧхъ. Въ то [же] лѣ[то] бы[сть] сѣцѧ ѹ Чьрнигова и

ѹбьѥна бы[ста] 2 кн[ѧ]зѧ Изѧслав и Борїс.

Въ лѣ[то] 6587 (1079) ѹбиша за Волоко

мь кн[ѧ]зѧ Глѣба м[ѣсѧ]цѧ маия въ 30.

Въ то [же] лѣ[то] ѹбиша Половчи Романа.

Folio 5’

Въ лѣ[то] 6588 (1080)

Въ лѣ[то] 6589 (1081)

Въ лѣ[то] 6590 (1082)

Въ лѣ[то] 6591 (1083)

Въ лѣ[то] 6592 (1084)

Въ лѣ[то] 6593 (1085)

Въ лѣ[то] 6594 (1086)

Въ лѣ[то] 6595 (1087)

Въ лѣ[то] 6596 (1088) с[вѧ]щ[е]на бы[сть] ц[е]ркы с[вѧ]т[о]го Михаила.

Въ лѣ[то] 6597 (1089) с[вѧ]щ[е]на бы[сть] ц[е]ркы

Печерьская Іѡа[но]мь митрополи

томь. томь [же] лѣ[тѣ] прѣстависѧ.

Въ лѣ[то] 6598 (1090) приведе Янъка

митрополита скопьцѧ. Въ то [же]

лѣ[то] с[вѧ]щ[е]на бы[сть] ц[е]ркы с[вѧ]т[о]го Михаила

Переяславли.

Въ лѣ[то] 6599 (1091) перенесоша игу

мена печерьскаго Ѳедоса въ ма

настырь ис печерѣ. Въ то [же]

лѣ[то] прѣ

стависѧ Іѡ[анн] скопечь митрополит.

Folio 6

Въ лѣ[то] 6600 (1092) наиде рана на Полоча

ны яко нѣкако бѧше ходити

ѹличѧмъ яко мнѣти в[...] о

жьство. а конемъ [...] ыта

видѣти. да аще кто из ысть

бы вылезеть напрасно ѹбьѥ

нъ бываше невидимо.

Въ лѣ[то] 6601 (1093) прѣстависѧ Всѣволо

дъ и сѣде С[вѧ]тополкъ Кыѥвѣ. Въ [то]

же лѣ[то] побѣдиша Половчи С[вѧ]топъ

лка и Мьстисла[ва] на Трьполи.

Въ лѣ[то] 6602 (1094)

Въ лѣ[то] 6603 (1095) иде С[вѧ]топълкъ и Воло

димиръ на Д[а]в[и]да Смольньскѹ

и вдаша Д[а]в[и]дѹ Новъгородъ.

Въ то [же]

лѣ[то] придоша въ Рѹсь прѹ

зи авгу[ста] въ 28.

Въ лѣ[то] 6604 (1096)

Въ лѣ[то] 6605 (1097) слепленъ бы[сть] Василко.

Folio 6’

Въ то [же]

лѣ[то] зимѣ побѣди Мьстислав

[съ] новгородци Олга на Кѹлацьскѣ

[...] коѥ говениѥ. томь [же] лѣ[тѣ] на

ве [...] горѣ онъ полъ а 3

и д[е]нь Дѣтиньць съгорѣ городъ.

и Книнѹ чѧдь избишѧ.

Въ лѣ[то] 6606 (1098)

Въ лѣ[то] 6607 (1099)

Въ лѣ[то] 6608 (1100)

Въ лѣ[то] 6609 (1101) прѣ

стависѧ Всѣслав Полочьскыи кн[ѧ]з.

Въ лѣ[то] 6610 (1102)

Въ лѣ[то] 6611 (1103) идоша всѧ бра[ть]я Рѹсь

скыя землѧ на Половьцѣ на Сѹ

тѣнь и побѣдиша я и кн[ѧ]зѧ ихъ

имѣниѥ заяша. семь же лѣ[тѣ] по

бѣдиша Ярослава Моръдва Му

ромѣ. въ то же лѣ[то] заложиша ц[е]рко

вь Бл[а]говѣщениѥ Мьстислав

кн[ѧ]зь на Городищи.

Folio 7

Въ лѣ[то] 6612 (1104) приде Никифоръ ми

трополитъ сѹрьскыи.

Въ лѣ[то] 6613 (1105) поставлени быша

еп[иско]пи Лазорь Мина Амфилохии.

томь [же] лѣ[тѣ] идоша въ Ладогѹ на вои

нѹ. и погорѣша хороми ѿ рѹчия

мимо Славьно до с[вѧ]т[о]го Илиѥ.

Въ лѣ[то] 6614 (1106) избиша Половьче

на Дѹнаи. Въ то [же] лѣ[то] постри

жесѧ С[вѧ]тоша кн[ѧ]зь с[ы]нъ Д[а]в[и]д[о]въ Цьрнї

говѣ тьсть Всѣволожь.

Въ лѣ[то] 6615 (1107) трѧсесѧ землѧ въ

5 феврарѧ.

Въ лѣ[то] 6616 (1108) прѣстависѧ архї

еп[иско]пъ новъгородьскыи Ни

кита м[ѣсѧ]цѧ генварѧ

въ 30. а на веснѹ

почѧшѧ пь

Folio 7’

сати с[вѧ]тѹю Софию стѧжѧниѥмь

с[вѧ]т[о]го вл[а]д[ы]кы.

Въ лѣ[то] 6617 (1109) бы[сть] вода велика въ

Дьнѣпри и въ Деснѣ и въ Припетѣ.

и концѧша трьпезницю Печерьска

го манастырѧ. Въ то [же] лѣ[то] заложена

бы[сть] ц[е]ркы кн[ѧ]з[е]мь С[вѧ]топълкомь Кыевѣ.

Въ лѣ[то] 6618 (1110) приде археп[иско]пъ Іѡа[нн]

въ Новъ(Новъ)городъ м[ѣсѧ]цѧ дек[абр]ѧ въ 20.

Въ лѣ[то] 6619 (1111) иде С[вѧ]топълкъ Воло

димиръ Д[а]в[и]дъ и всѧ землѧ просто Рѹ[сь]

ская на Половьце и побѣдиша я и възѧшѧ дѣти ихъ. и городъ по Дъ

нови Сѹртовъ и Шарѹкань.

тъгда же погорѣ Подолье

Кыѥвѣ и Цьрниго

въ и Смолньскъ

и Новъгоро

Folio 8

дъ. томь же лѣ[тѣ] прѣстависѧ Іѡ[анн]

еп[иско]пъ черниговьскыи. томь [же] лѣ[тѣ]

ходи Мьстислав на Очелѹ.

Въ лѣ[то] 6620 (1112)

Въ лѣ[то] 6621 (1113) ходи Ярослав на

Ятвѧгы с[ы]нъ С[вѧ]топълчь. и пришь

дъ съ воиины поя дъчерь Мьсти

славлю. томь [же] лѣ[тѣ] прѣстависѧ

С[вѧ]топълкъ а Володимиръ сѣдѣ на

столѣ Кыѥвѣ. въ се же лѣ[то] прѣста

висѧ Д[а]в[и]дъ Игоревиць. семь [же] лѣ[тѣ] по

бѣди Мьстислав на Борѹ Чюдь. Въ

то [же] лѣ[то] заложена бы[сть] ц[е]ркы Нове

городѣ с[вѧ]т[о]го Николы. Въ то [же] лѣ[то] пого

рѣ онъ полъ на сеи же сторонѣ го

родъ Кромьныи ѿ Лѹкинъ по[жа]ръ.

Въ лѣ[то] 6622 (1114) прѣстависѧ С[вѧ]то

слав Переѧславли. Въ то [же] лѣ[то] поста

Folio 8’

виша Фектиста еп[иско]па Чьрнигову.

Въ лѣ[то] 6623 (1115) съвъкѹпи

шасѧ бра[ть]я Вышегородѣ Во

лодимиръ Ольгъ Д[а]в[и]дъ и всѧ

Рѹсьская землѧ. и ос[вѧ]тиша

ц[е]рк[о]вь камѧнѹ маиѧ въ 1

а въ 2 перенесоша Бориса и

Глѣба индикта въ 8. Въ [тоже]

лѣ[то] бы[сть] знамениѥ въ с[о]лнци

якоже погыбе. а на осень прѣ

стависѧ Ольгъ с[ы]нъ С[вѧ]тославль

авгȣ[ста] въ 1. а Новѣгородѣ и

змьроша конѧ всѧ ѹ Мьсти

слава и ѹ дрѹжины ѥго. то[мь] же лѣ[тѣ] заложи Воигость

ц[е]рк[о]вь с[вѧ]т[о]го Федора Тирона а

прилѧ въ 28.

Въ лѣ[то] 6624 (1116) иде Мьсти

Folio 9

славъ на Чюдь съ новгородьци

и възѧ Медвѣжю головѹ на

40 с[вѧ]т[ы]хъ. Въ то [же] лѣ[то] Мьсти

славъ заложи Новъгородъ бо

лии пьрваго. то[мь] же лѣ[тѣ] Павь

лъ посадникъ ладожьскыи

заложи Ладогѹ городъ камѧ

нъ.

Въ лѣ[то] 6625 (1117) и

де Мьстиславъ Кыѥвѹ на

столъ из Новагорода марта

въ 17. а с[ы]нъ посади Новѣгородѣ

Всѣволода на столѣ. Въ [то] же лѣ[то]

бы[сть] знамениѥ Новѣгородѣ въ

с[вѧ]тѣи Софии ѿ грома м[ѣсѧ]цѧ ма

ия въ 14 въ час 10 вечерню

поющимъ ѥдинъ ѿ дьякъ за

раженъ бы[сть] ѿ грома а клиросъ вь

сь съ людьми падоша ници нъ

Folio 9’

живи быша. а на вечеръ бы[сть] зна

мениѥ въ лѹнѣ. Въ то [же] лѣ[то] игу

менъ Антонъ заложи ц[е]рк[о]вь

камѧнѹ с[вѧ]тыя Б[огороди]цѧ мана

стырь. Въ се [же] лѣ[то] прѣстависѧ

Добрына посадникъ новго

родьскыи дек[абр]ѧ въ 6.

Въ лѣ[то] 6626 (1118) прѣстависѧ

Дъмитръ Завидиць посадни

къ новъгородьскыи иѹлѧ

въ 9 посадникъ новъгородь

скыи посадницѧвъ 7 м[ѣсѧ]ць о

динѹ. томь [же] лѣ[тѣ] приведе Во

лодимиръ съ Мьстиславомь всѧ боѧры новгородьскыя Кы

ѥвѹ и заводи я къ ч[ес]тьномѹ

х[рест]ѹ и пѹсти я домовь а ины

я ѹ себе остави и разгнѣва

Folio 10

сѧ на ты оже то грабили Дань

слава и Ноздрьчю и на Сочь

скаго на Ставра и затоци я всѧ.

Въ лѣ[то] 6627 (1119) заложи Кю

рьякъ игѹменъ и кн[ѧ]зь Всѣ

володъ ц[е]рк[о]вь камѧнѹ мана

стырь с[вѧ]т[о]го Георгия Новѣго

родѣ. Въ то же лѣ[то] прѣстависѧ

Къснѧтинъ Мосѣовиць посад

никъ. томь [же] лѣ[тѣ] съвѣрше

на бы[сть] ч[е]ркы Антонова с[вѧ]тая

Б[огороди]цѧ Новѣгородѣ.

Въ лѣ[то] 6628 (1120) приде Борисъ

посадницитъ въ Новъгородъ.

Въ лѣ[то] 6629 (1121)

Въ лѣ[то] 6630 (1122) прѣстависѧ Мь

стиславлѧя Хрьстина. томь [же]

лѣ[тѣ] оженисѧ Мьстиславъ Кые

Folio 10’

вѣ. поѧ Дмитровьнѹ Новѣго

родѣ Завидицѧ.

Въ лѣ[то] 6631 (1123) оженисѧ

Всѣволодъ с[ы]нъ Мьстиставль

Новѣгородѣ. Въ [то] же лѣ[то] падесѧ ц[е]ркы с[вѧ]т[о]го Михаила Пе

реѧславли. а на веснѹ ходи

Всѣволодъ съ новгородьци на

Ѥмь. въ вѣликоѥ говениѥ. и

побѣди я. нъ лютъ бѧше пѹ

ть. оже кѹплѧхѹ по ногатѣ

хлѣбъ.

Въ лѣ[то] 6632 (1124) м[ѣсѧ]цѧ авгѹ[ста]

въ 11 д[е]нь передъ вечериею

почѧ ѹбывати с[о]лнцѧ и погы

бѣ всѣ. о великъ страхъ и ть

ма бы[сть] и звѣзды быша и м[ѣсѧ]ць

и пакы начѧ прибывати и въ

Folio 11

бързѣ напълнисѧ и ради бы

ша вси по градѹ.

Въ лѣ[то] 6633 (1125) престависѧ

Володимиръ великыи Кыѥвѣ

с[ы]нъ Всѣволожь. а с[ы]на ѥго Мь

стислава посадиша на столѣ

о[т]ци. Въ то [же] лѣ[то] бѧше бѹрѧ велї

ка съ громомь и градомь. и хо

ромы раздьра и съ божниць

вълны раздьра стада скоти

ны истопи въ Волховѣ. а дрѹ

гыя одва переимаша живы.

томь [же] лѣ[тѣ] испьсаша божницю

Антоновѹ. Въ то [же] лѣ[то] посади

ша на столѣ Всѣволода новгород[ци].

Въ лѣ[то] 6634 (1126) ходи Всѣволо

дъ къ о[т]цю Кыѥвѹ и приде опѧ

ть Новѹгородѹ на столъ м[ѣсѧ]цѧ

Folio 11’

феврарѧ въ 28.

Въ то [же] лѣ[то] въдага посадницъ

ство Мирославѹ Гюрѧтини

цю.

Въ лѣ[то] 6635 (1127) зало

жи ц[е]рк[о]вь камѧнѹ с[вѧ]т[о]го Іѡа[нна]

Всѣволодъ Новѣгородѣ на

Петрѧтинѣ дворѣ въ имѧ с[ы]на

своего. Въ то [же] лѣ[то] паде меты

ль гѹстъ по земли и по водѣ

и по хоромомъ по 2 нощи а по

4 дни. томь [же] лѣ[тѣ] обложи трь

пезницю камѧнѹ Антонъ игу

менъ Новегородѣ. томь [же]

лѣ[тѣ] вода бѧше велика въ Волхо

вѣ. а снѣгъ лежа до Яковлѧ дні.

а на осень ѹби морозъ вьрьшь

всю и озимицѣ. и бы голодъ

и цересъ зимѹ ръжи осминка

Folio 12

по полѹгр[и]внѣ.

Въ лѣ[то] 6636 (1128) прѣстѣста

висѧ игѹменъ Кюрьякъ с[вѧ]то

го Георгия. томь [же] лѣ[тѣ] прѣ

стависѧ Іѡа[нн] с[ы]нъ Всѣволожь

вънѹкъ Мьстиславль апри

лѧ въ 16. Въ то [же] лѣ[то] въдаша

посадницьство Новѣгородѣ

Завидѹ Дмитровицю. Въ се

же лѣ[то] лютѣ бѧше. осминъка

ръжи по гр[и]внѣ бѧше. и ядѧху

люди листъ липовъ корѹ бере

зовѹ. инии молиць истълъ

кше мѧтѹце съ пелъми и съ

соломою. инии ѹшь мъхъ

конинѹ. и тако дрѹгымъ па

дъшимъ ѿ глада трѹпиѥ по

ѹлицѧмъ и по търгѹ и по пу

Folio 12’

тьмъ и всюдѹ. наяша наи

миты возити мьртвьцѧ из го

рода а смородъмь нелга вы

лести. Тѹга бѣда на всѣхъ

о[те]ць и м[а]ти чадо своѥ въсажа

ше въ лодью даромь гостьмъ

ово ихъ измьроша а дрѹзии

разидошасѧ по чюжимъ зе

млѧмъ. и тако по грѣхомъ на

шимъ погыбе землѧ наша.

Въ се [же] лѣ[то] вода бѧше велика въ

Волхове. и хоромъ много сно

си. и кн[ѧ]зь полотьскыи ѹмре

Борисъ Всеславиць. и Завидъ

посадникъ новгородьскыи ѹ

мре Дъмитровиць.

Въ лѣ[то] 6637 (1129) въниде ис Кы

ѥва Данилъ посадницить Но

вѹгороду.

Folio 13

Въ лѣ[то] 6638 (1130) иде Всѣво

лодъ съ новгородьци на Чю

дь зимѣ въ говениѥ и самы

исеце а хоромы пожьже. а

жены и дети приведе домовь.

Въ то [же] лѣ[то] ходи Кыѥвѹ къ о[т]цю.

Въ то [же] лѣ[то] коньцѧ ц[е]рк[о]вь с[вѧ]т[о]го

Іѡ[анна]. Въ се [же] лѣ[то] идѹце изаморї

я съ Готъ. потопи лодии 7 и

сами истопоша и товаръ а

дрѹзии вылезоша нъ нази.

а из Дони придоша сторови.

Въ се [же] лѣ[то] ѿвьржесѧ археп[иско]пъ Іѡ[анн]

Новагорода и поставиша а

рхеп[иско]па Нифонта мѹжа

с[вѧ]та и зѣло боящѧсѧ Б[ог]а. и

приде Новѹгородѹ м[ѣсѧ]цѧ

генъврѧ въ 1 д[е]нь на с[вѧ]т[о]го

Василья на обедьнюю

Folio 13’

а Петрилѹ даша посаднї

цать Новѹгородѹ.

Въ лѣ[то] 6639 (1131) бы[сть] зна

мениѥ въ с[о]лнци въ ве

чернюю марта въ 30.

томь же лѣ[тѣ] на зимѹ иде

Всѣволодъ на зимѹ на Чю

дь. и створисѧ пакость ве

лика много добрыхъ му

жь избиша въ Клинѣ новъ

городьць м[ѣсѧ]цѧ генъварѧ

въ 23 въ сѹботѹ. тъгда

же Антона игѹменомь Нифо

нтъ археп[иско]пъ постави.

Въ лѣ[то] 6640 (1132) прѣстави

сѧ Мьстиславъ Кыѥвѣ Во

лодимириць апри[лѧ] въ 14.

а Яропълкъ седе на столѣ брат

Мьстиславль. Въ се [же] лѣ[то] хо

Folio 14

ди Всѣволодъ въ Рѹсь Переясла

влю. повелениѥмь Яропълце

мъ а целовавъ кр[ес]тъ къ новго

родцемъ. Яко хоцю ѹ васъ ѹ

мерети. и ре[че] Гюрги и Андрѣи.

се Яропълкъ брат наю по см[е]рти

своѥи хощеть дати Кыѥвъ Всеволодѹ братанѹ своѥму.

и выгониста и ис Переяславлѧ.

и приде опѧть Новѹгородѹ.

и бы[сть] въстань велика въ людь

хъ. и придоша пльсковици и ла

дожане Новѹгородѹ и выго

ниша кн[ѧ]зѧ Всѣволода из горо

да и пакы съдѹмавъше

въспѧтиша и

Ѹстьяхъ.

а Мирославѹ

даша посадь

Folio 14’

ницѧти въ Пльскове. а Рагѹило

ви въ городѣ.

Въ лѣ[то] 6641 (1133) бы[сть] знаменї

ѥ въ с[о]лнци прѣдъ вечернею. И

томь же лѣ[тѣ] обновиша мостъ

цересъ Волхово рѹшивъше. и

ц[е]ркви сърѹбиша 2 деревѧнѣ

на Търговищи с[вѧ]тѹю Б[огороди]цю и с[вѧ]то

го Георгия. при кн[ѧ]зи Всеволо

дѣ. томь [же] лѣ[тѣ] на зимѹ иде Вь

севолодъ съ новгородьци на Чю

дь. и възѧ городъ Гюргевъ. на

памѧ[ть] с[вѧ]т[о]го Никифора февра[рѧ]

въ 9 д[е]нь.

Въ лѣ[то] 6642 (1134)

почаша мълъ

вити о Сѹжь

дальстѣи

воинѣ новъ

городци и ȣ

Folio 15

биша мѹжь свои

и съвьргоша и съ моста

въ сѹботѹ Пѧнтикость

нѹю. томь [же] лѣ[тѣ] пого

рѣ Търговыи полъ ѿ рѹ

чья Плътьницьнаго до

концѧ Хълма якоже и

преже бѧше погорѣлъ. а

ц[е]рквии ц[ес]тьныхъ 10 съго

рѣ авгѹ[ста] въ 4. томь же лѣ[тѣ] хо

ди Всѣволодъ съ новгородьци.

хотѧ брат[а] своего посадити Сѹ

ждали. и воротишасѧ на Дѹбнѣ

опѧть. и на томь же пѹти отѧ

ша посадницьство ѹ Петрила

и даша Иванкѹ Павловицю.

а Изѧславъ иде Кыѥвѹ и раздь

расѧ всѧ землѧ Рѹсьская. томь [же]

лѣ[тѣ] рѹбоша новгородць за моремь

Folio 15’

въ Дони. И иде Исаи

я игѹменъ съломь

Кыѥвѹ. приде опѧть съ

митрополитомь Миха

иломь Новѹгородѹ де

кѧбрѧ въ 9. В то [же] лѣ[то] на

зимѹ иде Всѣволодъ

на Сѹждаль ратью и вь

сѧ новгородьская область

м[ѣсѧ]цѧ дек[абр]ѧ въ 31. и сташа

д[е]ньѥ зли мразъ вьялицѧ стра

шно зѣло. и бишасѧ на Ждани

горѣ и много сѧ зла створи. и ѹ

виша посадника новгородьскаго

Иванка мѹжа храбра зѣло м[ѣсѧ]цѧ

генъварѧ въ 26 и Петрила Микȣ

лъцицѧ и много добрыхъ мѹж

а сѹждальць боле. и створше миръ

придоша опѧть. и пѹстиша ми

Folio 16

трополита Кыѥвѹ м[ѣсѧ]цѧ феȣррѧ

въ 10 въ мѧ[со]пѹ[стнѹ]ю нед[ѣлю]. а на Сѹжда

ль идѹце не пѹстиша ѥго. а онъ

мълвлѧше имъ. не ходите мене

Б[ог]ъ послѹшаѥть. и пришьдъше

даша посадницьство Миро

славѹ Гюрѧтиницю.

Въ лѣ[то] 6643 (1135) ходи Миросла

въ посадникъ из Новагорода мї

ритъ кыянъ съ черниговьци и

приде не ѹспевъ ництоже. силь

но бо възмѧ

ласѧ всѧ землѧ Рѹ[сь]

ская. Яропълкъ к собе зваше

новъгородьце. а церниговьскы

и кн[ѧ]зь к собе. и бишасѧ и помо

же Б[ог]ъ Олговицю съ церниговчи

и многы кыяны исеце. а дрѹ

гыя изма рѹками. И не то бѧ

ше зло. нъ боле почѧста копити

Folio 16’

вои и Половче и всѣ. Въ то же лѣ[то]

заложи ц[е]рк[о]вь камѧнѹ с[вѧ]тыя

Б[огороди]цѧ на Търговищи Всѣволодъ

Новегородѣ съ археп[иско]пъмь Ни

фонтомь. томь [же] лѣ[тѣ] Ирожне

тъ заложи ц[е]рк[о]вь с[вѧ]т[о]го Николы

на Яколи ѹлици. Въ то [же] лѣ[то]

на зимѹ иде въ Рѹсь археп[иско]пъ

Нифонтъ съ лѹчьшими му

жи и заста кыяны съ церни

говьци стояце противѹ собе

и множьство вои. и Б[о]жиѥю

волею съмиришасѧ. а Миро

славъ прѣстависѧ до вл[а]д[ы]кы

генуарѧ въ 28. а еп[иско]пъ приде

феуррѧ въ 4. а посадницьство

даша Костѧнтинѹ Микѹлъ

цицю Новегородѣ.

Въ лѣ[то] 6644 (1136) индикта лѣ[та]

Folio 17

14 новгородьци призваша пльско

виче и ладожаны и сдѹмаша

яко изгонити кн[ѧ]зѧ своѥго Всѣ

волода. И въсадиша въ еп[иско]пль дво

ръ съ женою и съ дѣтьми и съ ть

щею м[ѣсѧ]цѧ маия въ 28. и стра

жьѥ стрежахѹ д[е]нь и нощь съ о

рѹжиѥмь 30 мѹжь на д[е]нь. и

сѣде 2 м[ѣсѧ]цѧ и пѹстиша из го

рода июлѧ въ 15. а Володимира

с[ы]на ѥго прияша. а се вины ѥго

творѧхѹ. 1. не блюдеть смердъ.

2. чемѹ хотелъ ѥси сести Переѧ

славли. 3. ехалъ ѥси съ пълку

переди всѣхъ а на то много на по

чатыи велевъ ны ре[че] къ Всѣволо

дѹ пристѹпити а пакы ѿстȣ

пити велить не пѹстиша ѥго

Folio 17’

донелѣже инъ кн[ѧ]зь приде. тъгда

же съгорѣ ц[е]ркы с[вѧ]т[о]го Въскр[е]сениѧ

манастырь. Въ то [же] лѣ[то] приде Но

вѹгородѹ кн[ѧ]зь С[вѧ]тославъ Олгови

ць ис Цернигова ѿ бра[та] Всеволодка

м[ѣсѧ]цѧ июлѧ въ 19. пре[же] 14 кала

нда авгѹ[ста] въ нед[ѣлю]. на сборъ с[вѧ]ты

я Еѹфимие въ 3 ча[с] дне

а лѹ[не] н[е]б[ес]нѣи въ 19 д[е]нь.

томь же лѣ[тѣ] наставъшю инди

кта 15 ѹбиша Гюргѧ Жиросла

вицѧ. исъ моста съвѣргоша

м[ѣсѧ]цѧ септѧбрѧ. Въ то [же] лѣ[то] с[вѧ]т[и]ша

ц[е]рк[о]вь с[вѧ]т[о]го Николы великымь

с[вѧ]щ[е]ниѥмь въ 5 декѧбрѧ.

Въ то [же] лѣ[то] оженисѧ С[вѧ]тославъ О

лговиць Новегородѣ и вѣньцѧ

сѧ своими попы ѹ с[вѧ]т[о]го Николы

Folio 18

а Нифонт ѥго не вѣньцѧ ни попо

мъ на сватбѹ ни церенцемъ да[сть]

г[лаго]лѧ. не достоить ѥя пояти. Въ то [же]

лѣ[то] стрѣлиша кн[ѧ]зѧ м[и]л[ос]тьници

Всѣволожи нъ живъ бы[сть].

Въ лѣ[то] 6645 (1137) настанѹщю

въ 7 марта индикта лѣ[та] 15

бѣжѧ Костѧнтинъ посадни

къ къ Всѣволодѹ и инѣхъ до

брыхъ мѹжь нѣколико. И въда

ша посадницити Якѹнѹ Ми

рославицю Новѣгородѣ. Въ то [же]

лѣ[то] приде кн[ѧ]зь Мьстиславиць

Всѣволодъ Пльсковѹ хотѧ сѣ

сти опѧть на столе своѥмь Но

вѣгородѣ позванъ отаи новго

родьскыми и пльсковьскымї

мѹ[жи] приѧтели ѥго поиди кнѧ[же]

Folio 18’

хотѧть тебе опѧть. И яко ѹ

слышано бы[сть] се яко Всѣволодъ

Пльсковѣ съ бра[то]мь С[вѧ]топълко

мь и мѧтежь бы[сть] великъ Нове

городѣ. не въсхотѣша людьѥ

Всѣволода. И побѣгоша дрѹ

зии къ Всѣволодѹ Пльсковѹ

и възѧша на разграблениѥ до

мы ихъ Къснѧтинъ Нѣжѧтї

нъ и инѣхъ много. и ѥще же и

щюще то кто Всеволодȣ прия

тель бояръ тъ имаша на нихъ

нѣ съ полѹторы тысѧце гр[и]в[е]нъ

и даша кѹпцемъ крѹтитисѧ

на воинѹ. нъ сѧгоша и невино

ватыхъ. Потомь [же] С[вѧ]тославъ О

лговиць съвъкѹпи всю землю

новгородьскѹю и бра[та] своѥго

Folio 19

приведе Глѣбъка кѹрѧны съ По

ловьци. идоша на Пльсковъ прого

нитъ Всѣволода. и не покориша

сѧ пльсковици имъ ни выгна

ша кн[ѧ]зѧ ѿ себе. нъ бѧхѹть сѧ ѹ

стерегли засекли засекли осекы

всѣ. и съдѹмавъше кн[ѧ]зь и лю[дь]е

на пѹти въспѧтишасѧ на Дѹ

бровьнѣ. и ѥще рекъше не проли

ваиме кръви съ своею братьѥю

нѣгли Б[ог]ъ ѹправить своимь про

мысломь. Тъгда же прѣстави

сѧ кн[ѧ]зь Всѣволодъ Мьстисла

виць Пльсковѣ. И яшасѧ пль

сковици по бра[та] ѥго С[вѧ]топълка. и

не бе мира съ ними ни съ сѹжь

дальци ни съ смоль

нѧны ни съ полоцѧ

Folio 19’

ны ни съ кыяны. и стоя всѣ

лѣ[то] осмьнъка великая по 7 резан.

Въ лѣ[то] 6646 (1138) м[ѣсѧ]цѧ марта

въ 9 д[е]нь на 40 с[вѧ]т[ы]хъ бы[сть] гро

мъ велии яко слышахомъ

ч[ѧс]то въ истьбѣ сѣдѧще. Въ то [же] лѣ[то]

въгнаша кн[ѧ]зѧ С[вѧ]тослава с[ы]на Оль

гова из Новагорода м[ѣсѧ]цѧ априлѧ

17 въ нед[ѣлю] 3 п[о] Па[сцѣ] сѣдевъша 2

лѣ[та] бес трии м[ѣсѧ]ць.

Томь [же] лѣ[тѣ] слашасѧ по Гюргѧ Во

лодимирицѧ Сѹждалю. А въ

23 то[го] м[ѣсѧ]цѧ пополошишасѧ лю

дьѥ. сългаша бо яко С[вѧ]топълкъ

ѹ города съ пльсковици. и высу

шасѧ всь городъ къ Сильнищю.

и не бы ничтоже. А С[вѧ]то

славлю прияша Но

Folio 20

вѣгородѣ съ лѹтьшими мѹжи.

а самого С[вѧ]тослава яша на пѹ

ти смолнѧне и стрѣжахѹть ѥго

на Смѧдинѣ въ манастыри яко

же и женѹ ѥго Новегородѣ ѹ с[вѧ]то

ѥ Варвары въ манастыри жидѹ

ще оправы Яропълкѹ съ Всѣво

лодкомь. Въ то [же] лѣ[то] въниде кнѧ

зь Ярославъ с[ы]нъ Гюргевъ вънѹ

къ Володимирь и[с] Сѹждѧлѧ Новȣ

городѹ на столъ маия въ 10. и

съ пльсковици съмиришасѧ. Въ

то же лѣ[то] кн[ѧ]зь Кыѥвьскыи Яро

пълкъ и седѣ на столѣ брат ѥго

Вѧчеславъ.

Въ лѣ[то] 6647 (1139) приде Гюрги

кн[ѧ]зь и[с] Сѹждалѧ Смольньску

и зваше новгородьце на Кыевъ

Folio 20’

на Всѣволодка и не послѹша

ша ѥго. и тъгда бѣжа Рости

славъ Смольньскѹ къ о[т]цю из Но

вагорода сеп[тѧ]брѧ 1 сѣдѣвъ въ

Новѣгородѣ 8 лѣ[т] и 4 м[ѣсѧ]цѣ.

И разгнѣвасѧ Гюрги идѧ опѧ[ть]

Сѹждалю възѧ Новыи Търгъ.

И послашасѧ новгородци Кые

вѹ по С[вѧ]тосла[ва] по Олговицѧ захо

дивъше ротѣ. И бѣ мѧтежь Новѣ

городѣ а С[вѧ]тосла[ва] дълго не бѧше.

Въ то [же] лѣ[то] въниде кн[ѧ]зь С[вѧ]тосла[въ]

Олговиць Новѹгородѹ и сѣдѣ

на столѣ м[ѣсѧ]цѧ дек[абр]ѧ въ 25.

Въ лѣ[то] 6648 (1140) въ 20 марта

бы[сть] знамениѥ въ с[о]лнчи и то

лико оста ѥго якоже бываѥть

м[ѣсѧ]ць 4 д[ь]нии и пакы до захо

Folio 21

да напълнисѧ. Въ то [же] лѣ[то] потоци

ша Кыѥвѹ къ Всѣволодѹ Къ

снѧтина Микѹлъцицѧ и пакы

по немь инѣхъ мѹж 6 оковавъ

ше. Полюда Къснѧтиницѧ Дь

мьяна инѣхъ колико.

Въ лѣ[то] 6649 (1141) апри[лѧ] въ 1

бы[сть] знамениѥ на н[е]б[е]си дивь

но велми 6 крѹговъ 3 око

ло с[о]лнцѧ. а кроме с[о]лнцѧ дрѹ

гыя 3 великы. и стоя бли

зъ не весь д[е]нь. Въ то [же] лѣ[то] придо

ша ис Кыѥва ѿ Всѣволода по

бра[та] С[вѧ]тосла[ва] вести Кыѥ[вѹ]. а с[ы]на

моѥго ре[че] приимите собе кн[ѧ]зѧ.

и яко послаша еп[иско]па по с[ы]на ѥго

и много лепьшихъ людии. а

С[вѧ]тосла[ву] реша. а ты пожиди бра[та]

Folio 21’

то [же] поидеши. онъ же ѹбоявъсѧ

новгородьць. чи прѣльстивъ

ше мѧ имѹть. и бежа отаи

въ ноць. Якѹнъ съ нимь бе

жа. и Якѹна яша на Плисѣ

и приведъше и семо съ бра[то]мь е

го Прокопьѥю малы не до сме

рти обнаживъше яко м[а]ти родї

ла и съверша и съ моста. нъ Б[ог]ъ

избави прибрьде къ бѣрегѹ

и боле ѥго не биша. нъ възѧша

ѹ него 1000 гр[и]в[е]нъ. а ѹ бра[та] ѥго 100

гр[и]в[е]нъ. такоже и ѹ инѣхъ има

ша. и затоциша Якѹна въ Чю

дь съ братомь оковавъше и рѹ

цѣ къ шьи. и последь приведе

я къ собе Гюрги. и жены ѥя и

з Новагорода. и ѹ себе я дьржа

Folio 22

ше въ м[и]л[ос]ти. И разгнѣвасѧ Все

володъ и прия слы всѧ и еп[иско]па и

гость. и сѣдѣша новгородци

бес кнѧзѧ 9 м[ѣсѧ]ць. и призваша

и[с] Сѹждалѧ Сѹдилѹ Нежату

Страшка. оже бѣхѹ бѣжали

из Новагорода С[вѧ]тосла[ва] дѣлѧ

и Якѹна. И даша посадни

цьство Сѹдилѹ Новѣгородѣ

и послаша по Гюргѧ по кн[ѧ]зѧ Сѹ

ждалю. и не иде нъ посла с[ы]нъ сво

и Ростислав. оже то и пре[же] былъ.

Въ то [же] лѣ[то] въниде Ростислав Гю

ргевиць Новѹгородѹ на столъ

м[ѣсѧ]цѧ ноябрѧ въ 26.

Въ лѣ[то] 6650 (1142) еп[иско]пъ и кѹпь

це и слы новгородьскыя не

пѹщахѹ из Рѹси и они не хо

Folio 22’

тѧхѹ иного кн[ѧ]зѧ развѣ С[вѧ]топъ

лка. и въда имъ С[вѧ]топълка и[с] сво

ѥю рѹкѹ. Въротивъсѧ Гюрги

оже пѹстилъ с[ы]нъ свои Новѹ

городѹ и ѹслышаша Новѣ

городѣ яко С[вѧ]топълкъ идеть

къ нимъ съ всѣми людьми ихъ

и яша Ростисла[ва] и въсадиша въ

еп[иско]пль дворъ. сѣдѣвъша 4 м[ѣсѧ]ці.

Въ то [же] лѣ[то] въниде С[вѧ]топълкъ Но

вѹгородѹ 19 апри[лѧ] и пѹстї

ша Ростисла[ва] къ о[т]цю. Въ то [же] лѣ[то]

приходиша Ѣмь и воѥваша

область новгородьскѹю. из

биша я ладожане 400 и не пу

стиша ни мѹ[жа]. Въ то [же] лѣ[то] при

ходи Свьнскен кн[ѧ]зь съ еп[иско]п[о]мь

въ 60 шнекъ на гость. иже и[з]

Folio 23

заморья шли въ 3 лодьяхъ.

и бишасѧ не ѹспеша ничтоже.

и ѿлѹчиша ихъ 3 лодьѥ избї

ша ихъ полѹтораста.

Въ лѣ[то] 6651 (1143) стояше всѧ

осенина дъждева ѿ Г[оспо]жина

д[ь]ни до Корочюна тепло дъжгь. и бы вода велика вельми въ Во

лхове и всюде. сено и дръва разне

се. озеро морози въ нощь. и расть

рза вѣтръ. и вънесе въ Волхово

и поломи мостъ. 4 городнѣ о

тинѹдь бе[з] знатбе занесе.

Въ то [же] лѣ[то] оженисѧ С[вѧ]топълкъ Но

вѣгородѣ приведе женѹ и

з Моравы межи Р[о]ж[дес]твомь и

Кр[е]щ[е]ниѥмь. Въ то [же] лѣ[то] ходиша

Корела на Ѥмь и ѿбѣжаша 2

лоиву бити.

Folio 23’

Въ лѣ[то] 6652 (1144) дѣлаша мостъ вь

сь цересъ Волхово по стороне ветха

го новъ вьсь. Въ то [же] лѣ[то] погоре Хълмъ

вьсь и ц[е]ркы с[вѧ]т[о]го Ильѥ. Въ то [же] лѣ[то] и

спьсаша ч[ес]тно притворы всѧ въ

с[вѧ]тѣи Софии Новѣгородѣ. архи

еп[иско]пъ Нифонтъ. тъгда [же] даша по

садницьство Нежатѣ Твьрдѧ

тицю. Въ то [же] лѣ[то] съвѣршиша ц[е]рк[о]вь

камѧнѹ с[вѧ]тѣи Б[огороди]ци на Търговищи

Новегородѣ. Въ то [же] лѣ[то] постави мѧ

по[по]мь археп[иско]пъ с[вѧ]тыи Нифонтъ.

Въ лѣ[то] 6653 (1145) стояста 2 нед[ѣли]

пълне яко искрѧ гѹце. теплѣ

велми переже жатвы пото

мь наиде дъжгь яко не ви

дехомъ ясна д[ь]ни ни до зимы. и

много бы ѹимѣ житъ и сѣна не

Folio 24

ѹдѣлаша. а вода бы больши треть

яго лѣ[та] на тѹ осень. а на зимѹ не

бы[сть] снѣга велика ни ясна д[ь]ни и до

марта. Въ то [же] лѣ[то] ѹтопоста 2 по[па] и

не да еп[иско]пъ надъ нима пѣти.

Въ то [же] лѣ[то] заложиша ц[е]рк[о]вь камѧну

на Смѧдинѣ Бори[са] и Глѣ[ба] Смольнь[скѣ].

Томь [же] лѣ[тѣ] ходиша всѧ Рѹ[сь]ска землѧ

на Галиць. и много попѹстиша о

бла[сть] ихъ. а города не възѧша ни одї

ного. и воротишасѧ. ходиша же и и

з Новагорода помочьѥ кыяномъ

съ воѥводою Неревиномь и воро

тишасѧ съ любъвью.

Въ лѣ[то] 6654 (1146) прѣстави[сѧ] въ Рѹ[си]

Всѣволод м[ѣсѧ]цѧ июлѧ и сѣдѣ

на столѣ его брат Игорь. и сѣдѣ

2 нед[ѣли] и негодовахѹть ѥго лю[дь]ѥ.

Folio 24’

и въздаша вѣсть къ Изѧславѹ Мь

стисла[ви]чю Переяславлю. и приде

съ вои и бишасѧ. и поможе Б[ог]ъ Изѧ

сла[вѹ]. и сѣде Изѧслав на сто[лѣ] и Иго

рѧ самого яша 5 д[е]нь по побоищ

и порѹбиша и. а на осень вымо

лисѧ постричьсѧ и пострижесѧ.

тъгда же даша посадницьство

Костѧнтинѹ Микѹлъцицю. и

ѹ Нѣжатѣ отьмъше. томь [же] лѣ[тѣ]

съдѣлаша 4 ц[е]ркви с[вѧ]тѹю м[ѹ]ч[е]ни[кѹ]

Бориса и Глѣба въ гра[дѣ]. с[вѧ]т[о]го пр[о]р[ока]

Ильѥ и с[вѧ]тѹю ап[осто]лѹ Петра и П

[а]вла на Хълмѣ. и с[вѧ]тѹю безм

здьникѹ Козмѹ и Дамияна.

Въ лѣ[то] 6655 (1147) на осень ходи С[вѧ]то

пълкъ съ всѣю областию новъ

городьскою на Гюргѧ хотѧ на

Folio 25

Сѹждаль и воротишасѧ на Нове

мь Търгѹ. распѹтья дѣлѧ.

томь [же] лѣ[тѣ] прѣстависѧ зимѣ Костѧ

нтинъ посадникъ и даша Сѹдї

лови Иванковицю опѧть. тъгда [же]

ѹмре Онтонъ игѹменъ. Въ то [же]

лѣ[то] вдаша игѹменьство Андре

ѥви по Онтонѣ. томь [же] лѣ[тѣ] ѹби

ша Игорѧ кн[ѧ]зѧ Олговицѧ кыѧнѣ.

Въ лѣ[то] 6656 (1148) бы[сть] дъжгь съ гра

домь июнѧ въ 27 въ нед[ѣлю] и

зажьже гром ц[е]рк[о]вь с[вѧ]тыя Б[огороди]цѧ

въ Звериньци манастырь. Въ

то же лѣ[то] ходи археп[иско]пъ Нифо

нтъ Сѹждалю мира дѣлѧ къ

Гюргеви и приятъ и съ любъвью

Гюрги и ц[е]рк[о]вь с[вѧ]ти с[вѧ]тѣи Б[огороди]ци ве

ликымь с[вѧ]щ[е]ниѥмь. и новотъ

Folio 25’

ржьцѣ всѣ выправи и гость всь цѣ

лъ. И посла съ цьстию Новѹгородѹ

нъ мира не да[сть]. Тои [же] осени присла Изѧ

слав ис Кыѥва с[ы]на своѥго Яросла[ва]

и прияша новгородьци. а С[вѧ]топълка

выведе злобы ѥго ради и дасть ѥ

мѹ Володимирь. Тои [же] зимѣ при

де Изѧслав Новѹгородѹ с[ы]нъ Мь

стиславль ис Кыѥва. Иде на Гю

ргѧ Ростовѹ съ новгородьци. и мъ

ного воѥваша лю[дь]ѥ Гюргево и по

Волзѣ възѧша 6 городъкъ оли

до Ярославлѧ попѹстиша а голо

въ възѧшѧ 7000 и воротишасѧ ро

спѹтия дѣлѧ.

Въ лѣ[то] 6657 (1149) иде археп[иско]пъ новъ

городьскыи Нифонтъ въ Рѹ[сь] по

званъ Изѧславомь и Климомь

Folio 26

митрополитомь. ставилъ бо ѥго

бѧше Изѧслав съ ѥп[иско]пы Рѹ[сь]скыя о

бласти не славъ Ц[ѣса]рюгра[дѹ] а Нифо

нтъ тако мълвлѧше. не достоинѣ

ѥсть сталъ. оже не бл[а]г[ослове]нъ ѥсть ѿ

великаго сбора ни ставленъ. а о

нъ про то не бързо ѿрѧдивъ ѥго нъ

посадивъ Печерьстѣмь мана

стыри. доидеже Гюрги придеть.

Въ то [же] лѣ[то] Гюрги приде на Кыѥвъ. позванъ С[вѧ]тосла[во]мь Олговице

мь и бишасѧ ѹ Переяславлѧ

и переяславьци сѣдоша на щи

тѣ. наѹцениѥмь Гюргѧ и сѣ

де Гюрги Кыѥвѣ. а Изѧславъ бѣ

жа Володимирю. На то [же] лѣ[то] идоша

даньници новгородьстии въ ма

лѣ. и ѹчювъ Гюрги оже въ мале

Folio 26’

шли и посла кн[ѧ]зѧ Берладьскаго

съ вои. и бивъшесѧ мало негде

сташа новгородьци на островѣ

а они противѹ ставше начаша

городъ чинити въ лодьяхъ. и

доша новгородьци к нимъ на тре

тии д[е]нь. и бишасѧ и много леже

обоихъ нъ сѹждальць бещисла.

На тѹ же зимѹ придоша Ѥмь на

Водь ратью нѣ въ тысѧщи. и ȣ

слышавъше новгородьци любо въ

500 съ Водью идоша по нихъ. и не

ѹпѹстиша ни мѹ[жа]. Тои [же] нощї

бы[сть] знамениѥ въ лѹнѣ. всѧ по

гыбе въ заѹтрьнюю пакы на

пълнисѧ. феѹрар.

Въ лѣ[то] 6658 (1150) приде археп[иско]пъ

Нифонтъ ис Кыѥва пѹще

Folio 27

нъ Гюргемь кн[ѧ]земь и ради бы

ша лю[дь]ѥ Новѣгородѣ.

Въ лѣ[то] 6659 (1151) победи Изѧслав

съ Вѧцеславомь Гюргѧ ѹ Пе

реяславлѧ иȣлѧ 17. на тѹ [же] зи

мѹ престависѧ кнѧгыни И

зѧславлѧвлѧя. Въ то [же] лѣ[то] архї

еп[иско]пъ Нифонтъ поби с[вѧ]тѹю Со

фию свиньцемь всю прѧмь

извистию маза всю около.

Тъгда [же] създаша 2 ц[е]ркви с[вѧ]т[ог]о

Василия и с[вѧ]тѹю Костѧнти

на и м[а]т[е]ре ѥго Ѥлены.

Въ лѣ[то] 6660 (1152) апри[лѧ] 23 за

горѣсѧ ц[е]ркы с[вѧ]т[о]го Михаи

ла въ сред търгѹ. и много бы[сть]

зла. и погорѣ всь търгъ и дво

ри до рѹчья. а семо до Славь

Folio 27’

на и ц[е]ркви исъгоре 8 а 9ѧ

Варѧзьская.

Въ лѣ[то] 6661 (1153) иде Б[ог]олюби

выи археп[иско]пъ Нифонтъ въ Ла

догѹ. и заложи ц[е]рк[о]вь камѧ

нѹ с[вѧ]т[о]го Климента.

Въ то [же] лѣ[то] сърѹби Аркадъ игу

менъ ц[е]рк[о]вь с[вѧ]тыя Б[огороди]цѧ Ѹспе

ниѥ и състави собе манасты

рь. и бы[сть] кр[ес]тьяномъ прибежї

ще анг[е]л[о]мъ радость а дьяво

лѹ пагѹба.

Въ лѣ[то] 6662 (1154) изгнаша но

въгородици кн[ѧ]зѧ Яросла[ва] въ

26 м[а]рта. и въведоша Рості

слава с[ы]на Мьстиславлѧ апри[лѧ]

въ 17. Въ то [же] лѣ[то] поставиша

ц[е]рк[о]вь с[вѧ]т[о]го Савы. Въ то [же] лѣ[то] прѣ

Folio 28

стависѧ Изѧслав Кыѥвѣ ноѧбра

14. Тъгда [же] иде Ростислав из Но

вагорода Кыѥвѹ на столъ о

ставивъ с[ы]на Д[а]в[и]да Новегородѣ

и възнегодоваша новгородци

зане не створи имъ рѧдѹ нъ бо

ле раздьра. и показаша пѹть по

немь с[ы]н[о]ви ѥго. Тъгда посла[ша]

вл[а]д[ы]кѹ Нифонта съ передьнї

ми мѹ[жи] къ Гюргеви по с[ы]нъ. и

въвѣдоша Мьстислава с[ы]на

Гюргева генва[рѧ] въ 30. Тои

же зиме прѣстависѧ Вѧчеслав

Кыѥвѣ. Тъгда же иде Ростислав

къ Черниговѹ ис Кыѥва сѣде

въ Кыѥвѣ неделю 1

и побѣдиша и прѣльстивъше

и сѣде Изѧслав Д[а]в[и]д[о]в[и]ць Кыевѣ.

Folio 28’

Въ лѣ[то] 6663 (1155) на вьрьбницю

въниде кн[ѧ]зь Гюрги Кыѥвѹ

и сѣде на столѣ. а Изѧслав избе

жѧ Д[а]в[и]д[о]в[и]ць Цьрниговѹ. и приѧ

Гюрги с[ы]новьць въ миръ съ лю

бовью и волости имъ разда

я достоиныя. и бы[сть] тишина

въ Рѹсьстѣи земли.

Въ лѣ[то] 6664 (1156) выгнаша но

въгородьци Сѹдила ис поса

дницьства и по том изгнании

5и д[е]нь ѹмре. И потом даша по

садницьство Якѹнѹ Миро

славицю. Тои [же] весне прѣстави[сѧ]

археп[иско]пъ Нифонтъ апри[лѧ] въ

21. шьлъ бѧше Кыѥвѹ проти

вѹ митрополита ини

и же мнози гл[агола]хѹ. яко полȣ

Folio 29

пивъ с[вѧ]тѹю Софию пошьлъ Ц[ѣса]рю

гра[дѹ] и много гл[агола]хѹ на нь нъ собе

на грѣхъ. О семь бы разѹ

мети комѹждо насъ. которы

и еп[иско]пъ тако ѹкраси с[вѧ]тѹю Софи

ю притворы испьса кивотъ ство

ри и всю извънѹ ѹкраси. А Пль

скове с[вѧ]т[о]го Сп[а]са ц[е]рк[о]вь създа камѧ

нѹ. дрѹгѹю въ Ладозѣ с[вѧ]т[о]го

Климента. мьню бо яко не хотѧ

Б[ог]ъ по грѣхомъ нашимъ дати на

мъ на ѹтехѹ гроба ѥго. ѿведе

и Кыѥвѹ и тамо прѣстависѧ.

и положиша и въ Печерьскемь

манастыри ѹ с[вѧ]тѣи Б[огороди]ци въ

печере. Въ то [же] лѣ[то] събрасѧ всь

град лю[дь]и изволиша собе еп[иско]пь по

ставити мѹ[жа] Б[ого]мь избра[на]

Folio 29’

Аркадия. и шьдъше всь народъ

пояша и из манастырѧ ѿ с[вѧ]ты

я Б[огороди]цѧ и кн[ѧ]зь Мьстиславъ Гю

ргевиць и всь клиросъ с[вѧ]тыя

Софиѥ и вси по[по]ве городьсти

и игѹмени и церньци и въвѣ

доша и порѹчивъше еп[иско]пью въ

дворѣ с[вѧ]тыя Софиѥ доидеже

придеть митрополитъ въ Рѹ[сь].

и тъгда поидеши ставитъсѧ.

Въ то [же] лѣ[то] поставиша заморьсті

и ц[е]рк[о]вь с[вѧ]тыя Пѧтницѣ на

Търговищи.

Въ лѣ[то] 6665 (1157) бы[сть] котора зда

въ людьхъ и въсташа на кн[ѧ]зѧ

Мьстислава на Гюргевицѧ

и начѧша изгонити из Нова

города търговыи же полъ

Folio 30

сташа въ орѹжии по немь. и съва

дишасѧ бра[ть]ѧ и мостъ переимаша

на Вълхове и сташа сторожи ѹ го

родьныхъ воротъ а дрѹзии на о

номь полѹ малы же и кръви не

прольяша межи собою. и тъгда

вънидоста Ростиславицѧ С[вѧ]то

слав и Д[а]в[и]дъ. и на тѹ нощь бежа

Мьстислав из города по трьхъ д[ь]не

хъ въниде Ростислав самъ и съни

дошасѧ бра[ть]я и не бы[сть] зла ничто

же. Тои [же] веснѣ перестависѧ Гю

рги кн[ѧ]зь Кыевѣ и посадиша Изѧ

сла[ва] Д[а]в[и]д[о]в[и]цѧ кыяне на столѣ.

Томь [же] лѣ[тѣ] престависѧ Андрѣи и

гѹменъ с[вѧ]тыя Б[огороди]цѧ и постави

ша Ольксѹ въ него мѣсто. На

то же осень зѣло страшьно бы[сть]

Folio 30’

громъ и мълния градъ же яко я

блъковъ боле. м[ѣсѧ]цѧ ноябрѧ въ 7

д[е]нь въ час 5 нощи.

Въ лѣ[то] 6666 (1158) иде Ростислав Смо

льскѹ и съ кнѧгынею. а с[ы]нъ

свои С[вѧ]тослав посади Новѣгородѣ

на столѣ а Д[а]в[и]да на Новемь Търгу.

Въ то [же] лѣ[то] по грѣхомъ нашимъ мо

ръ бы[сть] въ лю[де]хъ многъ и конь мъ

ножьство помре яко ньлзѣ бѣ

ше доити до търгѹ сквозѣ городъ

ни по грѣбли ни на поле выити

смороды. такоже и скотъ помре

рогатыи. То[мь] же лѣ[тѣ] ходи Арка

дъ Кыѥвѹ ставитъсѧ еп[иско]п[о]мь. и

поставленъ бы[сть] ѿ митрополи

та Костѧнтина и приде въ Новъ

городъ м[ѣсѧ]цѧ септѧ[брѧ] въ 13 д[е]нь

Folio 31

на канонъ с[вѧ]т[о]го Въздвижения. То

мь же лѣ[тѣ] побѣди Мьстиславъ И

зѧславиць Д[а]в[и]д[о]в[и]цѧ Изѧсла[ва] и про

гна ис Кыева. и позва Ростисла[ва]

стръя своего Кыѥвѹ на столъ.

Тои же осѣни поставиша Дионї

сия игѹменомь ѹ с[вѧ]т[о]го Гергиѧ.

Въ лѣ[то] 6667 (1159) иде Мьстислав Кы

евѹ и седѣ Кыевѣ на столѣ.

Въ то [же] лѣ[то] прѣстависѧ Костѧнтї

нъ митрополитъ рѹсьскыи

Цьрниговѣ.

Въ лѣ[то] 6668 (1160) прияша новгоро

дьци Ростиславицѧ С[вѧ]тосла[ва]

и поправиша и въ Ладогѹ а

кнѧгыню въпѹстиша въ

манастырь с[вѧ]тыя Варвары а

дѹжинѹ ѥго въ погрѣбъ въса

Folio 31’

жаша. и въвѣдоша Мьстислава

Ростиславицѧ вънѹка Гюргева

м[ѣсѧ]цѧ июнѧ въ 21. Тои же зимѣ

въдаша посадницьство Нѣжатѣ

и ведоша С[вѧ]тосла[ва] въ Ладогѹ и ѿ

толѣ бежа въ Смолньскъ. Томь [же]

лѣ[тѣ] на зимѹ побѣди Ростислав И

зѧслава Д[а]в[и]д[о]вицѧ ѹ Бѣлагоро

да и самого ѹбиша и множь

ство Половьць паде.

Въ лѣ[то] 6669 (1161) ѹладисѧ Ростї

слав съ Андрѣемь о Новъгородъ

и вывѣдоста Мьстислава Гюрге

въ вънѹкъ седевъшю емѹ годъ

до года без недѣлѣ. а С[вѧ]тослава въ

вѣдоша опѧть на всѣи воли его

септѧ[брѧ] въ 28. Тъгда [же] отѧшѧ по

садницьство ѹ Нѣжате а Заха

Folio 32

рии даша. Томь [же] лѣ[тѣ] стоя всѣ лѣ[то] ве

дромь и пригорѣ всѣ жито. а на осѣ

нь ѹби всю ярь морозъ. ѥще же за

грѣхы наша не то зло остависѧ

нъ пакы на зимѹ ста всѧ зима

тепломь и дъжгемь и громъ бы[сть]

и кѹплѧхомъ кадкѹ малѹю

по 7 кѹнъ. о велика скърбь бѧше

въ людьхъ и нѹжа.

Въ лѣ[то] 6670 (1162) прѣстависѧ игѹме

нъ Олькса с[вѧ]тыѧ Б[огороди]цѧ и поставї

ша по немь игѹменомь Ману

ила. томь [же] лѣ[тѣ] ѹ с[вѧ]т[о]го Д[ѹ]ха Съшьствї

я поставиша игѹменомь Саву.

Въ лѣ[то] 6671 (1163) престависѧ еп[иско]пъ

новъгородьскыи Аркадии септѧ[брѧ]

въ 19. положиша и съ ч[ес]тью вѣ

ликою въ притворе с[вѧ]тыѧ Софиѧ.

Folio 32’

Въ лѣ[то] 6672 (1164) придоша Свьѥ подъ

Ладѹгѹ и пожьгоша ладожа

не хоромы своѧ а сами затвори[ша]

сѧ въ гра[дѣ] съ посадникомь съ Неж[а]

тою а по кн[ѧ]зѧ послаша и по новгор[о]

дце. Они же пристѹпиша подъ го

родъ въ с[ѹбот]ѹ и не ѹспѣша ничто

же къ гра[дѹ] нъ большю ранѹ въспри

яшѧ. и ѿстѹпиша въ рѣкѹ Воро

наи. пѧтыи же д[е]нь приспѣ кн[ѧ]зь

С[вѧ]тослав съ новгородьци и съ поса

дникомь Захариею и наворони[ша]

на нѧ м[ѣсѧ]цѧ маия въ 28 на с[вѧ]т[о]го Е

ладия въ четвь[рток] въ час 5 д[ь]ни. и по

бѣдиша я Б[о]жиею помощью. овы

исѣкоша а иныя изимаша. при

шли бо бѧхѹ въ полѹшестадьсѧ

тъ шнекъ изьмаша 43 шне

къ

Folio 33

а мало ихъ ѹбежаша и ти ѣзвьни.

Въ лѣ[то] 6673 (1165) поставленъ бы[сть] И

лия архиеп[иско]пъ новъгородьскы

и ѿ митрополита Іѡ[анна] при

кн[ѧ]зи Рѹсьстѣмь Ростисла[вѣ]

м[ѣсѧ]цѧ м[а]рта въ 28 на вьрьбни

цю. и приде Новѹгородѹ м[ѣсѧ]цѧ

маия въ 11 при кн[ѧ]зи новгородь

стемь С[вѧ]тославе а при посадни

це Захарии. Томь [же] лѣ[тѣ] постави

ша ц[е]рк[о]вь с[вѧ]тыя ц[а]р[и]цѧ шетицинї

ци. а дрѹгѹю на Городищи с[вѧ]т[о]го

Николы кн[ѧ]зь С[вѧ]тослав. Въ то [же] лѣ[то]

ходи игѹменъ Дионисии съ лю

бовью въ Рѹсь. и повелено бы[сть] вла

дыцѣ архиеп[иско]пьство митрополи

томь. тои же зиме бѧше силь

нъ морозъ.

Folio 33’

Въ лѣ[то] 6674 (1166) престависѧ митро

политъ Іѡ[анн] Кыевѣ. Томь [же] лѣ[тѣ]

заложена бы[сть] ц[е]ркы камѧна с[вѧ]т[о]го

Сп[а]са на воротѣхъ въ манасты

ри с[вѧ]т[о]го Георгия. Въ то [же] лѣ[то] на зи

мѹ приде Ростиславъ ис Кыѥ

ва на Лѹкы и позва новгородь

це на порѧдъ. огнищане гридь

кѹпьце вѧчьшее. и тѹ сѧ разбо

ле самъ. и воротисѧ опѧть и пре

стависѧ на пѹти и везоша и Кы

евѹ и положиша и о с[вѧ]т[о]го Федора.

Въ лѣ[то] 6675 (1167) седе Мьстислав И

зѧславиць Кыевѣ на столѣ.

На тѹ [же] веснѹ заложи Съдко Сы

тиниць ц[е]рк[о]вь камѧнѹ с[вѧ]тѹю

м[ѹ]ч[е]н[и]кѹ Бориса и Глѣба при кн[ѧ]зи

С[вѧ]тославе Ростиславици пра [sic!] а

Folio 34

рхиеп[иско]пѣ Илии. Въ то [же] лѣ[то] приде Ко

стѧнтинъ митрополититъ въ

Рѹсь. Въ то [же] лѣ[то] выиде кн[ѧ]зь С[вѧ]то

славъ из Новагорода на Лѹкы

и присла въ Новъгородъ яко не

хоцю ѹ васъ кнѧжити. новгоро

дьци же цѣловавъше с[вѧ]тѹю Б[огороди]цю

яко не хоцемъ его. идоша прогна

тъ его съ Лѹкъ. онъ же ѹслыша

въ оже идѹть на нь иде Торопь

цю а новгородьци послаша въ Рȣ[сь]

къ Мьстиславѹ по с[ы]нъ. С[вѧ]тославъ

же иде на Вългѹ. и въда емѹ Анъ

дреи помоць. и пожьже Новыи

търгъ а новотържьци ѿстѹпи

ша къ Новугородѹ и много пако

сти творѧше домомъ ихъ и села

ихъ потрати. а бра[тья] его Романъ

Folio 34’

и Мьстиславъ пожьгоста Лѹ

кы. а лѹцѧне ѹстерегосшасѧ

и ѿступиша они въ городъ а и

ни Пльсковѹ. и съложишасѧ на

Новъгородъ Андрѣи съ смолнѧ

ны и съ полоцѧны. и пѹти заѧ

ша и сълы изьмаша новгородь

скыя вьсьде. вести не дадѹ

це Кыевѹ къ Мьстиславѹ.

а С[вѧ]тосла[ва] силою местѧце въ горо

дъ. а то слово рекѹще. нѣтѹ ва

мъ кн[ѧ]зѧ иного развѣ С[вѧ]тосла[ва].

новгородьци же того не бере

жахѹ и ѹбиша Захарию поса

дника и Неревина и Несдѹ

бирицѧ яко творѧхѹть е пе

реветъ дрьжаще къ С[вѧ]тосла[вѹ]. и

налезоша собе пѹть на Вѧць

Folio 35

ка и на Володѧрѧ. и иде Даньсла

въ Лазѹтиниць съ дрѹжиною

Кыевѹ къ Мьстиславѹ по с[ы]нъ.

а С[вѧ]тославъ приде съ сѹждалци

и съ бра[то]ма и съ смолнѧны и съ

полоцаны къ Рѹсѣ. идоша новъ

городьци съ Ѧкѹномь противѹ и

хъ. они же не дошедъшедъше во

ротишасѧ. не ѹспѣша бо ничто

же. тъгда же даша посадниць

ство Якѹнови. и сѣдеша новъгородци бес кнѧзѧ ѿ Сменѧ д[ь]нї

до велика д[ь]ни о Ѧкунѣ. жьдѹ

че ѿ Мьстислава с[ы]на. На тѹ [же]

зимѹ ходи Мьстислав на Поло

вьце и победи е и приведе поло

нъ въ Рѹсьску землю толь силь

но ѧко и числа не бѧше. Въ то [же] лѣ[то]

Folio 35’

престависѧ раба Б[о]жия Анна игу

мения с[вѧ]тыя Варвара и поста

виша на месте еѧ Марьмьянѹ.

Въ лѣ[то] 6676 (1168) приде кн[ѧ]зь Ро

манъ Мьстиславиць въну

къ Изѧславль Новѹгородȣ

на столъ м[ѣсѧ]цѧ апри[лѧ] въ 14 въ въ

торѹю нед[ѣлю] по велице д[ь]ни инді

кта пьрваго. и ради быша новго

родьци своемѹ хотению. Въ

то [же] лѣ[то] ходиша новгородьци съ

пльсковици къ Полотьскѹ и

пожьгъше волость воротишасѧ

ѿ города за 30 вьрстъ.

Томѹ [же] лѣ[тѹ] исходѧщю на ве

сну ходи Романъ съ новгородь

ци къ Торопьцю. и пожьгоша до

мы ихъ и головъ множьство по

лониша.

Folio 36

Въ то [же] врѣ[мѧ] ходиша Ростиславиці

съ Андреевицьмь и съ смолнѧ

ны и съ полочѧны и съ мѹро

мьци и съ рѧзаньци на Мь

стисла[ва] Кыевѹ. онъ же не би

ясѧ с ними. ѿсѹпи волею

Кыѥва.

Въ лѣ[то] 6677 (1169) иде Даньслав Ла

зѹтиниць за Волокъ дань

никомь съ дрѹжиною. и при

сла Андрѣи пълкъ свои на нь и

бишасѧ с ними и бѣше новгородь

ць 400 а сѹждальць 7000. и по

соби Б[ог]ъ новгородцемъ и паде и

хъ 300 и 1000 а новгородьць 15

мѹж. и ѿстѹпиша новгородь

ци и опѧть воротивъшесѧ възѧ

шѧ всю дань а на сѹждальскы

Folio 36’

хъ смьрдѣхъ дрѹгѹю и придо

ша сторови вси. Въ то [же] лѣ[то] на

зимѹ придоша подъ Новъгородъ

сѹждальци съ Андреѥвицемь

Романъ и Мьстислав съ смольнѧ

ны и съ торопьцѧны мѹромьци

и рѧзаньци съ двема кн[ѧ]зьма

полоцьскыи кн[ѧ]зь съ полоцѧны

и всѧ землѧ просто Рѹсьская.

новгородьци же сташа твьрдо

о кн[ѧ]зи Романѣ о Мьстиславли

ци о Изѧславли вънѹце и о по

садницѣ о Якѹнѣ и ѹстрои

ша острогъ около города. и при

стѹпиша къ градѹ въ нед[ѣлю] на съ

боръ и съездишасѧ по 3 д[ь]ни.

въ четвьртыи же д[е]нь въ сре[дѹ]

пристѹпиша силою и биша

Folio 37

сѧ всь д[е]нь и къ вечерѹ побѣди ѧ

кн[ѧ]зь Романъ съ новгородьци

силою кр[ес]тьною и с[вѧ]тою Б[огороди]цею и

м[о]л[и]твами бл[а]говѣрнаго вл[а]д[ы]кы

Илиѥ м[ѣсѧ]цѧ феȣрарѧ въ 25 на

с[вѧ]т[о]го еп[иско]па Тарасиѧ. овы исѣко

ша а дрѹгыя измаша. а прокъ

ихъ злѣ ѿбѣгоша и кѹплѧху

сѹждальць по 2 ногатѣ.

Въ лѣ[то] 6678 (1170) бы[сть] дорогъвь

Новегородѣ и кѹплѧхѹ ка

дь ръжи по 4 гр[и]внѣ а хлѣ

бъ по 2 ногатѣ а медъ по

10 кѹнъ пѹдъ. и съдѹмавъ

ше новъгородьци показаша пу

ть кн[ѧ]зю Романѹ а сами посла

ша къ Ондрѣеви по миръ на всѣ

и воли своѥи. Въ то [же] лѣ[то] въ

Folio 37’

ниде кн[ѧ]зь Рюрикъ Ростиславї

ць въ Новъгородъ м[ѣсѧ]цѧ октѧб[рѧ] въ

4 на с[вѧ]т[о]го Иерофея.

Въ то [же] лѣ[то] археп[иско]пъ Б[ог]олюбивы

и Илия съ бра[то]мь Гаврило

мь създаста манастырь

ц[е]рк[о]вь с[вѧ]тыя Б[огороди]цѧ Бл[а]говещени

ѥ. Томь [же] лѣ[тѣ] прѣстависѧ кнѧ

зь Мьстиславъ Изѧславиць

Володимирь вънѹкъ.

Въ то [же] лѣ[то] прѣстависѧ кн[ѧ]зь Кы

евѣ Глѣбъ Гюргевиць. и въвѣ

доша Володимира Мьстисла

вицѧ.

Въ лѣ[то] 6679 (1171) прѣстависѧ кнѧ

зь Кыевѣ Володимиръ сѣдѣ

въ на столѣ 3 м[ѣсѧ]цѣ. Томь [же] лѣ[тѣ]

отѧ кн[ѧ]зь Рюрикъ посадницьство

Folio 38

ѹ Жирослава Новегородѣ и вы

гна и из города иле [sic!] сѹждалю

къ Ѡндрееви. и даша посадни

цьство Иванкѹ Захарииницю.

Въ то [же] лѣ[то] сѣде на столѣ Кыевѣ

Романъ Ростиславиць. Томь [же]

лѣ[тѣ] иде на зимѹ Рюрюкъ из Но

вагорода. и послаша новъгородь

ци къ Ондрею по кн[ѧ]зь. и присла Жї

рослава посадницитъ съ мѹ

жи своими.

Въ лѣ[то] 6680 (1172) приде Новѹгоро

дѹ кн[ѧ]зь Гюрги Андреевиць

Гюргевъ вънѹкъ. Въ то [же] лѣ[то]

заложиша ц[е]рк[о]вь камѧнѹ с[вѧ]то[го]

Якова въ Неревьскемь коньци. Томь [же] лѣ[тѣ] выиде Романъ ис Кы

ева Ростиславиць волею. И сѣ

Folio 38’

де Михалко Гюргевиць Кыѥвѣ.

Томь же лѣ[тѣ] на зимѹ ходи арь

хиеп[иско]пъ новгородьскыи Илиѧ

къ Ондрееви Володимирю на вь

сю правьдѹ. Тъгда же и даша

опѧть посадницьство Иванъ

кови Захарииницю.

Въ лѣ[то] 6681 (1173) иде кн[ѧ]зь Гю

рги Андреевиць съ новго

родьци и съ ростовици Кы

евѹ на Ростиславице и про

гнаша ѥ ис Кыѥва. и стояше

подъ Вышегородъмъ 7 нед[ѣль] и

придоша сторови вси Новѹго

родѹ. а Ярославъ сѣде Кыѥвѣ

Изѧславиць. Томь [же] лѣ[тѣ] с[вѧ]ти

ц[е]рк[о]вь Новегородѣ Илия архї

еп[иско]пъ новгородьскыи с[вѧ]тѹю

Folio 39

м[ѹ]ч[е]н[и]кѹ Бориса и Глеба камѧ

нѹю въ гра[дѣ] м[ѣсѧ]цѧ октѧбрѧ въ 14

а дрѹгѹю с[вѧ]то[го] Сп[а]са на воротѣ

хъ с[вѧ]то[го] Георгия камѧнѹ.

Въ лѣ[то] 6682 (1174) ѹбиша Володимї

ри кн[ѧ]зѧ Андрея свои милость

ници. на канонъ с[вѧ]тою Петрѹ и

Павлѹ въ нощь спѧщю емѹ въ

Б[ог]олюбьмь и бѧше с нимь одинъ

кощеи малъ. избивъше стороже

двьрьныя придоша къ сѣньмъ

кн[ѧ]зю же очютивъше попадъ ме

чь и ста ѹ двьрии. борѧсѧ с нимі

оныхъ же бѧше много а кн[ѧ]зь одї

нъ. яко налегоша силою и выломї

ша двьри и вълѣзоша на нь и ту

и насѹнуша рогатинами и ту

сконьцѧ животъ свои. и великъ

Folio 39’

мѧтежь бы[сть] въ земли тои и вели

ка бѣда и множьство паде голо

въ яко и числа нѣтѹ. И потом поса

диша на столѣ Мьстислава Рості

славицѧ съ бра[то]мь Ѧропълкомь.

Томь же лѣ[тѣ] сѣдѣ Кыеве Романъ

Ростиславиць вънѹкъ Мьсти

славль.

Въ лѣ[то] 6683 (1175) Выведоша из Но

вагорода кн[ѧ]зѧ Гюргѧ Андре

ѥвицѧ. а Мьстиславъ с[ы]нъ

свои посади Новегородѣ. Томь [же]

лѣ[тѣ] въниде самъ въ Новъгородъ

бивъсѧ съ стръемь своимь Ми

халкомь и сѣде Новегородѣ а

Михалко седе Володимири бр[ата]

посади Переяславли Всѣволо

да. Въ то [же] лѣ[то] загоресѧ пожаръ ѿ

Folio 40

Деигѹниць и съгорѣша ц[е]ркви 3

с[вѧ]т[о]го Михаила и с[вѧ]т[о]го Якова и с[вѧ]то[го]

Възнесения. Въ то [же] лѣ[то] престависѧ

посадникъ Новегородѣ Иванко За

харииниць. и даша Жиросла[вѹ] опѧ[ть].

и концѧющюсѧ лѣ[тѹ] томѹ выгна

ша Жирослава ис посадницьства

и даша Завидѹ Неревиницю.

Въ лѣ[то] 6684 (1176) иде Вълхово опѧ[ть]

на възводьѥ по 5 д[ь]нии. Тои [же]

весне оженисѧ кн[ѧ]зь Мьстисла

въ Новегоро[дѣ] и поя ѹ Якѹна

дъчерь ѹ Мирославицѧ и потомь

позваша и ростовьци къ собе. и и

де Ростовѹ съ дрѹжиною своѥю

а с[ы]нъ остави въ Новегородѣ. и прі

де Ростовѹ. и въ то врѣмѧ ѹмь

рлъ бѧше Михалко. и поиде съ ро

Folio 40’

стовьци и съ сѹждальци къ Воло

димирю и постави Всѣволодъ съ во

лодимирьци и съ переяславьци

противѹ ѥго пълкъ и бишасѧ

и паде обоихъ множьство много

и одолѣ Всѣволодъ. и възвратисѧ

Мьстиславъ въ Новъгородъ. и не

прияша его новгорольци нъ пѹ

ть ѥмѹ показаша и съ с[ы]н[о]мь съ

С[вѧ]тославомь. и пояша новгородь

ци ѹ Всѣволода с[ы]нъ собе Ярослав.

На тѹ [же] зимѹ иде Мьстислав съ

зѧтьмь съ Глѣбомь и съ бра[то]мь

Яропълкомь на Сѹждаль и бї

шасѧ за Калакшею и тѹ побѣ

диша рѧзанце и яша кн[ѧ]зѧ Глѣ

ба и съ с[ы]н[о]мь и Мьстисла[ва] съ бра[то]

мь Яропълкомь порѹбиша я. То

Folio 41

и же зиме приходиша всѧ Чюдь

ска землѧ къ Пльсковѹ и биша

сѧ с ними. и ѹбиша ти Вѧчесла[ва]

и Микитѹ Захарииницѧ и Ста

нимира Иваницѧ и инѣхъ а Чю

ди множьство избиша. Томь [же]

лѣ[тѣ] постави ц[е]рк[о]вь новѹ Миха

ль Степаниць с[вѧ]то[го] Михаила

а дрѹгѹю Моисѣи Доманѣжи

ць с[вѧ]то[го] Іѡ[анна] Ѹсѣкновениѥ гла[вы]

на Чюдиньцевѣ ѹлици.

Въ лѣ[то] 6685 (1177) Престависѧ Глѣ

бъ кн[ѧ]зь рѧзаньскыи Володї

мири въ порѹбѣ. Въ то [же] врѣмѧ

слепленъ бы[сть] Мьстиславъ кн[ѧ]зь

съ бра[то]мь Яропълкомь ѿ стръѧ

своего Всѣволода и пѹсти я въ

Рѹ[сь]. ведома же има слепома н

Folio 41’

и гньющема очима. и яко доидо

ста [С]мольньска и придоста на Смѧ

дино въ ц[е]рк[о]вь с[вѧ]тѹю м[ѹ]ч[е]н[и]ку Борї

са и Глѣба. и тѹ абие съпостиже я

Б[о]жия бл[а]г[о]д[а]ть и с[вѧ]тыя Вл[а]д[ы]ч[и]цѧ на

шея Б[огороди]цѧ и с[вѧ]тѹю новоявленою

м[ѹ]ч[е]н[и]ку Бориса и Глѣба и тѹ

прозрѣста. Томь [же] лѣ[тѣ] осень пого

ре Неревьскыи коньць ѿ Иванъ

ковеѥ и ц[е]рквии съгорѣ 5. И на

зимѹ приде кн[ѧ]зь Мьстиславъ

съ бра[то]мь Яропълкомь въ Новъ

городъ и посадиша новгородь

ци Мьстислава на столѣ. а Яро

пълка на Новемь търгѹ. а Яро

слава на Ламьскемь волоце. и та

ко сѧ ѹправиша по воли.

Въ лѣ[то] 6686 (1178) индикта 10

Folio 42

м[ѣсѧ]цѧ априлѧ въ 20 престависѧ

кн[ѧ]зь Мьстиславъ с[ы]нъ Ростиславль

а вънѹкъ Гюргевъ. и положиша и

въ с[вѧ]тѣи Софии въ притворе. а

бра[та] ѥго Яропълка посадиша Но

вегородѣ на столѣ. И зая Всѣво

лодъ гость новъгородьскыи и

показаша новгородьци пѹть

Яропълкѹ. и тъгда Всѣволодъ

изгони въ Новыи търгъ и възѧ.

И тъгда новгородьци послашасѧ

по Романа Смольньскѹ и въни

де на сборъ по ч[ис]тѣи нед[ѣли].

Въ лѣ[то] 6687 (1179) заложи архи

еп[иско]пъ Илия съ бра[то]мь ц[е]рк[о]вь

камѧнѹ с[вѧ]тыя Б[огороди]цѧ Бл[а]говѣ

щение и начѧ здати ц[е]рк[о]вь ма

иѧ м[ѣсѧ]цѧ въ 21 на с[вѧ]тѹю ц[ѣса]рю Ко

Folio 42’

стѧнтина и Елены. а коньцѧша

м[ѣсѧ]цѧ авгѹ[ста] въ 25 на с[вѧ]т[о]го ап[осто]ла Ти

ти. а всѣго дѣла ц[е]рк[о]вьнаго зьда

ния д[ь]нии 70. и бы[сть] кр[ес]тьяномъ

прибежище. Томь [же] лѣ[тѣ] прѣстави

сѧ раба Б[о]жия Ѥлисава игѹме

ния с[вѧ]т[о]го Іѡ[анна]. И поставиша на

мѣстѣ ея Фегнию. Томь [же] лѣ[тѣ]

иде Романъ из Новагорода Смоль

ньскѹ. Тъгда [же] новгородьци по

слашасѧ по бра[та] его по Мьстисла

ва въ Рѹ[сь] и въниде Мьстиславъ въ

Новъгородъ м[ѣсѧ]цѧ ноябрѧ въ 1

на с[вѧ]тѹю безмездьникѹ Къзмы

и Дамияна. А на зимѹ иде Мьсті

славъ съ новгородьци на Чюдь на

Очелѹ и пожьже всю землю и

хъ. а сами ѿбегоша къ морю нъ

Folio 43

и тѹ ихъ досыти паде.

Въ лѣ[то] 6688 (1180) Перестависѧ къ

нѧзь Мьстиславъ Новегородѣ

Ростиславиць вънукъ Мьсти

славль м[ѣсѧ]цѧ июнѧ въ 14 и поло

жиша и въ с[вѧ]тѣи Софии ѹ с[вѧ]ты

я Б[огороди]цѧ. И послаша новгородьци

къ С[вѧ]тославѹ въ Рѹ[сь] по с[ы]нъ. и прї

ведоша Володимира въ Новъго

родъ и посадиша и на столѣ въ

17 авгѹ[ста]. Тъгда же отѧша по

садницьство ѹ Завида и въда

ша Михалеви Степаницю.

Томь [же] лѣ[тѣ] заложи ц[е]рк[о]вь камѧ

нѹ въ манастыри на воротехъ

Б[ог]олюбивыи археп[иско]пъ новъгоро

дьскыи Илия съ бра[то]мь Гаври

ломь ѹ с[вѧ]т[о]го Бл[а]говѣщениѧ.

Folio 43’

Томь [же] лѣ[тѣ] на зимѹ иде кн[ѧ]зь С[вѧ]тосла

въ Всѣволодиць Олговъ вънѹкъ

из Рѹси на Сѹждаль ратью на

Всеволода. а с[ы]нъ ѥго Володими

ръ съ новъгородьци из Новагоро

да. и съяшасѧ на Вълзѣ ѹстье

Тьхвери. и положиша всю Вългѹ

пѹстѹ и городы всѣ пожьгоша

и не дошьдъше Переяславлѧ за

40 вьрстъ ѹ Вьлѣнѣ ѹ рѣцѣ

тѹ сѧ воротиша. тѹ бо бѧхѹ вы

шли сѹждальци пълкомь и ѹ

гошили около себе твьрдь и не съ

мѣша ти пълкѹ. а кн[ѧ]зь съ новъ

городьци посылахѹ к нимъ

просѧце пълкѹ. нъ Б[ог]ъ своею м[и]л[ос]ть

ю боле кръви не пролья крьсть

яньстѣи. сълипали бо сѧ бѧху

Folio 44

на мале часѹ и ѹбиша ихъ новъ

городьци нѣ о трьхъ стехъ а са

ми сторови вси воротишасѧ. и по

яша кн[ѧ]зѧ самого въ Новъгородъ

Яропълка посадиша на Новемь

търгѹ. и въниде С[вѧ]тославъ ве

ликыи Всеволодиць Новугороду.

Въ лѣ[то] 6689 (1181) м[ѣсѧ]цѧ июлѧ въ

3 зажьжена бы[сть] ц[е]ркы ѿ

грома Варѧзьская на Тъ

рговищи по вечернии въ

ча[с] 10 д[ь]ни и ц[е]ркы съгоре с[вѧ]т[о]го

Іѡ[анна] Ишькова. Томь [же] лѣ[тѣ] заго

рѣсѧ пожаръ въ Славнѣ ѿ Къ

снѧтина и съгореста ц[е]ркви 2

с[вѧ]т[о]го Михаила а дрѹгая с[вѧ]т[ы]хъ

О[те]ць и дорове [sic!] мнози по брегу

оли и до Рѹцья. Въ то [же] лѣ[то] съ

Folio 44’

рѹбиша ц[е]рк[о]вь с[вѧ]т[о]го Иякова на Добры

ни ѹлици и с[вѧ]тѹю безмездьни

кѹ Къзмы и Дамияна и с[вѧ]т[о]го Са

вы и с[вѧ]т[о]го Георгия и с[вѧ]т[о]го Іѡ[анна] Ищь

ковѹ. Томь [же] лѣ[тѣ] идоша новгоро

дьци къ Дрьюцьскѹ съ С[вѧ]тославо

мь съ Олговомь вънѹкомь. и въ

то врѣмѧ приде Всеволодъ съ всѣ

мь пълкомь своимь и съ мѹ

ромьци и съ рѧзанъци на Новы

и търгъ и затворишасѧ новотъ

ржьци въ граде съ кн[ѧ]земь Яро

пълкомь. и осѣдоша городъ и сѣ

дѣша 5 нед[ѣль] и изнемогоша въ

градѣ. зане не бѧше имъ къ

рма дрѹзии бо ихъ и конину

ядѧхѹ. и ѹстрѣлиша кн[ѧ]зѧ Ѧ

ропълка въ градѣ и бѣда имъ

Folio 45

бѣ велика. и предашасѧ новотържь

ци. а Яропълка веде съ собою окова

въ и новотържьце все съ женамї

и съ детьми. и городъ пожьже. а но

вгородьци възворотишасѧ ѿ Дрью

цьска пожьгъше городъ. Тъгда [же]

на зимѹ показаша пѹть Володи

мирѹ С[вѧ]тославицю и иде къ о[т]цю

въ Рѹ[сь] а новгородьци послашасѧ

къ Всѣволодѹ по кн[ѧ]зь и въда и

мъ своякъ свои.

Въ лѣ[то] 6690 (1182) приде кн[ѧ]зь Яро

слав въ Новъгородъ с[ы]нъ Володи

мирь а вънѹкъ великаго Мь

стислава. Томь [же] лѣ[тѣ] концѧста

ц[е]рк[о]вь археп[иско]пъ Илия съ бра[то]

мь на воротѣхъ с[вѧ]т[о]го Б[ог]оявле

ния. Тъгда же и с[вѧ]т[ы]хъ О[те]ць

Folio 45’

ц[е]рк[о]вь поставиша.

Въ лѣ[то] 6691 (1183) постависта ць

рковь с[вѧ]т[о]го Еȣпатия Радъко

съ бра[то]мь на Рогатеи ѹлици.

Томь [же] лѣ[тѣ] ходи Всѣволодъ на

Българе съ всею областию свое

ю и ѹбиша Българи кн[ѧ]зѧ Глѣ

бовицѧ Изѧслава.

На тѹ [же] зимѹ бишасѧ пльско

вици съ Литвою и много сѧ

издѣя зла пльсковицемъ.

Въ лѣ[то] 6692 (1184) заложи археп[иско]пъ

Илия съ бра[то]

мь ц[е]рк[о]вь с[вѧ]т[о]го Іѡ[анна]

камѧнѹ на Търговищи.

Томь [же] лѣ[тѣ] выведе Всеволодъ прї

славъ своякъ свои из Новагорода

Ярослава Володимирицѧ. него

довахѹть бо ѥмѹ новгоро

Folio 46

дьци зане много творѧхѹ па

костии волости новгородьске

и. И съдѹмавъше новгородь

ци послашасѧ Смольньскѹ къ

Давыдови просѧце с[ы]на ѹ него.

и въда имъ Мьстислава и приве

доша и Новѹгородѹ и посадиша

и на столѣ м[ѣсѧ]цѧ септѧ[брѧ]. Въ то [же] лѣ[то]

сърѹбиша ц[е]рк[о]вь новѹ с[вѧ]т[о]го Вла[си]ѧ.

Въ лѣ[то] 6693 (1185) маиѧ въ 1 д[е]нь

въ ча[с] 10 д[ь]ни яко въ звоненї

ѥ вечернее с[о]лнце помьрче

яко на часу и боле и звезды

быша и пакы просветисѧ и ра

ди быхомъ. М[ѣсѧ]цѧ того [же] въ

6 заложиша Лѹкиници ц[е]рко

вь камѧнѹ с[вѧ]ты[хъ] ап[осто]лъ Петра

и Павьла на Сильнищи.

Folio 46’

Въ то [же] лѣ[то] Милонегъ заложї

ц[е]рк[о]вь камѧнѹ с[вѧ]т[о]го Въ

знесения при архѥп[иско]пѣ Или

и а кн[ѧ]зи Мьстиславе Д[а]в[и]д[о]в[и]ци.

А на зимѹ поиде Д[а]в[и]дъ къ Поло

тьскѹ съ новгородьци и съ смо

льнѧны и ѹмиривъшесѧ воро

тишасѧ на Еменьци.

Въ лѣ[то] 6694 (1186) иде Завидъ къ

Д[а]в[и]дѹ Смольньскѹ. и въда

ша посадничьство Михале

ви Степаницю. Томь [же] лѣ[тѣ] приде

ц[ѣса]рь грьцьскыи Алекса Манѹи

ловиць въ Новъгородъ. Тъгда [же]

ходиша на Емь молодьци о Выша

тѣ о Василевици и придоша опѧ[ть]

сторови добывъше полона.

Въ то [же] лѣ[то] престависѧ Илия арь

Folio 47

хиеп[иско]пъ новъгородьскыи м[ѣсѧ]цѧ се

птѧ[брѧ] въ 7 д[е]нь и положенъ бы[сть] въ

притворе с[вѧ]тыя София. Новгоро

дьци же съ кн[ѧ]земь Мьстиславо

мь и съ игѹмены и съ попы съ

дѹмавъше изволиша собе поста

вити бра[та] его Ильинъ Гаврила.

и послаша съ мольбою къ митро

политѹ къ Никифорѹ и при

слаша по нь митрополитъ и всѧ

кнѧжья рѹсьская и пояша и

съ любъвью. Тои [же] зиме Новегоро

дѣ ѹбиша Новегороде Гаврила

Неревиницѧ Ивачѧ Свеневицѧ

и съ моста съвьргоша. Въ то [же] врѣ[мѧ]

въстань бы[сть] Смоленьске проме

жи кн[ѧ]зьмь Д[а]в[и]д[о]мь и смолнѧны

и много головъ паде луцьшихъ муж.

Folio 47’

Въ лѣ[то] 6695 (1187) поставленъ бы[сть] а

рхиеп[иско]пъ новгородьскыии Га

врила м[ѣсѧ]цѧ марта въ 29 на

с[вѧ]т[о]го Варихисия. и приде Нову

городѹ м[ѣсѧ]цѧ маиѧ въ 31на

с[вѧ]т[о]го м[ѹ]ч[е]н[и]ка Ермиа. и ради бы

ша новъгородьци. Томь [же] лѣ[тѣ]

престависѧ игѹменъ Моисѣи

ѹ с[вѧ]тыя Б[огороди]цѧ Антонове мана

стыри и поставиша на мѣсте

ѥго Волоса. Въ то [же] лѣ[то] громъ бы[сть]

страшьнъ зѣло и мълния. при

шьдъшмъ съ кр[ес]ты ѿ с[вѧ]тыя Со

фия къ с[вѧ]т[о]мѹ Михаилѹ и по

ющимъ 9 пѣ[снь] и шибе громъ

и мълния и падоша вси людь

ѥ и ц[е]ркы загоресѧ. нъ Б[ог]ъ своѥ

ю м[и]л[ос]тию и м[о]л[и]тв[а]ми с[вѧ]то[го] Ми[ха]ила

Folio 48

и не бы[сть] беды ц[е]ркви а 2 ч[е]л[о]в[ѣ]ка бы

ста мьрътва. Въ то [же] вре[мѧ] избьени бы

ша печерьскеи и югърьскии въ въ Пе

чере а дрѹгии за Волокомь и па

де головъ о сте къметьства.

Томь [же] лѣ[тѣ] бы[сть] знамениѥ въ с[о]лнцї

въ полъдни и бы[сть] яко м[ѣсѧ]ць съ

мерчесѧ и по мале времени на

пълнисѧ и пакы просвѣтисѧ

м[ѣсѧ]цѧ септѧ[брѧ] въ 9. Въ то [же] лѣ[то] выгна

ша новгородьци кн[ѧ]зѧ Мьстисла

ва Д[а]в[и]д[о]вицѧ. И послаша къ Всѣ

володѹ Володимирю по Яросла

ва по Володимирицѧ. и въниде

въ Новъгородъ и седе на столѣ

м[ѣсѧ]цѧ ноябрѧ въ 20.

Въ лѣ[то] 6696 (1188) заложи ц[е]рк[о]вь

камѧнѹ с[вѧ]тыя Б[огороди]цѧ Ѹспени

Folio 48’

ѥ въ Аркажи манастыри Сьмь

юне Дыбачевиць. Томь [же] лѣ[тѣ] дѣла

ша мостъ новъ чересъ Волхово

по сторонь ветъхаго. Томь же лѣ[тѣ]

перестависѧ рабъ Б[о]жии Герма

нъ иерѣи с[вѧ]т[о]го Якова зовемы

и Воята слѹживъшю ѥмѹ ȣ

с[вѧ]т[о]го Иякова полъпѧтадьсѧтъ

лѣ[т] въ кротости и съмерении

и Б[ог]обоязньствѣ. поя съ собою

Пльсковѹ археп[иско]пъ Гаврила

и дошьдъ Пльскова разболесѧ

и постриже и вл[а]д[ы]ка и въ скиму

и престависѧ м[ѣсѧ]цѧ октѧ[брѧ] въ 13

на с[вѧ]тѹю м[ѹ]ч[е]н[и]кѹ Карпа и Папу

ла и положиша и ѹ с[вѧ]т[о]го Сп[а]са

въ манастыри. покои Г[оспод]и д[ѹ]шю ра

ба твоего Германа ѿпѹсти е

Folio 49

мѹ всѧ прегрешения вольная и

невольная. На тѹ [же] зимѹ бы[сть] до

рогъвь оже кѹплѧхѹ по двѣ нога

те хлѣбъ а кадь ръжи по 6 гр[и]в[е]нъ.

нъ Б[о]жиѥю м[и]л[ос]тию не бы[сть] пакостї

въ людьхъ. Въ то [же] лѣ[то] рѹбоша

новгородьце Варѧзи на Гътѣ

хъ Немьце въ Хорѹжькѹ и въ

Новотържьце. а на веснѹ не пу

стиша из Новагорода своихъ

ни одиного мѹ[жа] за море ни съ

ла въдаша Варѧгомъ нъ пѹстї

ша я без мира.

Въ лѣ[то] 6697 (1189) с[вѧ]ти ц[е]рк[о]вь Гаври

ла архиеп[иско]пъ новъгородьскы

и с[вѧ]тыя Б[огороди]цѧ Ѹспение въ Аркажи

манастыри м[ѣсѧ]цѧ июнѧ въ 4

на с[вѧ]т[о]го Митрофана.

Folio 49’

Въ то [же] лѣ[то] постави ц[е]рк[о]вь новѹ арх

еп[иско]пъ Гаврила на Жатѹни въ и

мѧ с[вѧ]т[ы]хъ 3 отрокъ Анания

Азария и Мисаила и Данила

пр[о]р[о]ка. Въ то [же] лѣ[то] родисѧ Новего

роде ѹ Яросла[ва] дъци кнѧгыни

на Рожьство Б[огороди]ци. Томь [же] лѣ[тѣ] ко

ньцаша ц[е]рк[о]вь пишюще с[вѧ]т[о]го

Бл[а]говѣщения. Томь [же] лѣ[тѣ] отѧ

ша посадницьство ѹ Михалѧ

и вдаша Мирошки Нездиницю.

Въ лѣ[то] 6698 (1190) родисѧ Нове

городѣ ѹ Ярослава с[ы]нъ Мї

хаилъ а кн[ѧ]же имѧ Изѧслав

а вънѹкъ Володимирь. Томь [же]

лѣ[тѣ] избища пльсковици Чюдь

поморьскѹю. пришли бо бѧхѹ

въ 7 шнекъ и оболочилисѧ

Folio 50

около порога въ озеро и ѹдариша

на не пльсковици и не ѹпустї

ша ни мѹ[жа] а шнеке привезоша

пльсковѹ въ городъ.

Въ лѣ[то] 6699 (1191) ходиша новго

родьци съ Корелою на Емь

и воѥваша землю ихъ и

пожьгоша и скотъ исекоша.

Въ то [же] лѣ[то] сърѹбиша ц[е]рк[о]вь

на Городищи с[вѧ]т[о]го Нико

лы кн[ѧ]зь Ярослав а вл[а]д[ы]ка

въ дворе ѹ себе Ѹстрете

ниѥ Г[оспод]не. Въ то [же] лѣ[то] и с[вѧ]т[о]го

Образа Вънездѣ Нѣздї

ниць и с[вѧ]тыя Пѧтьни

ци на Търговищи Къ

снѧтине съ бра[то]мь.

Томь [же] лѣ[тѣ] с[вѧ]ти ц[е]рк[о]вь Б[ог]о

Folio 50’

любивыи археп[иско]пъ Гаврила с[вѧ]т[о]го

Възнесения създана Милоне

гомь тысѧцьскымь. Въ то [же] лѣ[то]

ходи кн[ѧ]зь Ярослав на Лѹкы по

званъ полотьскою кнѧжьею

и полоцѧны и поя съ собою новъ

городьць передьнюю дрѹжи

нѹ. и сънѧшасѧ на рѹбежи

и положиша межи собою

любъвь яко на зимѹ всѣ

мъ сънѧтисѧ любо на Ли

твѹ любо на Чюдь. и прї

де кн[ѧ]зь Новѹгородѹ Я

рославъ одаренъ.

Тъгда [же] родисѧ ѹ кн[ѧ]зѧ

с[ы]нъ ѹ Яросла[ва] (...)

Folio 51

И бы[сть] на зимѹ и иде кн[ѧ]зь Яро

славъ съ новъгородьци и съ пльско

вици и съ оболостью своею на Чю

дь. и възѧ городъ Гюргевъ и пожь

гошѧ землю ихъ и полона бещи

сла приведоша. а сами придоша

сторови въ Новъгородъ.

Въ лѣ[то] 6700 (1192) иде кн[ѧ]зь Ярослав

Пльсковѹ на Петровъ д[е]нь и

новъгородьци въ мале. а са

мъ седе на Пльскове. а дво

ръ свои пославъ съ пльсковї

ци воеватъ. и шьдъше въ

зѧша городъ Медвежю головѹ

и пожьгоша. и придоша сторовї.

Въ то [же] лѣ[то] постави цьрковь вънї

зѹ на Хѹтинѣ Варламъ

цьрнець а мирьскымь имень

Folio 51’

мь Алекса Михалевиць въ имѧ

с[вѧ]т[о]го Сп[а]са Преображения и с[вѧ]ти ю

вл[а]д[ы]ка археп[иско]пъ Гаврила на пра

здьникъ и нарече манастырь.

Въ то [же] лѣ[то] концѧша ц[е]рк[о]вь с[вѧ]т[ы]хъ а

п[осто]лъ на Силинищи и с[вѧ]ти ю архе

п[иско]пъ Григории на Петровъ д[е]нь.

Въ то [же] лѣ[то] въ Рѹсе сърѹбиша

ц[е]рк[о]вь на островѣ Мартѹрии

игѹменъ въ имѧ с[вѧ]т[о]го Прео

бражения и створи манасты

рь и бы[сть] прибежище крьстья

номъ. Томь [же] лѣ[тѣ] съгоре црь

кы на Хълмѣ с[вѧ]т[ы]хъ ап[осто]лъ за

жьжена ѿ грома. Томь [же] лѣ[тѣ]

перестависѧ игѹмения

М[а]рия с[вѧ]т[о]го Въскр[е]сения и

поставиша на месте Евдокию.

Folio 52

Томь [же] лѣ[тѣ] ѹ с[вѧ]тѣи Б[огороди]ци въ Звери

ньци поставиша игѹмению.

Въ лѣ[то] 6701 (1193) престависѧ

Гаврила археп[иско]пъ новгородь

скыи м[ѣсѧ]цѧ маиѧ въ 24 на

с[вѧ]т[о]го Смена иже на Дивнѣи горе

и положенъ бы[сть] въ притворе с[вѧ]ты

я София посторонь бра[та] наре

ченаго въ чьрнецьстве Григорї

и. Новгородьци же съ кн[ѧ]з[е]мь Ѧ

рославомь и съ игѹмены и съ

софьяны и съ попы съдѹма

въше изволиша Б[ого]мь избрана

Мартѹрия и послаша по нь

и приведоша из Рѹсѣ и посадї

ша и въ еп[иско]пии и послаша къ мї

трополитѹ и присла по нь съ

чьстью. и иде съ передними

Folio 52’

мѹ[жи] и прия и съ любъвью кн[ѧ]зь С[вѧ]то

слав и митрополитъ и поставї

ша и м[ѣсѧ]цѧ дек[абр]ѧ въ 10 на с[вѧ]т[о]го

Данила Стълъпника и приде

въ Новъгородъ м[ѣсѧ]цѧ генварѧ въ

16 на с[вѧ]т[о]го ап[осто]ла Петра съпаде

ниѥ веригамъ. Въ то [же] лѣ[то] идо

ша из Новагорода въ Югрѹ ра

тью съ воѥводою Ядреѥмь.

и придоша въ Югрѹ и възѧ

ша городъ и придоша къ дру

гомѹ градѹ и затворишасѧ

въ градѣ и стояша подъ горо

домь 5 нед[ѣль]. и высылахѹ къ

нимъ Югра льстьбою рекѹ

ще тако яко копимъ сребро

и соболи и ина ѹзорочья а не

гѹбите своихъ смьрдъ и

Folio 53

своѥи дани. а льстѧще ими а во

ѥ копѧче. и яко скопиша воѥ и

выслаша из города къ воѥводѣ.

поиди въ городъ поѥмъ съ собо

ю 12 мѹж вѧчьшихъ. и иде въ

городъ воѥвода поимѧ съ со

бою попа Иванка Легена и и

нѣхъ вѧчьшихъ исѣкоша я

на канунъ с[вѧ]тыя Барвары.

и выслаша пакы и пояша и

хъ 30 мѹж вѧчьшихъ и тѣ

хъ исѣкоша и потомь 50. и я

ко изнемогоша голодомь сто

яли бо бѧхѹ 6 нед[ѣль] слѹшаю

че льстьбѣ [sic!] ихъ и на праздь

никъ с[вѧ]т[о]го Николы вылѣзъ

ше из города исѣкоша всѧ

и бѣ тѹга и беда останкѹ

Folio 53’

живыхъ. бѣ бо осталосѧ ихъ 80 муж

и не бѧше вести чересъ всю зиму

въ Новегородѣ на не ни на живы

ни на мьртвы и печѧловахѹ

сѧ въ Новегородѣ кн[ѧ]зь и вл[а]д[ы]ка

и вьсь Новгородъ. Въ то [же] лѣ[то] родї

сѧ въ Новегородѣ ѹ Ярослава

с[ы]нъ Ростислав. Томь [же] лѣ[тѣ] съру

биша ц[е]рк[о]вь с[вѧ]тѹю ап[осто]лѹ на Хъ

лмѣ Живогложю и с[вѧ]т[о]го

Іѡ[анна] м[и]л[ос]тиваго на воротехъ о Въ

скр[е]сения.

Въ лѣ[то] 6702 (1194) зажьжесѧ пожа

ръ Новегородѣ въ нед[ѣлю] на Всѣ

хъ С[вѧ]т[ы]хъ въ говѣниѥ идѹче

въ заѹтрьнюю. загоресѧ Савъ

кине дворе на Ярышевѣ ѹли

ци и бѧше пожаръ зълъ съгорѣ

Folio 54

ша ц[е]ркъви 10 с[вѧ]т[о]го Василия с[вѧ]ты

я Тр[ои]цѧ с[вѧ]т[о]го Въздвижения и

много домовъ добрыхъ. и ѹя

ша ѹ Лѹкини ѹлици. и не тѹ сѧ

зло ѹстави за грехы наша нъ на

дрѹгыи д[е]нь загоресѧ въ Чьг

лове ѹлки. и погоре дворовъ съ

10. и потомь боле въздвижесѧ.

тои же нед[ѣли] въ пѧтници въ търъ

гъ загорѣсѧ ѿ Хревъкове ѹ

лици оли до рѹчья Неревьске

и коньць и съгорѣ ц[е]ркъвии 7

и домове величии. ѿтоле въ

ста зло по всѧ дни загараше

сѧ невидимо и 6 мѣстъ

и боле. и не съмѧхѹ людьѥ

тировати въ домъхъ нъ по по

лю живѧхѹть. и потомь по

Folio 54’

горе Городище. Томь [же] лѣ[тѣ] и Ладога по

горе переди Новагорода а потомь

и Рѹса погорѣ. а въ Людини конь

ци погорѣ дворовъ 10. и тако сѧ

чюжѧше ѿ Всѣхъ С[вѧ]т[ы]хъ до Г[оспо]жи

на дни. И тъгда придоша избы

тъкъ живыхъ изъ Югры. и ѹби

ша Сбышкѹ Волосовицѧ и Него

чевицѧ Завида и Моислава По

повицѧ сами пѹтьники а дру

зии кѹнами сѧ ѿкѹпиша. тво

рѧхѹть бо я

съвѣтъ дьржаще

на свою братью а то Б[ого]ви сѹди

ти. Въ то [же] лѣ[то] поставиша ц[е]рк[о]вь

с[вѧ]т[о]го ап[осто]ла Филипа на Нѹть

нѣи ѹлици и с[вѧ]ти ю вл[а]д[ы]ка Ма

ртѹрии м[ѣсѧ]цѧ генварѧ въ 29

на с[вѧ]т[о]го Игнатия перенесение

Folio 55

мощьмъ. Въ то [же] лѣ[то] прѣстависѧ игу

менъ Дионисии с[вѧ]т[о]го Георгия и по

ставиша на мѣстѣ его Савати

ю. Тои [же] зиме престависѧ игѹме

нъ Герасимъ ѹ с[вѧ]тыя Б[огороди]цѧ въ А

ркажи манастыри и поставиша

на мѣстѣ его Панъкратия попина.

Въ лѣ[то] 6703 (1195) заложи ц[е]рк[о]вь ка

мѧнѹ на городьныхъ воротѣхъ

Б[ог]олюбивыи археп[иско]пъ новгородьскы

и Мартѹрии въ имѧ с[вѧ]тыя Б[огороди]цѧ

Положениѥ ризы и пояса. и начѧ

ша дѣлати м[ѣсѧ]цѧ маия въ 4 на

с[вѧ]т[о]го Исакия а концѧша м[ѣсѧ]цѧ а

вгѹ[ста] въ 2 на с[вѧ]т[о]го Стефана. и

с[вѧ]ти вл[а]д[ы]ка на праздьникъ с[вѧ]ты

я Б[огороди]цѧ Положениѥ ризы и поя

са. и бы[сть] кр[ес]тьяномъ прибежище

Folio 55’

и радость и веселиѥ вернымъ.

Тои же осени заложи ц[е]рк[о]вь с[вѧ]т[о]го

Въскр[е]сения камѧнѹ въ манасты

ри вл[а]д[ы]ка Мартѹрии и въздела

ша до двьрии около до осени. Томь [же]

лѣ[тѣ] престависѧ раба Б[о]жия Хрьст

на с[вѧ]тыя Варвары. и поставиша

на мѣстѣ ѥи избра вл[а]д[ы]ка и се

стры все кротъкѹ и съмѣренѹ

именьмь Варварѹ Гюргевѹю

Олекшиницѧ. и постави ю вл[а]д[ы]ка

на сборъ с[вѧ]тыя Еȣфимиѥ.

Томь [же] лѣ[тѣ] сърѹбиша ц[е]рк[о]вь нову

с[вѧ]т[о]го Въздвижения и с[вѧ]т[о]го Ва

силия и с[вѧ]т[о]го Дмитрия Ноздрь

цинѹ. Томь [же] лѣ[тѣ] на зимѹ по

зва Всѣволодъ новгородьце на

Чьрниговъ на Яросла[ва] и на всѣ

Folio 56

Ольгово племѧ. и новгородьци не

ѿпьрешасѧ ѥмѹ идоша съ кн[ѧ]зе

мь Ярославъмь огнищане и грї

дьба и кѹпци. и быша на Новѣ

мь търгѹ и присла Всѣволодъ

и възвороти ѥ съ чьстью домовь.

и послаша новгородьци къ нему

Мирошкѹ посадника и Бориса Жї

рославицѧ Микифора съцьскаго

просѧче с[ы]на. а Ярослава негодѹ

юще. и възворотишасѧ въ Новъ

городъ. Тои же зимѣ бишасѧ смо

лнѧне съ черниговьци и помо

же Б[ог]ъ цьрниговьцемъ. и яша къ

нѧзѧ Бориса Романовицѧ. и не бѧ

ше мира межи ими. и прия Все

володъ Мирошкѹ и Бориса и Ива

нка и Фомѹ. и не пѹсти ихъ

Folio 56’

въ Новъгородъ а самъ посла въ

Половьце. и почаста воѥ копитї

Всѣволодъ и Д[а]в[и]дъ собе а Яросла

въ Цьрниговьскыи и Игорь съ

бра[ть]ею. и не бѧше мира межи и

ми нъ рать большю въздвигну[ша].

Въ лѣ[то] 6704 (1196) заложиста црь

ковь камѧнѹ с[вѧ]т[о]го Кюри

ла въ манастыри въ Нѣле

зѣнѣ Къснѧтинъ и Дъмитръ

братеника на Лѹбѧнѣи ѹли

ци и начаша дѣлати м[ѣсѧ]цѧ апрї

лѧ а коньцѧша м[ѣсѧ]цѧ июлѧ въ

8 на с[вѧ]т[о]го Прокопия. и с[вѧ]ти ю

вл[а]д[ы]ка Мартѹрии на зимѹ

м[ѣсѧ]цѧ генварѧ въ 19 на с[вѧ]ты

я Татияны при игѹмене

Онисиме и бы[сть] радость кр[ес]тьѧ

Folio 57

номъ а Къснѧтинѹ и Дъмитру

вѣчьная памѧ[ть]. Томь [же] лѣ[тѣ] испь

са ц[е]рк[о]вь на воротехъ археп[иско]пъ

Мартѹрии с[вѧ]тыя Б[огороди]цѧ а писе

ць Грьцинъ Петровиць. Въ то [же]

лѣ[то] концѧша ц[е]рк[о]вь с[вѧ]т[о]го Въскр[е]се

ния. и с[вѧ]ти вл[а]д[ы]ка Мартѹрии

м[ѣсѧ]цѧ септѧ[брѧ] въ 13 на с[вѧ]т[о]го Корнї

лия на канонъ с[вѧ]т[о]го Въздвиже

ния при игѹмени а вл[а]д[ы]ка

трѹжаясѧ и горѧ въ д[е]нь зно

ѥмь а въ ноць печѧлѹясѧ

абы коньцѧти и видети ц[е]рко

вь съвѣршенѹ и ѹкрашенѹ.

и ѥгоже желавъ прия ц[ѣса]р[с]тво

н[е]б[ес]ноѥ и радость неисконьцѧ

ѥмѹ въ вѣкы аминъ.

Исходѧщю лѣ[тѹ] слахѹсѧ новъ

Folio 57’

городьци къ Всѣволодѹ посадника

дѣлѧ Мирошке и Иванка и Ѳомѣ

пѹстилъ бо бѧше Бориса и иныѥ

мѹже с нимь. а Всѣволодъ иде на

Чьрниговъ съкѹпивъ силѹ свою

и половьчьскѹ силѹ приведъ и во

жаше съ собою посадника новго

родьскаго Мирошкѹ и Иванка

и Ѳомѹ а новгородьцемъ пове

ле ити на Лѹкы. идоша съ Яросла

вомь и сѣдѣвъше на Лѹкахъ во

ротишасѧ домовь а Всѣволодъ

въшьдъ въ землю ихъ. и не вда Б[ог]ъ

межи ими кръви пролития боль

ша и възѧша миръ межи собо

ю а Новгородъ выложиша вси

кн[ѧ]зи въ свободѹ. кде имъ любо

тѹ же собе кн[ѧ]зѧ поимають. и въ

Folio 58

звративъсѧ Всѣволодъ пѹсти Ѳо

мѹ Новѹгородѹ а Мирошке и Ива

нка не пѹсти и розгнѣви новгоро

дьце. и съдѹмавъше новгородьце

и показаша пѹть из Новагорода

и выгнаша и на Гюргевъ д[е]нь осень

Ярослава кн[ѧ]зѧ. иде кн[ѧ]зь Ярославъ

на Новыи търгъ и прияша и новото

рожьци съ поклономь. и жѧлѧхѹ по

немь въ Новегородѣ добрии а злии

радовахѹсѧ. И послаша Цьрниго

вѹ къ Ярославѹ по с[ы]нъ и сѣдеша

всю зимѹ Новегородѣ бесъ кн[ѧ]зѧ.

а Ярославъ кнѧжѧше на Търъжь

кѹ въ своѥи волости и дани пои

ма по всемѹ всѣмѹ Вьрхѹ и Мъ

сте и за Волокомь възьма дань.

а новгородьце измавъ Всеволо

Folio 58’

дъ за Волокомь и по всѣи земли свое

и дьржаше ѹ себе не пѹстѧ ихъ Но

вѹгородѹ. нъ хожахѹ по городѹ

по воли Володимири. Тои же зиме

с[вѧ]ти ц[е]рк[о]вь с[вѧ]т[о]го Кюрила въ Нелезе

нѣ еп[иско]пъ Мартѹрии.

Въ лѣ[то] 6705 (1197) приде кн[ѧ]зь ис Церь

нигова Новѹгородѹ Яропълъ

къ Ярославиць на вьрьбницю

настанѹцю лѣ[тѹ] мртъмь м[ѣсѧ]цемь.

и сѣдевъшю ѥмѹ ѿ вьрьбнице

до Сменова д[ь]ни 6 м[ѣсѧ]ць одинѹ

и выгнаша из Новагорода и посла

ша опѧть по Ярослава. иде Яро

славъ съ Новаго търгѹ Володимї

рю позванъ Всеволодомь. идоша

из Новагорода переднии мѹжи

сътьскии и пояша Ярослава

Folio 59

съ всѣю правьдою и чьстью. и прї

де на зимѹ Ярославъ по Кр[е]щ[е]нии

за нед[ѣлю] и седе на столѣ своемь и

обѹясѧ съ людьми и добро все

бы[сть]. и Мирошка приде посадникъ

сѣдевъ 2 лѣ[та] за Новгородъ. и вси

придоша неврежени ничимь же.

и ради быша Новегородѣ вси ѿ

мала и до велика. Томь же лѣ[тѣ]

постави ц[е]рк[о]вь на острове с[вѧ]т[о]го

Никифора Мартѹрии археп[иско]пъ.

Въ то [же] лѣ[то] постави манастырь

с[вѧ]тыя Еѹѳимиѧ въ Плътьнї

кихъ Полюжая Городьшиницѧ

Жирошкина дъци.

Въ лѣ[то] 6706 (1198) заложи ц[е]р[ко]вь

камѧнѹ въ Рѹсѣ с[вѧ]т[о]го Прео

бражения Б[ог]олюбивыи а

Folio 59’

рхеп[иско]пъ Мартѹрии. нацѧша дѣ

лати м[ѣсѧ]цѧ маиѧ въ 21 на с[вѧ]тѹ

ю ц[ѣса]рю Костѧнтинѹ и Елены. а

коньцѧша м[ѣсѧ]цѧ июлѧ въ 31 на с[вѧ]тыя Ѹлиты. и с[вѧ]ти ц[е]рк[о]вь

на Ѹспениѥ с[вѧ]тѣи Б[огороди]ци и ство

рим праздьникъ ч[ес]тьнъ и слу

жьбѹ створи и помолисѧ г[лаго]лѧ.

Г[оспод]и Б[ож]е призри съ н[е]б[е]съ и вижь и по

сѣти винограда своего и съвѣрь

ши иже насади десницѧ твоя.

и призри на ц[е]рк[о]вь сию юже създа

хъ рабъ твои археп[иско]пъ Марту

рии въ имѧ с[вѧ]т[о]го твоѥго Прѣ

ображения. да аще кто помо

литьсѧ въ ц[е]ркви сеи съ вѣрою

тъ ѹслыши м[о]л[и]твѹ ѥго и ѿ

пѹсти грѣхы ѥго м[о]л[и]твами

Folio 60

с[вѧ]тыя Б[огороди]цѧ и всѣхъ с[вѧ]т[ы]хъ твои

хъ. аминъ. и веселѧшесѧ бл[а]ж[е]ны

и д[ѹ]шею и теломь. ѹстроивъ собе

пѧмѧ[ть] вѣчьнѹю и всѣмъ кр[ес]ть

яномъ ч[ес]тьныи манастырь.

Тои [же] весне преставистасѧ ѹ Ѧ

рослава с[ы]на 2. Изѧслав бѧше

посаженъ на Лѹкахъ кнѧжи

ти и ѿ Литвы оплечьѥ Новѹ

городѹ и тамо престависѧ.

а Ростиславъ Новѣгородѣ. и о

ба положена ѹ с[вѧ]т[о]го Георгия

въ манастыри. Въ то [же] лѣ[то] за

ложи ц[е]рк[о]вь камѧнѹ кн[ѧ]зь

великыи Ярославъ с[ы]нъ Воло

димирь вънѹкъ Мьстиславль

въ имѧ с[вѧ]т[о]го Сп[а]са Преображе

ния Новегородѣ на горѣ а про

Folio 60’

звище Нередице. и начаша дѣла

ти м[ѣсѧ]цѧ июнѧ въ 8 на с[вѧ]т[о]го Ѳедора

а концѧша м[ѣсѧ]цѧ септѧ[брѧ].

На тѹ [же] осень придоша полочѧне

съ Литвою на Лѹкы и пожьго

ша хоромы а лѹчѧне ѹстере

гошасѧ и избыша въ городѣ.

Томь [же] лѣ[тѣ] заложиша ц[е]рк[о]вь ка

мѧнѹ с[вѧ]т[о]го Илиѥ на Хълмѣ.

На тѹ [же] зимѹ ходи кн[ѧ]зь Яро

славъ съ новъгородьци и съ

пльсковици и съ новотържьци

и съ ладожаны и съ всею обла

стию новгородьскою къ Полоть

скѹ и ѹстретоша полоцѧне съ

поклономь на озѣре на Касъ

пле. и възьмъше миръ възвра

тишасѧ Новѹгородѹ. Б[ог]ъ бо не

Folio 61

вда кръви пролитья кр[ес]тьяномъ

межи собою.

Въ лѣ[то] 6707 (1199) приславъ Всѣволо

дъ выведе Ярослава из Нова

города и веде и къ собе. и из Но

вагорода позва вл[а]д[ы]кѹ и посадь

ника Мирошкѹ и вѧчьшии мѹ[жи]

по с[ы]нъ. и яко быша на озѣре Сере

гери престависѧ рабъ Б[о]жии а

рхеп[иско]пъ новгородьскыи Мартѹ

рии м[ѣсѧ]цѧ авгѹ[ста] въ 24 на с[вѧ]т[о]го

ап[осто]ла Варѳоломея. и привезоша

и и положиша и въ притворе с[вѧ]ты

я София. идоша людьѥ съ поса

дникомь и съ Михалкомь къ

Всѣволодѹ и прия ю съ велико

ю ч[ес]тью. И вда имъ с[ы]нъ С[вѧ]тосла

въ. а въ Новъгородъ съдѹмавъ

Folio 61’

съдѹмавъ съ посадникомь присла

и съ новъгородьци и въведе въ епи

скѹпию Митрофана мѹ[жа] Б[ого]мь и

збьрана. и всь Новъгородъ шьдъ

ше съ ч[ес]тью посадиша и донеле

же бѹдеть ѿ митрополита по

званиѥ. и тъгда поидеши на по

ставлениѥ. Въ то [же] лѣ[то] заложиша

ц[е]рк[о]вь камѧнѹ с[вѧ]т[ы]хъ 40. Томь [же]

лѣ[тѣ] постави ц[е]рк[о]вь кнѧгыни Я

рославлѧя на Михалици мана

стырь с[вѧ]тыя Б[огороди]цѧ Рожьство игу

мению поставиша Завижюю

посадника. Въ то [же] лѣ[то] испьсаша

ц[е]рк[о]вь с[вѧ]т[о]го Преображения на Го

родищи. Въ то [же] лѣ[то] испьсаша ц[е]рко

вь въ Рѹсѣ с[вѧ]т[о]го Сп[а]са вл[а]д[ы]чьню въ

манастыри.

Folio 62

Приде же кн[ѧ]зь С[вѧ]тослав въ Новъгоро

дъ с[ы]нъ Всеволожь вънѹкъ Гюрге

въ м[ѣсѧ]цѧ генварѧ въ 1 на с[вѧ]т[о]го Васи

лия и посадиша и на столѣ въ с[вѧ]тѣ

и Софии и обрадовасѧ вьсь Новъго

родъ. Въ то [же] лѣ[то] въ Рѹсѣ городъ о

бложиша.

Въ лѣ[то] 6708 (1200) Ловоть възѧша Ли

тва и до Налюцѧ съ Бѣлеѥ до

Свинорта и до Ворча середѹ.

и гнашасѧ новгородьци по ни

хъ и до Цьрнѧнъ и бишасѧ

с ними и ѹбиша Литвы мȣ

жь 80 а новгородьць 15. Ра

гѹилѹ Прокопииницѧ съ бра[то]

мь Ольксою Гюргѧ Събышки

ницѧ Ратьмира Нѣжатини

цѧ Страшка серебрьника вѣ

Folio 62’

сцѧ Вънезда Ягиницѧ Лѹку

Мирошкинъ отрок Микитѹ

Лазоревицѧ Жирошкѹ Огасо

вицѧ Осипа подвоискаго Ро

мана Пъкта инѣхъ 4 мѹж

а полонъ вьсь отѧша а избътъ

къ ѹбѣжаша.

Въ то [же] лѣ[то] иде Нездила Пьхци

ниць на Лѹкы воѥводою.

иде съ Лѹкъ съ маломь дрѹ

жины въ Лотыголѹ на тороне

и засташа я въ одринахъ и ѹ

биша ихъ 40 мѹж а жены и

хъ и дѣти поимаша а сами

придоша на Лѹкы сторови вь

си. а кто бѣ нѣ пошьлъ по нихъ

Столбовицѧ съ нѣколькомь

дрѹжины а у тѣхъ кун поима[ша]

бивъше.

Folio 63

Въ лѣ[то] 6709 (1201) новъгородь

ци Б[ого]мь избранаго Митроѳа

на въведоша въ еп[иско]пью по Марту

рии и иде въ Рѹ[сь] ставитъсѧ къ

митрополитѹ съ новгородь

скыми мѹ[жи] и съ Всѣволожи

ми и поставленъ бы[сть] м[ѣсѧ]цѧ и

юлѧ въ 3 д[е]нь на с[вѧ]то[го] Ѹаки

нфа. и приде въ Новъгородъ

септѧ[брѧ] въ 14 на Въздвиже

ниѥ ч[ес]тьнаго х[рест]а. и ради быша

новгородьци своѥмѹ вл[а]д[ы]цѣ.

Въ то [же] лѣ[то] м[ѣсѧ]цѧ априлѧ въ 15

съгорѣ ц[е]ркы ѿ грома с[вѧ]т[о]го Нї

колы на Городищи. и ста всѣ

лѣ[то] дъжгево. а Варѧгы пѹстї

ша без мира за море.

То[го] же лѣ[та] сърѹбиша въ Рѹ

сѣ городъ. а на осѣнь придо

Folio 63’

ша Варѧзи горою на миръ и даша

имъ миръ на всѣи воли своѥи.

Въ лѣ[то] 6710 (1202) съвѣршиша ц[е]рко

вь камѧнѹ с[вѧ]т[о]го пр[о]р[о]ка Илиѥ

на Хълмѣ коньць Славьна и

с[вѧ]ти ю вл[а]д[ы]ка Митроѳанъ на пра[здник].

Въ лѣ[то] 6711 (1203) Рюрикъ съ Оль

говици и съ погаными Поло

вци Концѧкъ и Данила Бѧко

виць възѧша град Кыѥвъ на щитъ

въ 1 д[е]нь генва[рѧ] на с[вѧ]то[го] Василї

я. а кого доидеть рѹка цьрнь

цѧ ли церницѣ ли по[па] ли попадь

ѥ ли а ты вѣдоша въ поганы

я. а что гости иноземьцѧ вь

сѧкого языка затворишасѧ

въ ц[е]рквахъ и въдаша имъ жи

вотъ а товаръ съ ними роздѣ

лиша на полы. а что по мана

Folio 64

стыремъ и по всѣмъ ц[е]ркв[а]ма всѧ

ѹзорочья и иконы одраша и

везоша погании въ землю свою

а град пожгоша. Въ то [же] лѣ[то]

побѣдиша Олговицѧ Литвѹ. и

збиша ихъ 7 сотъ и 1000.

Томь [же] лѣ[тѣ] прѣстависѧ Мирошь

шка посадникъ новъгородьскы

и постригъсѧ ѹ с[вѧ]то[го] Георгиѧ.

И потом даша посадницьство Мї

халкѹ Степаницю.

Томь [же] лѣ[тѣ] по грѣхомъ нашимъ

измроша кони Новѣгородѣ и

по селомъ яко нѣлзѣ бѧше по

ити смрады никѹда же.

Въ лѣ[то] 6712 (1204) ц[ѣса]р[с]тву

ющю Ольксе въ Ц[ѣса]риградѣ

въ ц[ѣса]р[с]твѣ Исаковѣ бра[та] своѥ

го ѥгоже слѣпивъ а са

Folio 64’

мъ ц[ѣса]р[е]мь ста а с[ы]на ѥго Олексѹ

затвори въ стѣнахъ высокыхъ

стражею яко не вынидеть. и вре

меномъ минѹвъшемъ и дьръ

знѹ Исакъ молитисѧ о с[ы]нѹ сво

ѥмь дабы ѥго испѹстилъ и

с твьрди прѣдъ сѧ. и ȣмоли

бра[та] Исакъ и прияста извѣще

ниѥ съ с[ы]н[о]мь яко не помысли

ти на ц[ѣса]р[с]тво и спѹщенъ бы[сть] и

с твьрди и хожашеть въ своѥ

и воли. ц[ѣса]рь же Олькса не печѧ

шесѧ о немь вѣрѧ бра[тѹ] Исако

ви и с[ы]нови ѥго. зане прияста

извѣщениѥ. и потом Исакъ по

мысливъ и въсхотѣ ц[ѣса]р[с]тва

и ѹчѧшеть с[ы]на посылая по

таи. яко добро створихъ бра[тѹ]

моѥмѹ Олѣксѣ ѿ поганы

Folio 65

хъ выкѹпихъ ѥго а онъ проти

вѹ зло ми възда слѣпивъ мѧ

ц[ѣса]р[с]тво моѥ възѧ. и въсхотѣ с[ы]нъ

ѥго якоже ѹчашеть ѥго и мы

шлѧшьта како ѥмѹ изити и

з града въ дальнѧя страны

и ѿтолѣ искати ц[ѣса]р[с]тва. и въвѣ

денъ бы[сть] въ корабль и въсаже

нъ бы[сть] въ бочкѹ имѹщи 3

дна при ѥдинѣмь конци за

нимь же Исаковиць сѣдѧше

а въ дрѹгомь конци вода иде

же гвоздъ. нѣлзѣ бо бѧше ина

ко изити из града. и тако изи

де из Грѣчьскѣи земли. и ѹ

вѣдавъ ц[ѣса]рь посла искатъ ѥ

го и начаша искати ѥго въ

мнозѣхъ мѣстѣхъ. и вни

доша въ тъ корабль идеже бѧ

Folio 65’

шеть и всѧ мѣста овискаша а и

з бъчькъ гвозды вынимаша

и видеше водѹ текѹщю идо

ша прочь и не обрѣтоша ѥго. и

тако изиде Исаковичь и при

де къ нѣмьчьскѹмѹ ц[ѣса]рю Фи

липови къ зѧти и къ сѣстрѣ сво

ѥи. ц[ѣса]рь нѣмечьскыи посла къ

папѣ въ Римъ. и тако ѹвѣчаста

яко нѣ воѥвати на Ц[ѣса]рьградъ нъ

якоже ре[че] Исаковиць. всь град Ко

стѧнтинь хотѧть моѥго ц[ѣса]р[с]тва.

такоже посадѧче ѥго на прѣсто

лѣ поидете же къ Иер[ѹса]л[и]мѹ въ

помочь. не въсхотѧть ли ѥго а

ведете и опѧть къ мнѣ. а пако

сти не деите Грѣчьскои земли.

Фрѧзи же и вси воѥводы ихъ

възлюбиша зла[то] и срѣбро и

Folio 66

же мѣнѧшеть имъ Исаковиць

а ц[ѣса]р[е]ва велѣния забыша и папи

на. пьрвоѥ пришьдъше въ Сѹ

дъ. замкы желѣзныя разби

ша. и пристѹпивъше къ градѹ

огнь въвергоша 4рь мѣстъ

въ храмы. тъгда ц[ѣса]рь Олькса ѹзь

ревъ пламень не створи бранї

противѹ имъ. призвавъ брата

Исака ѥгоже слѣпи посади ѥ

го на прѣстолѣ и ре[че]. даже ѥси

брат тако створилъ прости ме

не а се твоѥ ц[ѣса]р[с]тво. избѣжа и

з града. и пожьженъ бы[сть] град и

ц[е]ркви несказьны лѣпотою и

мъ же не можемъ числа съпо

вѣдати. и с[вѧ]тоѥ Софиѥ притво

ръ погорѣ идеже патриарси

вси написани и подрѹмьѥ и

Folio 66’

до морѧ. а семо по Ц[ѣса]р[е]въ затворъ

и до Сѹда погорѣ. и тъгда по

гна Исаковиць по ц[ѣса]ри Олексѣ съ

Фрѧгы. и не постиже ѥго и въ

звратисѧ въ град. и съгна о[т]цѧ съ

прѣстола а самъ ц[ѣса]р[е]мъ ста. ты

ѥси слепъ како можеши ц[ѣса]р[с]тво

дьржати азъ ѥсмь ц[ѣса]рь. тъгда

Исакъ ц[ѣса]рь много съжаливъси

о гра[дѣ] и о ц[ѣса]р[с]твѣ своѥмь и о грабле

нии манастырьскыхъ ѥже да

яста Фрѧгомъ зла[та] и срѣбро по

сѹленоѥ имъ. разболѣвъсѧ и

бы[сть] мнихъ и ѿиде свѣта сего. по

Исаковѣ же см[е]рти людиѥ на с[ы]на

ѥго въсташа про зажьжениѥ гра

дьноѥ и за пограблениѥ мана

стырьское. и събрачесѧ чернь и

волочахѹ добрыѥ можа дȣ

Folio 67

мающе с ними кого ц[ѣса]рѧ поставѧ

ть. и вси хотѧхѹ Радиноса. онъ

же не хотѧше ц[ѣса]р[с]тва нъ кръя

шесѧ ѿ нихъ измѣнивъсѧ въ

чьрны ризы. женѹ же ѥго имъ

ше приведоша въ с[вѧ]тѹю Софию и

много нѹдиша ю. повѣжь намъ

кде ѥсть мѹж твои. и не сказа о

мѹжи своѥмь. потомь [же] яша

ч[е]л[о]в[ѣ]ка именьмь Николѹ воина

и на то[го] възложиша вѣньць бес па

триарха и тѹ быша с нимь въ

с[вѧ]тѣи Софии 6 д[ь]нии и 6 но

чии. ц[ѣса]рь же Исаковиць бѧшеть

въ Влахернѣ и хотѧше въвести

Фрѧгы отаи бояръ въ град. бо

яре же ѹвѣдавъше ѹтолиша

ц[ѣса]рѧ не даша ѥмѹ напѹститї

Фрѧгъ рекѹче. мы с тобою ѥсмь.

Folio 67’

тъгда бояре ѹбоявъшесѧ въвѣде

ния Фрѧгъ съдѹмавъше съ Мюрчю

фломь яша ц[ѣса]рѧ Исаковицѧ а на Мю

рчюфла вѣньчь възложиша а Мю

рчюфла бѧше высадилъ ис тьмь

нице Исаковиць и приялъ извѣ

щениѥ яко не искати подъ Иса

ковицемь ц[ѣса]р[с]тва нъ блюсти по

дъ нимь. Мюрчюфлъ же посла

къ Николѣ и къ людьмъ въ с[вѧ]тѹю

Софию. язъ ялъ ворота вашего И

саковицѧ язъ вашь ц[ѣса]рь а Нико

лѣ даю пьрвыи въ боярехъ сло

жи съ себе вѣньць. и вси людиѥ не

даша ѥмѹ сложити вѣньцѧ нъ

боле заклѧшасѧ. кто ѿстѹпи

ть ѿ Николы да бѹдеть проклѧ

тъ. то[го] же д[ь]не дождавъше ночи

разбѣгошасѧ вси а Николѹ я

Folio 68

ша и женѹ ѥго я Мюрчюфлъ

и въсади я въ тьмницю. и Ольксу

Исаковицѧ ѹтвьрди въ стѣне

хъ а самъ ц[ѣса]р[е]мь ста Мюрчюфлъ

феуларѧ въ 5 д[е]нь надѣясѧ

избити Фрѧгы. Фрѧзи же ѹве

давъше ята Исаковицѧ воѥваша

волость около города просѧче ѹ

Мюрчюфла. даи намъ Исакови

цѧ ѿ поидемъ къ нѣмечьсу

мѹ ц[ѣса]рю ѿнележе ѥсме посла

ни а тобе ц[ѣса]р[с]тво ѥго. Мурчюфлъ

же и вси бояре не даша ѥго жи

ва. и ѹморивъше Исаковицѧ

и рекоша Фрѧгомъ. ѹмьрлъ ѥ

сть придете и видите и. тъгда

же Фрѧзи печѧльни бывъше

за прѣслѹшаниѥ своѥ. не та

ко бо бѣ казалъ имъ ц[ѣса]рь нѣмѣ

Folio 68’

чьскыи и папа римьскыи якоже

си зло ѹчиниша Ц[ѣса]рюгра[дѹ]. сами к со

бе вси. оже намъ нѣтѹ Исаковицѧ

с нимь же ѥсме пришли да лѹче

ны ѥсть ѹмрети ѹ Ц[ѣса]рѧгра[да] неже

ли съ срамомь ѿити. ѿтоль нача

ша строити брань къ гра[дѹ]. и замы

слиша якоже и прѣ[же] на корабли

хъ раями на шьглахъ на иныхъ

же кораблихъ исъциниша порокы

и лѣствицѧ а на инѣхъ замы

слиша съвѣшивати бъчькы че

ресъ град накладены смолины

и лѹчины зажьгъше пѹсти

ша на хоромы яко[же] и прѣ[же] пожь

гоша градъ. и пристѹпиша къ

градѹ априлѧ въ 9 д[е]нь въ

пѧтъкъ 5 нед[ѣли] по[ста] и не ѹспѣ

ша ничьтоже гра[дѹ]. нъ Фрѧгъ и

Folio 69

збиша близъ 100 мѹж. и стояша

тѹ Фрѧзи 3 д[ь]ни. и въ поне[дѣльник] верь

бнои нед[ѣли] пристѹпиша къ гра[дѹ]

с[о]лнчю въсходѧщю противѹ с[вѧ]т[о]му

Сп[а]сѹ зовемыи Вергетисъ про

тивѹ Испигасѹ сташа же и до

Лахерны. пристѹпиша же на

40 корабль въ великыхъ. бѧхѹ

же изременани межи ими въ нихъ

хъ же людьѥ на конихъ одени въ бръ

не и коне ихъ. инии же корабле ихъ

и галѣѥ ихъ стояхѹ назаде боѧ

щесѧ зажьжения яко[же] и прѣ[же] бѧ

хѹть Грьци пѹстили на не 10 ко

раблевъ съ огньмь. и въ прѧхъ изве

ременивъше погодьѥ вѣтра на Ва

силиѥвъ д[е]нь полѹноци и не ѹспе

ша ничтоже фрѧзьскымъ кора

блемъ. вѣсть бо имъ бѧше далъ И

Folio 69’

саковиць а Грькомъ повеле пѹ[сти]ти

на корабле на не. тѣмь же и не пого

рѣша Фрѧзи. и тако бы[сть] възѧтиѥ

Ц[ѣса]рѧгра[да] велико. и привлеце корабль

къ стенѣ градьнѣи вѣтръ и быша

скалы ихъ великыя чрѣсъ град а

нижьнеѥ скалы равно забороло

мъ. и бьяхѹть съ высокыхъ ска

лъ на градѣ Грькы и Варѧгы ка

мениѥмь и стрѣлами и сѹлица

ми а съ нижьнихъ на град сълѣзо

ша. и та[ко] възѧша град. ц[ѣса]рь же Мюрчю

фолъ крѣплѧше бояры и все людї

хотѧ тѹ брань створити съ Фрѧ

гы и не послѹшаша ѥго побѣго

ша ѿ него вси. ц[ѣса]рь же побеже ѿ ни

хъ и ѹгони ѥ на Коньнемь търгѹ.

и много жалова на бояры и на все

лю[ди]. тъгда же ц[ѣса]рь избеже изъ

Folio 70

гра[да] и патриархъ и вси бояре. и

внидоша въ град Фрѧзи вси апри[лѧ]

въ 12 д[е]нь на с[вѧ]т[о]го Василия и

сповѣдника въ поне[дѣльник] и сташа на

мѣ[сте] идеже стояше ц[ѣса]рь грьчьскы

и ѹ с[вѧ]т[о]го Сп[а]са и тѹ сташа и на но

чь. заѹтра же с[о]лнчю въсходѧщю

вънидоша въ с[вѧ]тѹю Софию. и одь

раша двьри и расѣкоша. а онбо

лъ окованъ бѧше всь сребромь и

столпы сребрьныѥ 12 а 4 ки

вотьныя. и тѧгло исѣкоша и

12 кр[ес]та иже надъ олтаремь бѧ

хѹ межи ими шишкы яко дрѣ

ва вышьша мѹж и прѣграды о

лтарьныя межи стълпы а то

все сребрьно. и трѧпезѹ чю

дьнѹю одьраша драгыи каме

нь и велии жьньчюгъ а самѹ

Folio 70’

невѣдомо камо ю дѣша. и 40 кѹ

бъковъ великыхъ иже бѧхѹ

прѣдъ олтаремь и понекадѣла

и свѣтилна сребрьная яко не

можемъ числа повѣдати съ пра

здьничьными съсѹды бесцѣ

ньными поимаша. слѹ[же]бьноѥ

еуа[нгели]е и х[рест]ы ч[ес]тьныя иконы бе

сцѣныя все одраша. и подъ трѧ

пезою кръвъ наидоша 40 кадї

ѥ ч[ис]таго зла[та]. а на полатѣхъ и

въ стѣнахъ и въ съсѹдохрани

льници невѣде колико злата и

сребра яко нетѹ числа и бесцѣ

ньныхъ съсѹдъ. То [же] всѣ въ ѥди

нои Софии сказахъ. а с[вѧ]тѹю

Б[огороди]цю иже въ Влахѣрнѣ иде

же с[вѧ]тыи Д[ѹ]хъ съхожаше на всѧ

пѧтницѣ и тѹ одраша. инѣ

Folio 71

хъ же ц[е]рквии не можеть ч[е]л[о]в[ѣ]къ ска

зати яко бещисла. Дигитрию

же чюдьнѹю иже по гра[дѹ] хожа

ше с[вѧ]тѹю Б[огороди]цю съблюде ю Б[ог]ъ до

брыми людьми. и ныне ѥсть на

нюже надѣѥмъсѧ. иныѥ ц[е]ркви

въ градѣ и вънѣ гра[да] и манасты

ри въ гра[дѣ] и вънѣ гра[да] пограбиша

все. имъ же не можемъ числа

ни красоты ихъ сказати. чернь

че же и чернице и попы облѹпї

ша и нѣколико ихъ избиша. Грь

кы же и Варѧгы изгнаша изъ

гра[да] иже бѧхѹть остали. Се [же]

имена воѥводамъ ихъ 1 Марко

съ ѿ Рима въ гра[дѣ] Бьрне идеже

бе жилъ поганыи злыи Дедри

къ. а 2 Икондофъ Ѡфланъ

дръ. а 3 дѹжь слѣпыи ѿ

Folio 71’

Маркова острова Венедикъ. сего

дѹжа слѣпилъ Манѹилъ ц[ѣса]рь.

мнози бо философи молѧхѹть

сѧ ч[ѣса]р[е]ви. аще сего дѹжа ѿпѹсти

ши съдрава тъ много зла створи

ть твоѥмѹ ц[ѣса]р[с]твѹ. ц[ѣса]рь [же] не хотѧ ѥ

го ѹбити повелѣ очи ѥмѹ слѣ

пити стькломь. и бы[ста] очи ѥмѹ я

ко невреженѣ нъ не видѧше ниче

го же. сь же дѹжь много брании

замышлѧше на град и вси ѥго

послѹшахѹ и корабли ѥго ве

лиции бѧхѹть с нихъ же градъ

възѧша. стоянья же Фрѧжь

ска ѹ Ц[ѣса]рѧграда ѿ дек[абр]ѧ до а

при[лѧ] доколь городъ възѧшь. а

м[ѣсѧ]цѧ маия въ 9 поставища

ц[ѣса]рѧ своѥго Латина Кондо Фла

ренда своими п[искѹ]пы и власть

Folio 72

собе раздѣлиша. ц[ѣса]р[е]ви град а Ма

ркосѹ сѹдъ а дѹжеви десѧ

тина. и та[ко] погыбе ц[ѣса]р[с]тво Б[ог]охра

нимаго Костѧнтинѧграда и зе

млѧ Грьчьская въ свадѣ ц[ѣса]р[е]въ

ѥю же обладають Фрѧзи.

Въ лѣ[то] 6713 (1205) м[ѣсѧ]ць освѣ

те въ 8 ноции.

Того [же] лѣ[та] присла великыи кн[ѧ]зь

Всеволодъ въ Новъгородъ ре

кѧ та[ко]. въ земли вашеи рать ходи

ть а кн[ѧ]зь вашь с[ы]нъ мои С[вѧ]тославъ

малъ. а даю вы с[ы]нъ свои стареи

шии Костѧнтинъ.

Тъгда [же] отѧшѧ посадницьство

ѹ Михалка и даша Дмитрѹ Ми

рошкиницю. Въ то [же] лѣ[то] приде

кнѧзь Костѧнтинъ Всеволоди

ць внѹкъ Гюргевъ въ Новъгоро

Folio 72’

дъ м[ѣсѧ]цѧ марта въ 20 на с[вѧ]т[о]го Ге

расима. и радъ бы[сть] всь град своѥму

хотѣнию. Въ то [же] лѣ[то] прѣставї

сѧ кнѧгыни Всеволожая.

Въ лѣ[то] 6714 (1206) прѣстависѧ

рабъ Б[о]жии Митрофанъ а ми

рьскы Михалько. постригъсѧ

ѹ с[вѧ]тѣи Б[огороди]ци въ Аркажи манасты

ри маия въ 18 посадникъ но

вгородьскыи.

Въ то [же] лѣ[то] постави Твьрдислав ц[е]рко

вь на воротѣхъ въ Оркажи манасты

ри Михалковиць с[вѧ]то[го] Сьмена Стъ

лъпника иже на Дивнѣи горѣ.

Въ лѣ[то] 6715 (1207) поставиша

ц[е]рк[о]вь с[вѧ]т[о]го Лѹкы на Лѹбѧнѣ

и ѹлици перенесъше съ Колѣнѧ

Володаревицѣ и Носовици.

То[го] же лѣ[та] съвьршиша ц[е]рк[о]вь с[вѧ]тыѧ

Folio 73

Пѧтницѧ заморьскии авгѹ[ста] въ 30.

Того [же] лѣ[та] съвьрши ц[е]рк[о]вь с[вѧ]то[го] Пѧнтѣ

лѣимона Федоръ Пинещиниць.

Въ то [же] лѣ[то] прѣстависѧ рабъ Б[о]жи Па

рфѹрии а мирьскы Прокша Ма

лышевиць постригъсѧ ѹ с[вѧ]то[го] Сп[а]са

на Хѹтинѣ при игѹмене Варламе.

а покои Г[оспод]и д[ѹ]шю ѥго.

Въ лѣ[то] 6716 (1208) приде Лазорь

Всеволожь мѹж из Володимирѧ

и Борисе Мирошкиниць повелѣ ȣ

бити Ольксѹ Събыславицѧ на Ѧ

рославли дворѣ и ѹбиша и без ви

ны въ сѹб[от]ѹ марта въ 17 на

с[вѧ]то[го] Альксия. а заѹтра плака

с[вѧ]тая Б[огороди]цѧ ѹ с[вѧ]то[го] Якова въ Нере

вьскемь конци.

Въ лѣ[то] 6717 (1209) идоша новго

родьци на Чьрниговъ съ кнѧ

Folio 73’

зьмь Костѧнтиномь позвани Все

володомь. и придоша на рѣкѹ на

Окѹ и тѹ сѧ скопиша вси вои а

кн[ѧ]зи рѧзаньстии и сташа об о

нѹ странѹ Окѣ въ помочь Все

володѹ. и позва ѥ Всѣволодъ на

обѣдъ и сѣдоша 6 кн[ѧ]зь въ ша

трѣ. а Глѣбъ и Ольгъ ѹ Всеволо

да въ шатрѣ и новгородьци. и ту

обадиста Володимирицѧ бра[ть]ю сво

ю. и не ими кнѧже вѣры бра[ть]и на

ю сѹ[ть] на тѧ съвѣтали съ чьрни

говьскыми кнѧзи. и тѣмь ѥ о

блици рѧзаньстии кн[ѧ]зи. и Все

володъ изма ѥ и мѹж ихъ и ско

вавъ посла ѥ въ Володимирь а са

мъ поиде съ новгородци и съ кле

ветникома на Рѧзаньскѹю во

лость. И приде къ Проньскѹ и

Folio 74

ре[че]. передаите ми сѧ. Они же сташа

съ кнѧзьмь Изѧславомь съ тре

тиѥмь Володимиричемь. кюръ

Михаилъ побеже переди ис Про

ньска. и ѿ[ь]я ѹ нихъ водѹ и они пе

редашасѧ. и я кнѧгыню кюръ

Михаиловѹю товары поима

бещисла а съ Изѧславомь миръ

възѧ и ѿидоша сторови. а новго

родьци пѹ[сти] ис Коломна Новѹгоро

дѹ одаривъ бещисла и вда имъ

волю всю и ѹставы старыхъ

кн[ѧ]зь ѥгоже хотѣхѹ новгородь

ци. и ре[че] имъ. кто вы добръ того

любите а злыхъ казните. а со

боюю поя с[ы]на своѥго Костѧнти

на и посадника Дъмитра стре

лена подъ Проньскомь а вѧть

шихъ 7. новгородьци же при

Folio 74’

шьдъше Новѹгородѹ створиша

вѣче на посадника Дмитра и на

бра[ть]ю ѥго яко ти повѣлѣша на

новгородьцихъ сребро имати

а по волости кѹры брати по

кѹпцемъ вирѹ дикѹю и по

возы возити и все зло. идоша

на дворы ихъ грабежьмь а Миро

шкинъ дворъ и Дмитровъ зажь

гоша а житиѥ ихъ поимаша а

села ихъ распродаша и челѧдь.

а скровища ихъ изискаша и по

имаша бещисла. а избытъкъ

роздѣлиша по зѹбѹ по 3 гри

внѣ по всемѹ городѹ. и на щи

тъ. аще кто потаи похватилъ

а того ѥдинъ Б[ог]ъ вѣдаѥть и ѿ

то[го] мнози разбо

гатѣша. а что

на дъщькахъ а то кнѧзю оста

Folio 75

виша. То[го] же лѣ[та] привезоша

Дмитра Мирошкиницѧ мьръ

твого из Володимирѧ и погрѣ

боша и ѹ с[вѧ]т[о]го Георгия въ ма

настыри подъле о[т]чѧ. а новгоро

дьци хотѧхѹ съ моста съврѣщї

нъ възбрани имъ археп[иско]пъ Ми

трофанъ.

Присла Всеволодъ с[ы]на своѥго

С[вѧ]тосла[ва] въ Новъгородъ въ нед[ѣлю]

мѧ[со]пѹ[стнѹ]ю. Тъгда даша посадь

ницьство Твьрдисла[вѹ] Михалко

вицю. и даша дъщкы Дмитро

вы С[вѧ]тосла[вѹ] а бѧше на нихъ бе

щисла. и цѣловаша новгородци

ч[ес]тьныи х[рест]ъ. око не хочемъ ѹ се

бе дьржати дѣтии Дмитровы

хъ ни Володислава ни Бориса нї

Твьрдислава Станиловицѧ и

Folio 75’

Овъстрата Домажировицѧ и по

точи я кнѧзь къ о[т]цю. а на инѣ

хъ серебро поимаша бещисла.

Въ лѣ[то] 6718 (1210) новгородьцї

ѹгонивъше Литвѹ въ Ходы

ницихъ избиша съ кнѧзьмь Воло

димиромь и с посадникомь Твьрдї

славомь. То[го] же лѣ[та] ходи Всеволодъ

на Рѧзань и ре[че] имъ. поиде къ мнѣ

съ с[ы]н[о]мь моимь Ярославомь за Оку

на рѧды. и переидоша к немѹ и ту

я изма. и посла пълкы изма же

ны и дѣти. а градъ ихъ зажьже и

тако я расточи я по градомъ.

На тѹ [же] зимѹ приде кн[ѧ]зь Мьсти

слав Мьстиславиць на Тържь

къ и изма дворѧнѣ С[вѧ]тославли

и посадника оковаша. а товары

ихъ кого рѹка доидеть. а в Новъ

Folio 76

городъ присла. кланѧясѧ с[вѧ]тѣи

Софии и гробѹ о[т]цѧ моѥго и всѣ

мъ новгородьцемъ пришьлъ ѥсмь

къ вамъ слышавъ насильѥ ѿ кнѧ

зь и жаль ми своѥя о[т]цины. то

слышавъше новгородьци посла

ша по нь съ великою ч[ес]тью. поиди

кнѧже на столъ. а С[вѧ]тослава по

садиша въ вл[а]д[ы]цьни дворѣ и съ

мѹжи ѥго. донеле бѹдеть ѹ

права съ о[т]ц[е]мь.

Приде Мьстиславъ въ Новъгородъ

и посадиша и на столѣ о[т]ци. и ра

ди быша новъгородьци. и поиде

Мьстиславъ съ всемь пълкомь

на Всеволода и быша на Плоскѣ

и. и присла къ немѹ Всеволодъ.

ты ми ѥси с[ы]нъ а язъ тъбе о[те]ць

пѹсти С[вѧ]тослава съ мѹжи и всѣ ѥ

Folio 76’

же заседелъ исправи язъ кость

пѹскаю и товаръ. и пѹсти Мьсти

славъ С[вѧ]тосла[ва] и мѹ[жи] ѥго. а Всеволо

дъ пѹ[сти] гость съ товары. хр[ес]тъ че

ловаста и миръ възѧста. и приде

Мьстислав въ Новъгородъ.

Въ лѣ[то] 6719 (1211) приде Дмитръ

Якѹниць из Рѹси и състѹпи

сѧ Твьрдиславъ посадничьства

по своѥи воли старѣишю себе.

Тъгда [же] даша посадничьство Дъ

митрѹ Якѹничю. и посла кнѧ

зь Мьстиславъ Дмитра Якѹнї

цѧ на Лѹкы съ новгородьци го

рода ставитъ а самъ иде на Тъ

ржькъ блюстъ волости исъ Тъ

рожкѹ иде въ Торопьчь ис Торо

пцѧ иде на Лѹкы и сънѧсѧ съ новгородьци. а лѹчѧномъ да

Folio 77

кнѧзѧ Володимира Пльсковьска[го].

То[го] же лѣ[та] волею Б[о]жиею съвь

рши ц[е]рк[о]вь камѧнѹ Вѧчеславъ

Прокшиниць вънѹкъ Малыше

въ с[вѧ]тых 40. а даи Б[ог]ъ ѥмѹ въ

сп[а]сениѥ м[о]л[и]тв[а]ми с[вѧ]т[ы]хъ 40.

То[мь] же лѣ[тѣ] бесъ кнѧзѧ и без новъ

городьць Новѣгородѣ бы[сть] пожаръ

великъ. загорѣсѧ на Радѧтинѣ ѹ

лици и съгорѣ дворовъ 4000 и 300 а

ц[е]рквии 15. То[го] же лѣ[та] на зимѹ

м[ѣсѧ]цѧ генв[а]рѧ въ 22 на с[вѧ]то[го] Кли

мента и злодѣи испьрва не хо

тѧ добра зависть въложи людь

мъ на архѥп[иско]па Митрофана съ

кнѧзьмь Мьстиславомь и не да

ша ѥмѹ правитисѧ и ведоша и

въ Торопьць. онъ же то прия съ ра

достию яко Іѡ[анн] Зла[то]ѹстьць и

Folio 77’

Григории Акраганьскыи тѹю же

исьприя печѧль славѧ Б[ог]а. Тъгда [же]

бѧше пришьлъ прѣ[же] изгнания Ми

трофанѧ архѥп[иско]па Добрына Я

дрѣиковиць изъ Ц[ѣса]рѧгра[да] и приве

зѣ съ собою гробъ Г[осподе]нь а самъ пострї

жесѧ на Хѹтинѣ ѹ с[вѧ]то[го] Сп[а]са и во

лею Б[о]жиею възлюби и кн[ѧ]зь Мьстї

слав и вси новгородьци и послаша

и въ Рѹсь ставитъсѧ. и приде поста

вленъ архѥп[иско]пъ Антонии и створї

полатѹ Митрофаню ц[е]рк[о]вь въ имѧ

с[вѧ]т[о]го Антония.

Въ лѣ[то] 6720 (1212) ходи Мьстислав

на Чю[дь] рекомѹю Търмѹ съ но

вгородьци и много полониша ско

та бещисла приведоша. Потом же

на зимѹ иде кн[ѧ]зь Мьстиславъ съ

новгородьци иде на чюдьскыи го

Folio 78

родъ рекомыи Медвѣжю головѹ

села ихъ потрати. и придоша подъ

городъ и поклонишасѧ Чюдь кн[ѧ]зю

и дань на нихъ възѧ и придоша вси

сдрави.

Въ лѣ[то] 6721 (1213) въ Петрово гове

ниѥ изъѥхаша Литва безбожна

я Пльсковъ и пожгоша пльсковицї

бо бѧхѹ въ то вре[мѧ] изгнали кн[ѧ]зѧ Во

лодимира ѿ себе а пльсковици бѧ

хѹ на озѣрѣ и много створиша зла

и ѿидоша.

Въ лѣ[то] 6722 (1214) м[ѣсѧ]цѧ феврарѧ

въ 1 нед[ѣлю] сыропѹ[ст]нѹю гро

мъ бы[сть] по заȣ[тре]нии и вси слышаша.

и потом къгда [же] змьи видѣша лѣтѧ

щь. Том же дне иде кн[ѧ]зь Мьстислав

съ новгородьци на Чюдь на Ѥреву

сквозе землю Чюдскѹю къ морю.

Folio 78’

села ихъ потрати и осѣкы ихъ възь

ма. и ста съ новгородци подъ городо

мъ Воробииномь и Чю[дь] поклониша

сѧ ѥмѹ. и Мьстиславъ же кн[ѧ]зь въ

зѧ на нихъ дань. и да новгородьце

мъ двѣ чѧсти дани а третьюю чѧ

сть дворѧномъ. бѧше же тѹ и пль

сковьскыи кн[ѧ]зь Всѣволодъ Бори

совиць съ пльсковици и торопьць

скыи кн[ѧ]зь Д[а]в[и]дъ Володимирь брат.

и придоша сдрави вси съ множь

ствомь полона. Въ то [же] лѣ[то] изгони

Всеволодъ Чьрмьныи с[ы]нъ С[вѧ]тосла

вль правнукъ Олговъ внѹкы Ро

стиславле из Рѹси та[ко] река. бра[та]

моя ѥсте 2 кнѧзѧ повесили вы

въ Галици яко злодѣя и поло

жили ѥсте ѹкоръ на всѣхъ. и нѣ

тѹ вамъ чѧсти въ Рѹ[сь]скои землї.

Folio 79

То[го] же лѣ[та] прислаша внѹци Ростисла

вли въ Новъгородъ къ Мьстиславу

Мьстиславицю. се не творить на

мъ Всеволодъ С[вѧ]тославиць частї

въ Рѹсьскои земли а поиди поище

мъ своѥи о[т]цины. Мьстислав же

съзва вѣче на Ярослали дворѣ

и почѧ звати новгородьче Кыѥ

вѹ на Всѣволода Чьрмьнаго. ре

коша ѥмѹ новгородьци. ка[мо] кнѧ

же очима позриши ты та[мо] мы

главами своими вьржемъ. и пои

де кн[ѧ]зь Мьстислав съ новгородцї

къ Кыѥвѹ м[ѣсѧ]цѧ июнѧ на с[вѧ]то[го]

Феодора. и доидоша Смольньска

и бы[сть] распрѧ новгородьцемъ съ

смолнѧны. и ѹбиша новгоро

дци смолнѧнина а по кн[ѧ]зи не по

идоша. кн[ѧ]зь же Мьстиславъ въ

вѣче поча звати. они же не по

Folio 79’

идоша. кнѧзь же чѣловавъ всѣ

хъ поклонивъсѧ поиде. новго

родьци же створивъше вѣче о со

бе почаша гадати. и ре[че] Твьрдї

славъ посадникъ. яко бра[ти]ѥ

страдали дѣди наши и о[т]чи за

Рѹсьскѹю землю тако бра[ть]ѥ

и мы поидимъ по своѥмь кн[ѧ]зи.

и та[ко] поидоша и[с] Смольньска и по

стигъше кн[ѧ]зѧ. и начаша воѥ

вати по Днѣпрю городѣ черниго

вьскѣѥ. и възѧша Рѣчицѣ на щї

тъ. и иныѥ городѣ мнозѣ чь

рниговьскыя. и придоша подъ

Вышегородъ и начаша сѧ бити

и одолѣ Мьстиславъ съ бра[ть]ѥю

и съ новгородьци и яша 2 кнѧ

зѧ Ростисла[ва] Ярославицѧ и Ѧ

ропълка бра[та] ѥго вънѹка Олгова.

а вышегородци поклонишасѧ

Folio 80

отвориша врата а Всеволодъ ис Кы

ѥва выбежа за Дънепрь. и въиде

Мьстислав съ бра[ть]ѥю и съ новгородь

ци въ Кыѥвъ. и поклонишасѧ кы

яне. и посадиша Кыѥвѣ Мьсти

слава Романовицѧ вънѹкъ Ро

стиславль. идоша ис Кыѥва къ

Чьрниговѹ и стоявъше 12 дні

възѧша миръ и въземъше дары

придоша Новѹгородѹ вси сдравї.

Въ лѣ[то] 6723 (1215) поиде кн[ѧ]зь

Мьстиславъ по своѥи воли Кы

ѥвѹ и створи вѣцѣ на Яросла

вли дворѣ и ре[че] новгородьцемъ. су

ть ми орѹдия въ Рѹси а вы воль

ни въ кн[ѧ]зѣхъ. То[го] же лѣ[та] новъ

городьци много гадавъше по

слаша по Ярослава по Всеволо

дицѧ по Гюргевъ въ

нѹкъ Гюргѧ Иванъ

Folio 80’

ковицѧ посадника и Якѹна ты

сѧцьскаго и кѹпьць старѣишихъ

10 мѹж. и въиде кн[ѧ]зь Ярославъ въ

Новъгородъ и ѹсрѣте и архѥп[иско]пъ

Антонъ съ новгородьци.

То[го] же лѣ[та] кн[ѧ]зь Ярослав я Якѹ

на Зѹболомицѧ а по Фомѹ по

сла по Доброщиницѧ по новото

рожьскыи посадникъ и окова

въ потоци и на Тьхвѣрь. и по грѣ

хомъ нашимъ обади Федоръ Ла

зѹтиниць и Иворъ Новотържь

чь Якѹна тысѧцьскаго Намнѣ

жицѧ. кн[ѧ]зь же Ярославъ створи

вѣчѣ на Ярослали дворѣ. идо

ша на дворъ Якѹнь и розграби

ша и женѹ ѥго яша. а Якѹнъ

заѹтра иде съ посадникомь

къ кнѧзю и кн[ѧ]зь по

вѣле яти с[ы]на ѥго Хр[ист]о

Folio 81

фора маия въ 21.

Тъгда же на сборъ ѹбиша Прѹсї

Овъстрата и сынъ ѥго Лѹготѹ

и въвьргоша и въ грѣблю мьртвъ.

кн[ѧ]зь же о томь пожали на новго

родцѣ. То[го] же лѣ[та] поиде кн[ѧ]зь

Ярославъ на Тържъкъ поимѧ съ

собою Твьрдисла[ва] Михалковицѧ

Микифора Полюда Сбыслава

Смена Ольксѹ и мно[го] бояръ и

одаривъ присла въ Новъгородъ.

а самъ седе на Търожькѹ.

Тои [же] осени мно[го] зла сѧ створи.

поби мразъ обильѥ по волості

а на Търожкѹ все чело бы[сть]. и за

я кн[ѧ]зь вьршь на Търожкѹ не

пѹ[сти] въ городъ ни воза. и посла

ша по кн[ѧ]зѧ Смена Борисовицѧ

Вѧчеслава Климѧтицѧ Зѹ

бьцѧ Якѹна и тѣхъ прия

Folio 81’

и кого послашь и кн[ѧ]зь прия. а Новѣ

городѣ зло бы[сть] вельми. кадь ржи

кѹплѧхѹть по 10 гр[и]в[е]нъ а овса

по 3 гр[и]внѣ а рѣпѣ возъ по 2 гр[и]вь

нѣ. ядѧхѹ люди сосновѹю кору

и листъ липовъ и мохъ. О горѣ

тъгда бра[ть]ѥ бѧше. дѣти своѥ да

яхѹть одьрень. и поставиша

скѹдельницю и наметаша по

лнѹ. О горѣ бѧше. по търгѹ тру

пиѥ по ѹлицѧмъ трѹпиѥ по

полю трѹпиѥ не можахѹ пси

изѣдати ч[е]л[о]в[ѣ]къ. а Вожане по

мроша а останъке разидесѧ.

и тако по грѣхомъ нашимъ ра

зидесѧ власть наша и градъ

нашь. Новгородьци же останъ

ке живыхъ послаша Гюргѧ И

ванковицѧ посадника и Сте

пана Твьрдиславицѧ ины

Folio 82

мѹжа по кн[ѧ]зѧ и тѣхъ прия. а

въ Новъгородъ приславъ Ивора и

Чапоноса выведе кнѧгыню сво

ю к собе дъчерь Мьстислалю. и по

томь послаша Манѹилѹ Яголь

чевичѧ съ последнею речью. пои

ди въ свою о[т]цинѹ къ с[вѧ]тѣи Софи

и. не идеши ли а повежь ны. Яросла

въ же и тѣхъ не пѹ[сти] а гость новъ

городьскыи всь прия. и бы[сть] Новѣ

городѣ печѧль и въпль. Тъгда [же]

ѹчювъ Мьстислав Мьстиславлї

ць зло то въѥха въ Новъгородъ

м[ѣсѧ]цѧ февра[рѧ] въ 11 д[е]нь и я Хота

Григоревицѧ намѣстьника Яро

слалѧ и всѣ дворѧны искова.

И выѥха на Ярослаль дворъ и цѣ

лова ч[ес]тьныи кр[ес]тъ а новгородь

ци к немѹ яко с нимь въ живо

тъ и въ см[е]рть. любо изищю мѹ[жи]

Folio 82’

новгородьстии и волости пакы ли

а головою повалю за Новъгородъ.

Ярославѹ же бы[сть] весть на Тържь

къ и изгошиша твьрдь а пѹти

ѿ Новагорода все засекоша и рѣ

кѹ Тьхвѣрцю. а въ Новъгородъ въ

сла 100 мѹж новгородьць Мьсти

сла[ва] проваживатъ из Новагорода.

и не яшасѧ по то нъ вси быша оди

нод[ѹ]шно и то 100 мѹж. и посла кн[ѧ]зь

Мьстиславъ съ новгородьци къ

Яросла[вѹ] на Тържькъ по[па] Гюргѧ

с[вѧ]то[го] Іѡ[анна] на Търговищи и свои му

жь пѹ[сти]. с[ы]нѹ кланѧю ти сѧ. мѹж

мои и гость пѹ[сти] а самъ съ Торожь

кѹ поиди а съ мною любъвь въ

зми. Кн[ѧ]зь же Ярослав того не ѹ

любивъ пѹсти попъ без мира.

а новгородце съзва на поле за Тъ

ржькъ въ мѧ[со]пѹ[ст]нѹю с[ѹбот]ѹ вь

Folio 83

си мѹ[жи] и гостьбници измавъ я

всѧ посла исковавъ по своимъ горо

домъ а товары ихъ раздая и ко

не. а бѧше всѣхъ новгородьць

боле 2000. и приде весть въ Новъ

городъ. бѧше же новгородьцевъ

мало. ано тамо измано вѧчьшї

ѥ мѹ[жи] а мьньшеѥ они розидоша

сѧ а иноѥ помьрло голодомъ. кнѧ

зь же Мьстиславъ створи вѣцѣ

на Ярослали дворѣ. и поидемъ ре[че]

поищемъ мѹж своихъ вашеи бра[ть]

и и волости своѥи. да не бѹде

ть Новыи търгъ Новгородомъ

ни Новгородъ Тържькомъ нъ къ

де с[вѧ]тая София тѹ Новгородъ а и

въ мнозѣ Б[ог]ъ и въ малѣ Б[ог]ъ и правд[а].

Въ лѣ[то] 6724 (1216) м[ѣсѧ]цѧ ма

рта въ 1 д[е]нь въ въторник

по ч[ис]тѣи нед[ѣли] поиде кн[ѧ]зь Мьстї

Folio 83’

славъ на зѧть свои н[а] Ярослава съ

новгородци. а въ четвь[рток] побѣго

ша къ Ярославѹ прѣстѹпницї

кр[ес]тѹ. человали бо бѧхѹ х[рест]ъ ч[ес]ть

ныи къ Мьстиславѹ съ всѣми

новгородци ѧко всѣмъ одинакы

мъ быти Володиславъ Завиди

ць Гаврила Игоревиць Гюрги

Ольксиниць Гаврильць Милѧ

тиниць и съ женами и съ дѣть

ми. Мьстиславъ же поиде Сере

геремъ и въниде въ свою волость

и ре[че] новгородьцемъ. идете въ за

жития толико головъ не ѥмлете.

идоша исполнишасѧ кърма и са

ми и кони. и быша вьрхѹ Вълзѣ.

Осѣле С[вѧ]тослав Рьжевкѹ городь

ць Мьстиславль съ пълкы въ 10

тысѧщь. Мьстиславъ же съ Воло

димиромь съ пльсковьскымь

Folio 84

поиде бързѣхъ въ 5 сътъ. толико

бо всехъ вои бѧшеть. и пригони оли по

бегли прочь. а Ярѹнъ бѧше затворї

лъсѧ въ градѣ въ 100 и ѿбисѧ ихъ.

и поиде Мьстиславъ и възѧ Зѹбь

чевъ и быша на Возѹзѣ. и приде

Володимиръ Рюриковиць съ смоль

нѧны идоша по Волзѣ вююче. и

рекоша ѥмѹ. кнѧже поиди къ То

рожкѹ. ре[че] же Мьстиславъ и Воло

димиръ. поидемъ къ Переяслалю.

ѥсть ѹ наю третии дрѹгъ. и не

бы вести кде Ярославъ въ Торо

жкѹ ли въ Тьхвѣри ли. и наѥха

ша на Ярѹна сторожи за Тьхве

рью Ярославли. и пособи Б[ог]ъ Ярѹ

нѹ и многы побиша. а иныхъ

измаша а инии ѹбежаша въ

Тьхвѣрь. и бы вѣсть ѹ тѣхъ

на Ярослава и поидоша по Волзе

Folio 84’

воююче. и пожьгоша Шешю и Дѹ

бнѹ и Къснѧтинь и все Поволожь

ѥ. и ѹстрѣте Ѥремеи ѿ кнѧзѧ

Костѧнтина съ любъвью и съ по

клономъ. поидоша къ Переясла

лю воююце. и быша на Городищи

на рѣцѣ Саррѣ ѹ с[вѧ]тѣи Маринѣ въ

великѹю с[ѹбот]ѹ м[ѣсѧ]цѧ апри[лѧ] въ 9. прї

де кн[ѧ]зь Костѧнтинъ съ ростовь

ци хр[ест]ъ цѣловаша. Ярославъ же

поиде съ Торо

жкѹ поимавъ ста

реишиѥ мѹжи съ собою новгоро

дьстии и молодыхъ изборомъ

а новотържьци вси. и приде Пере

яславлю и скопи волость свою

всю а Гюрги свою Володимири

такоже а С[вѧ]тослав такоже. И вы

иде ис Переяслалѧ съ пълкы

и съ новгородьци и съ новотъ

ржьци. Оле страшно чюдо и

Folio 85

дивно бра[ть]ѥ. Поидоша с[ы]н[о]ве на о[т]цѧ

брат на бра[та] рабъ на г[осподи]на г[осподи]нъ на рабъ.

и ста Ярославъ и Гюрги съ бра[ть]ѥю

не рѣче Хзѣ. Мьстиславъ же и Ко

стѧнтинъ и два Володимира съ

новгородци сташа на рѣцѣ Липи

чи. И ѹзрѣша пълкы стояща

и послаша Лариона сочьскаго къ Гю

ргю. кланѧѥмъ ти сѧ нѣтѹ ны съ

тобою обиды съ Ярославомь ны

обида. пѹ[сти] мѹ[жи] мои новгородьци

и новотържьци и что ѥси зашьлъ

волости нашеи новгородьскои Во

локъ въспѧти. миръ с нами възь

ми а кр[ес]тъ къ намъ цѣлѹи а кръ

ви не проливаиме. ѿвѣташа же.

мира не хочемъ а мѹжи ѹ мене

а далече ѥсте шли и вышли ѥсте

акы рыбы на сѹхо. и сказа Лария

нъ тѹ речь Мьстиславѹ и новго

Folio 85’

родьчемъ. и рекоша новгородци. къ

нѧже не хочемъ измерети на ко

нихъ нъ яко о[т]чи наши билисѧ

на Кѹлачьскѣи пѣши. кн[ѧ]зь же

Мьстиславъ радъ бы[сть] томѹ. новъ

городци же съседавъше съ конь и

порты съметавъше босии сапогы

съметавъше поскочиша а Мьстї

славъ поѥха за ними на конихъ.

и състѹписѧ пълкъ новгородь

скыи съ Ярослалимь пълкомь.

и та[ко] Б[о]жиею силою и помочью с[вѧ]ты

я София одолѣ Мьстиславъ а

Ярославъ вда плеци и пълкъ ѥго.

Гюрги же състоя Костѧнти

нѹ и ѹзрѣ Ярослаль полкъ по

бегъшь Гюрги и тъ вда плече

м[ѣсѧ]цѧ апри[лѧ] въ 21 на с[вѧ]то[го] Тимо[фе]ѧ

и Федора и Альѯанды ц[ѣса]р[и]цѧ. О мъ

ного побѣды бра[ть]ѥ бещисльное

Folio 86

число око не можеть ѹмъ ч[е]л[о]в[ѣ]чь

скъ домыслити избьѥныхъ

а повѧзаныхъ. Ярослав въбегъ

въ Переяслаль повеле въметатї

въ погребъ что ѥсть новгородьць

а иныхъ въ гридницю и тѹ сѧ

издъхоша въ множьствѣ. Мь

стиславъ же и Костѧнтинъ и

два Володимира съ пълкы пои

доша по Гюрги къ Володимирю.

и пришьдъше сташа подъ городо

мъ. и тои ноци загорѣсѧ городъ

и кн[ѧ]жь дворъ. и хотѣша новгоро

дьци полести къ городѹ и не да

имъ кн[ѧ]зь Мьстиславъ. и бы[сть] заȣ

тра высла кн[ѧ]зь Гюрги съ покло

номъ къ кнѧземъ. не деите ме

не дн[ес]ь а заȣтра поидѹ из города.

и иде Гюрги из Володимирѧ въ Ра

диловъ Городьчь. и посадиша

Folio 86’

новгородци Костѧнтина въ Воло

димири на столѣ отни. Костѧ

нтинъ же одари ч[ес]тью кн[ѧ]зи и но

вгородьци бещисла. Мьстислав

же поиде съ новгородьци къ Пере

яславлю. и не идѧ къ городѹ по

има дары. пославъ поя дъцерь

свою женѹ Ярославлю и что

живыхъ новгородьць и что бы

ло съ Ярославомь въ полкѹ. И

придоша въ Новъгородъ съдрави

вси. О великъ ѥ бра[ть]ѥ промыслъ

Б[о]жии. на томь победищи Гюрге

выхъ и Ярослалихъ вои паде бе

щисла а новородьць ѹбиша на

състѹпѣ Дмитра Пльсковитї

на Онтона котелника Иванъ

ка Прибышиницѧ опоньника. а

въ загонѣ Иванка поповицѧ Сь

мьюна Петриловицѧ тьрьска[го]

даньника.

Folio 87

Приде Мьстислав въ Новъгородъ

и радъ бы[сть] вл[а]д[ы]ка и вси новгородь

ци. Тъгда ѿяша посадничь

ство ѹ Гюргѧ ѹ Иванковицѧ

и даша Твьрдиславѹ Ми[ха]лкови[цю].

Въ лѣ[то] 6725 (1217) поиде Мьсти

слав Кыѥвѹ оставивъ Новего

родѣ кнѧгыню и с[ы]на своѥго Ва

силия и поя съ собою Гюргѧ И

ванковицѧ Сбысла[ва] Степаницѧ

Ольѯѹ Пѹтиловицѧ. Тъгда [же]

поиде Володимиръ въ Новъгородъ

своими орѹдии. и воѥваша Ли

тва въ Шелонѣ. новгородци идо

ша по нихъ и не състигоша и

хъ. И поидоша къ Медвѣжи го

лове съ кн[ѧ]з[е]мь Володимиромь

и съ посадникомь Твьрдисла

вомь и сташа подъ городомь.

Чюдь же начаша слати съ покло

номь льстью а по Нѣмьци по

Folio 87’

слаша. и начаша новгородци гада

ти съ пльсковичи о чюдьскои речи

ѿшедъше далече товаръ а сто

рожи ночьнии бѧхѹ пришли а

днѣвнии бѧхѹ не пошли. а неѧ

хаша на товары без вѣсти новъ

городци же побегоша съ вѣчѧ въ

товары и поимавше орѹжие

и выбиша ѥ ис товаръ. и побѣ

гоша Нѣмци къ городѹ и ѹби

ша новгородци два воѥводѣ а тре

тии рѹками яша. а коневъ ѿѧ

ша 700 и придоша сдрави вси.

Кнѧзь же Мьстиславъ приде

въ Новъгородъ без нихъ. и я

Станимира Дьрновицѧ съ с[ы]н[о]мь

Нездилою и оковавъ потоци и

товаръ поима бещисла. и опѧ[ть]

пѹ[ст]и. Тои [же] веснѣ загорѣсѧ м[ѣсѧ]цѧ

маия въ 31 ѿ Ивана ѿ Яры

шевицѧ въ середъ ѹтра печьне

Folio 88

и погорѣ до ѹдьния все полъ не

остасѧ ни хорома. а кто бѧше въбе

глъ въ камѧныя божнице съ то

вары а тѹ изгорѣша и сами съ то

вары. а въ Варѧзьскои божници

изгорѣ товаръ вьсь варѧзьскы

и бещисла. а ц[е]рквии съгорѣ 15 а

ѹ камѧныхъ вьрхы огорѣша и

притворы.

Въ лѣ[то] 6726 (1218) приде кн[ѧ]зь Мь

стиславъ на Тържекъ и я Бо

рислава Некѹришиница и по

имавъ товаръ многъ и пѹ[ст]и.

Тъгда [же] разболѣсѧ кнѧжиць Ва

силии Мьстиславичь на Търо

жкѹ и привезоша и въ Новъгоро

дъ м[е]ртвъ и положиша и ѹ с[вѧ]тѣ

и Софии головахъ ѹ дѣда въ

с[вѧ]тѣи Б[огороди]ци. То[го] же лѣ[та] заложи

архѥп[иско]пъ Антонии ц[е]рк[о]вь камѧ

нѹ с[вѧ]тыя Варвары манастыр.

Folio 88’

Съзва Мьстислав вѣцѣ на Яро

слаль дворъ ре[че]. кланѧюсѧ с[вѧ]тѣи

Софии и гробѹ о[т]цѧ моего и вамъ.

хоцю поискати Галицѧ а васъ

не забѹдѹ. даи Б[ог]ъ леци ѹ о[т]цѧ

ѹ с[вѧ]тѣи Софии. новгородьци же

много молѧхѹ[сѧ]. не ходи кнѧже.

и не можахѹть его ѹяти и покло

нивъсѧ поиде. То[го] же лѣ[та] при

де из Володимира архѥп[иско]пъ Ми

трофан и провадиша и новгоро

дьци къ с[вѧ]тѣи Б[огороди]ци Бл[а]говѣщению.

Поиде Мьстислав въ Рѹсь. новго

родци же послашасѧ Смольньскѹ

по С[вѧ]тосла[ва] по Ростиславицѧ и прї

де в Новъгородъ м[ѣсѧ]цѧ авгѹ[ста] въ 1.

Томь [же] лѣ[тѣ] Глѣбъ кн[ѧ]зь рѧзаньскы

и Володимиричь наѹченъ сы Со

тоною на ѹбииство сдѹмавъ

въ своѥмь оканьнѣмь помыслѣ

имѣя поспешника Костѧнтина

Folio 89

бра[та] своѥго и с нимь диѧвола юже

и прѣльсти помыслъ има въло

жи рѣкшема има яко избьѥве сї

хъ а сама приимѣва власть всю.

а не вѣси оканьнѣ Б[о]жия смотренї

я. даѥть вла[сть] ѥмѹ же хощеть

поставлѧѥть ц[ѣса]рѧ и кн[ѧ]зѧ вышнии.

что прия Каинъ ѿ Б[ог]а ѹбивъ Авелѧ

бра[та] своѥго. не проклѧтьѥ ли и трѧ

сениѥ. или вашь сродникъ окань

ныи С[вѧ]топълкъ. избивъ бра[ть]ю свою

онема вѣньць ц[ѣса]р[с]тва а собе вѣчь

нѹю мѹ[кѹ]. Сь [же] оканьныи Глѣбъ

С[вѧ]топълчю тѹ же мы[сль] приимъ и

съкры ю въ с[е]рдци своемь съ бра[то]мь

своимь. съньмъшемъсѧ всѣмъ

на исадѣхъ на порѧдѣ Изѧслав кю

ръ Михаилъ Ростислав С[вѧ]тослав

Глѣбъ Романъ. Ингворъ же не

приспѣ приѥхати к нимъ. не бе

бо приспело врѣмѧ ѥго. Глѣбъ же

Folio 89’

Володимиць съ бра[то]мь позва я к собе

яко на ч[ес]ть пирения въ свои шатьръ.

они же не вѣдѹще злыя ѥго мы[сли]

и прѣльсти вси 6 кн[ѧ]зь кождо съ

своими бояры и дворѧны придо

ша въ шатьръ ѥю. сь же Глѣбъ прѣ[же]

прихода ихъ изнарѧдивъ своѥ дво

рѧне и бра[т]не и поганыхъ Половьчь

множьство въ орѹжии и съкры

я въ полостьници близъ шатра

въ немь же бе имъ пити не вѣдѹ

щю ихъ никомѹ [же] развѣ тою зло

мысльною кн[ѧ]зю и ихъ проклѧты

хъ дѹмьчь. яко начаша пити и ве

селитисѧ тѹ абиѥ оканьныи про

клѧтыи Глѣбъ съ бра[то]мь изьмъше

мечѧ своя начаста сѣчи прѣже

кн[ѧ]зи. та [же] боѧры и дворѧнъ множь

ство. одинѣхъ кн[ѧ]зь 6 а прочихъ

бояръ и дворѧнъ множьство съ свои

ми дворѧны и съ Половчи. си же

Folio 90

бл[а]гочьстивии кн[ѧ]зи рѧзаньстии

концѧшасѧ м[ѣсѧ]цѧ июлѧ въ 20 на

с[вѧ]то[го] пр[о]р[о]ка Илии и прияша вѣньцѧ

ѿ Г[оспод]а Б[ог]а. и съ своѥю дрѹжиною

акы агньци непорочьни прѣ

даша д[ѹ]ша своя Б[ого]ви. сь же оканьны

и Глѣбъ и Костѧнтинъ брат ѥго. О

нѣмъ ѹготова ц[ѣса]р[с]тво н[е]б[ес]ноѥ. а со

бе мѹкѹ вѣчьнѹю и съ дѹмьци

своими. И бы[сть] на зимѹ побе

же Матеи Дѹшильцевиць съвѧ

завъ Моисѣицѧ бириць ябетни

ць. новгородци же ѹгонивъше и

яша и ведоша и на Городище и

въиде лжа въ городъ выдалъ Твь

рдиславъ кн[ѧ]зю Матѣя и възво

ниша ѹ с[вѧ]то[го] Николы ониполовї

ци цересъ ночь а Неревьскыи ко

ньчь ѹ с[вѧ]т[ых]ъ 40 та[ко]же копѧче

лю[ди] на Твьрдислава. и бы[сть] заѹ

тра пѹ[сти] кн[ѧ]зь Матѣя ѹчювъ

Folio 90’

гълкѹ и мѧтежь въ городѣ. и по

идоша ониполовици и до дѣтии въ

брънѧхъ акы на рать а неревлѧне

тако[же]. а загородьци не въсташа нї

по сихъ ни по сихъ нъ зрѧхѹ пере

зора. Твьрдиславъ же позрѧ на с[вѧ]тѹю

Софию. и ре[че]. даже бѹдѹ виноватъ

да бѹдѹ тѹ м[е]ртвъ. бѹдѹ ли пра

въ а ты мѧ оправи Г[оспод]и. и поиде съ Лю

динемь концемь и съ Прѹ[си]. и бы[сть] се

цѧ ѹ городьныхъ воротъ и побѣго

ша на онъ полъ а дрѹзии въ коньць

и мостъ переметаша и переѥхаша о

ниполовици въ лодьяхъ. и поидоша

силою. О великоѥ бра[ть]ѥ чю[до] съвади

оканьныи дияволъ. къгда бѧше

брани быти на поганыя тъгда

сѧ начѧша бити межи собою. и

ѹбиша мѹж Прѹс а концѧнъ дру

гыи а оныхъполовиць Ивана

Дѹшильцевицѧ брат Ма[те]ѥвъ. а въ

Folio 91

Неревьскемъ конци Къснѧти

на Прокопииницѧ иныхъ 6

мѹж а раненыхъ много обо

ихъ бы[сть] же се м[ѣсѧ]цѧ генварѧ въ

27 на с[вѧ]т[о]го Іѡ[анна] Зла[тоѹста] и тако бы

ша вѣча по всю нед[ѣлю]. нъ Б[ого]мъ диѧ

волъ попранъ бы[сть] и с[вѧ]тою Софиѥ

ю кр[ес]тъ възвеличѧнъ бы[сть] и съидо

шасѧ бра[ть]я въкѹпѣ однод[ѹ]шно и

кр[ес]тъ цѣловаша. кн[ѧ]зь же С[вѧ]тослав

присла свои тысѧцьскыи на вѣ

че ре[че]. не могѹ быти съ Твьрди

славомъ и ѿимаю ѿ него посадь

ницьство. рекоша же новгородь

ци. ѥ ли вина ѥго. онъ же ре[че]. безъ

вины. ре[че] Твьрдислав. томѹ ѥсмъ

радъ оже вины моѥи нѣтѹ. а

вы бра[ть]ѥ въ посадничьствѣ и въ

кн[ѧ]зѣхъ. новгородци же ѿвѣща

ша. кнѧ[же] оже нѣтѹ вины ѥго

ты к намъ кр[ес]тъ цѣловалъ бе

Folio 91’

з вины мѹ[жа] не лишити. а тобе сѧ кланѧ

ѥмъ а се нашь посадник а в то сѧ не

вдадимъ. и бы[сть] миръ.

Въ лѣ[то] 6727 (1219) присла великы

и кн[ѧ]зь Мьстислав Романовиць и

с Кыѥва с[ы]нъ свои Всѣводъъ ре[че]. при

имете собе кн[ѧ]зѧ Всеволода а С[вѧ]то

сла[ва] стареишаго пѹ[сти]те къ мнѣ. но

вгородьци же волю ѥго створиша.

Поиде тоя зимы Сьмьюнъ Ѥмї

нъ въ 4хъ стѣхъ на Тоимока

ры и не пѹ[сти] ихъ Гюрги ни Ярослав

сквозѣ свою землю. и придоша Но

вѹгородѹ въ лодьяхъ и ста по по

лю шатры на зло. и замыслиша

Твьрдислав и Якѹнъ тысѧчьскы

и засли къ Гюргю не пѹ[сти]ти ихъ

тѹда и възвадиша городъ.

Тъгда ѿяша посадничьство ѹ Твь

рдисла[ва] и даша Сменѹ Борисови

цю а тысѧцьскоѥ ѹ Якѹна и да

Folio 92

ша Семьюнѹ Ѥминѹ. Тъгда же

концѧша ц[е]рк[о]вь камѧнѹ с[вѧ]тыя Ва

рвары. Того [же] лѣ[та] заложиста Твь

рдиславъ съ Федоромь ц[е]рк[о]вь камѧ

нѹ с[вѧ]то[го] Михаила а дрѹгѹю с[вѧ]т[ы]хъ

3 отрокъ посторонь малѹ съвѣ

ршиша ю въ 4 дни.

Поиде кн[ѧ]зь Мьстиславъ и Володи

миръ ис Кыѥва къ Галицю на коро

левицѧ и выидоша галицѧне про

тивѹ и Чехове и Лѧхове и Морава и

Ѹгре и състѹпишасѧ полкове. и по

соби Б[ог]ъ Мьстиславѹ и въ городъ

Галиць въѥха а королевицѧ рѹка

ма яша и съ женою и взѧ миръ съ

королемь а с[ы]нъ ѥго пѹ[сти] а самъ сѣ

дѣ въ Галици а Володимиръ Рюри

ковиць Кыѥвѣ. То[мь] же лѣ[тѣ] иде

кн[ѧ]зь Всеволодъ съ новгородьци къ

Пертѹѥвѹ и ѹстретоша стороже

Нѣмьци Литва Либь и бишасѧ

Folio 92’

и пособи Б[ог]ъ новгородьцемъ идоша

подъ городъ и стояша 2 нед[ѣли] не взѧ

ша города и придоша сторови. Того [же]

лѣ[та] иде Антонъ архѥп[иско]пъ новгоро

дьскыи на Тържькъ. новгородьцї

же въведоша архѥп[иско]па Митрофана

въ дворъ опѧть на столъ а къ Онто

нию послаша. поиди кде ти любо.

Антонии же поиде въ Новгородъ

и с[вѧ]то[го] Сп[а]са въ Нередицѧхъ. кн[ѧ]зь и

новгородьци рекоша Митрофа

нѹ и Онтонѹ. идита къ митропо

литѹ да кого намъ прислеть то

нашь вл[а]д[ы]ка. и пѹ[сти]ша с нима ць

рньцѧ Васияна попа а дрѹгого

по[па] Бориса. Пришьдъше же ѿ Пь

ртѹѥва вдаша посадничьство

Твьрдисла[вѹ] а Якѹнѹ тысѧчь

скоѥ опѧть.

Въ лѣ[то] 6728 (1220) приде архиѥ

п[иско]пъ Митрофанъ оправивъсѧ

Folio 93

Б[ого]мь и с[вѧ]тою Софиѥю въ Новгородъ

марта въ 17. а Антония митро

политъ ѹ себе въ ч[ес]ти въда ѥмѹ

ѥп[иско]пью въ Перемышли. То[го] же лѣ[та]

иде кн[ѧ]зь Всѣволодъ въ Смолньскъ

своимь орѹдиѥмь. Тои [же] зимѣ

приде кн[ѧ]зь Всеволодъ и[с] Смольнь

ска на Тържькъ. не хотѧ же дьѧ

волъ добра родѹ кр[ес]тьяньскѹ и

злии ч[е]л[о]в[ѣ]чи и вложи кн[ѧ]зю грѣхъ

въ с[е]рдци гнѣвъ до Твьрдислава

а без вины. и приде въ Новъгородъ

и възвади всь городъ хотѧ ѹби

ти Твьрдисла[ва]. а Твьрдислав бѧше

больнъ. и поиде кн[ѧ]зь Всеволодъ съ

Городища съ всѣмъ дворомъ свои

мъ и скрѹтѧсѧ въ бръне акы на

рать и приѥха на Ярослаль дворъ.

новгородци к немѹ въ орѹжии

и сташа пълкомъ на кнѧжи дво

рѣ. Твьрдислав же бѧше немоцьнъ

Folio 93’

и вывезоша и на санкахъ къ Бори

сѹ Глѣбѹ и скопишасѧ о немь Прѹ[си]

и Людинь коньць и загородци и

сташа около ѥго пълкомъ и ѹрѧ

дивъше на 5 пълковъ. кн[ѧ]зь же ȣ

зрѣвъ рѧдъ ихъ оже хотѧть крѣпъ

ко животъ свои ѿдати и не поѥха

нъ присла вл[а]д[ы]кѹ Митрофана съ

всѣми добрыми повѣстьми. и съ

вѣде и вл[а]д[ы]ка въ любъвь и кр[ес]тъ цѣ

лова и кн[ѧ]зь и Твьрдислав. Б[ого]мь и

с[вѧ]тою Софиѥю кр[ес]тъ възвеличѧнъ

бы[сть] а дьяволъ попранъ. а бра[ть]я всѧ

въкѹпѣ быша. Твьрдиславъ же съ

шьдъсѧ съ кн[ѧ]зьмь въ любъвь и ли

шисѧ посадницьства немочьнъ бо

бѣ. И даша посадничьство Иванъ

кѹ Дмитровицю. въ тои же немо

чи пребы 7 нед[ѣль] и прия и больши

немочь. и ѹтаивъсѧ женѣ и дѣ

тии и всѣи бра[ть]и иде къ с[вѧ]тѣи Б[огороди]ці

Folio 94

въ Аркажь манастырь и постри

жесѧ феврарѧ въ 8 д[е]нь. Тъгда

жена въ дрѹзѣмь манасты

ри пострижесѧ ѹ с[вѧ]тѣи Варвары.

Въ лѣ[то] 6729 (1221) показаша

пѹть новгородци кн[ѧ]зю Всѣволо

дѹ. не хочемъ тебе. поиди камо

хочеши. иде къ о[т]ц[е]ви въ Рѹсь.

Въ лѣ[то] 6730 (1222) послаша вла

дыкѹ Митрофана и посадни[ка]

Иванка и старѣишии мѹ[жи] Воло

димирю къ Гюргю къ Всѣволоди

цю по с[ы]нъ и вда имъ Всеволода на

всѣи воли новгородьстѣи.

Приде кн[ѧ]зь Всѣволодъ в Новъго

родъ и вл[а]д[ы]ка и вси мѹ[жи] одарени

бещисла. и ради быша новгородь

ци и бы[сть] миръ.

То[го] же лѣ[та] Гюрги кн[ѧ]зь присла

бра[та] своѥго С[вѧ]тосла[ва] новгородь

чемъ въ помощь. Идоша новгоро

Folio 94’

дьци съ С[вѧ]тосла[во]мь къ Кеси и придо

ша Литва въ помочь же и много во

ѥваша нъ города не възѧша. На

тѹ же зимѹ кн[ѧ]зь Всѣволодъ побе

же въ ноць ѹтаивъсѧ из Новагорода

съ всемь дворомь своимь. новгоро

дьци же печѧльни быша о томь. То

гда же новгородци послаша мѹ[жи] ста

реишии къ Гюргю. оже ти не ѹгодь

но дьржати Новагорода с[ы]н[о]мь а въ

да ны брат. и дасть имъ бра[та] своѥго

Яросла[ва].

Въ лѣ[то] 6731 (1223) приде кн[ѧ]зь Я

рослав в Новъгородъ и ради быша

новгородци. воѥваша Литва около

Торопцѧ. и гонисѧ по нихъ Ярослав

с новгородци до Въс[вѧ]та не ѹгони

ихъ. Въ [то] же лѣ[то] прѣстависѧ архї

ѥп[иско]пъ новгородьскыи Митрофа

нъ м[ѣсѧ]цѧ июлѧ въ 3 на с[вѧ]т[о]го Ѹа

кинфа поне[дѣльни]кѹ свитающю

Folio 95

и положенъ бы[сть] въ с[вѧ]тѣи Софии въ

притворе. а даи Б[ог]ъ ѥго с[вѧ]тȣю мо

литвою кн[ѧ]зю и всемъ новгоро

дцемъ. Томь же дни въведоша

въ дворъ Арсению цьрньцѧ съ Ху

тина мѹ[жа] добра и зѣло бояща

сѧ Б[ог]а. Приде кн[ѧ]зь Ярославъ ѿ

бра[та] и иде съ всею областию къ

Колываню и повоѥва всю землю

Чюдьскѹю. а полона приведе бе

щисла нъ города не взѧша зла[та]

мно[го] възѧшѧ и придоша вси съ

драви. Поиде кн[ѧ]зь Ярослав съ кнѧ

гынею и съ дѣтми Переяслалю.

новгородци же кланѧху

тсѧ ѥмѹ. не ходи кн[ѧ]же. онъ же

поиде по своѥи воли. новгородь

ци же послаша къ Гюргю

по с[ы]нъ и дасть имъ опѧ[ть] с[ы]нъ

свои Всеволодъ.

Въ лѣ[то] 6732 (1224) приде кн[ѧ]зь

Folio 95’

Всеволодъ Гюргевиць въ Новъгород.

То[го] же лѣ[та] ѹбиша кн[ѧ]зѧ Вѧчка

Немьци въ Гюргевѣ а городъ взѧ

ша. Въ то [же] лѣ[то] по грѣхомъ наши

мъ не тѹ [сѧ] зло створи. выѥха Фе

доръ посадник съ рѹшаны и би

сѧ съ Литвою и съгониша рѹша

нъ съ конь и много коневъ ѿяша

и ѹбиша Домажира Търлини

цѧ и сънъ ѥго а рѹшанъ Богъ

шю а иныхъ много а дрѹгы

хъ по лѣсѹ розгониша.

То[мь] же лѣ[тѣ] по грѣхомъ нашимъ

придоша языци незнаѥмї

их же добрѣ никто же не вѣ

сть кто сѹть и ѿколе изидоша

и что языкъ ихъ и котораго пле

мене сѹть и что вѣра ихъ. а зо

вѹть я Татары а инии г[лаго]л[ю]ть

Таѹрмены а дрѹзии Печенѣ

зи. инии же г[лаго]л[ю]ть яко се сѹть

Folio 96

о них же Мефодии Патомьскы

и еп[иско]пъ съвѣдѣтельствѹѥть

яко си сѹть ишли ис пѹстынѧ

Ѥтриѥвьскыя сѹще межи въ

стокомь и сѣверомъ. тако бо Ме

фодии г[лаго]л[е]ть яко с кончанию врѣ

менъ явити[сѧ] тѣмъ яже загна

Гедеонъ и поплѣнѧть всю земь

лю ѿ въстокъ до Ѥфраита и ѿ Ти

гръ до Поньскаго морѧ кромѣ Е

фиопия. Б[ог]ъ ѥдинъ вѣсть кто

сѹть и ѿколѣ изидоша. прѣмȣ

дрии мѹ[жи] вѣдѧть я добрѣ кто

книгы разѹмѣѥть. мы же ихъ

не вѣмы кто сѹть. нъ сде въписа

хомъ о нихъ памѧти ради рѹскы

хъ кн[ѧ]зь. и бѣды яже бы[сть] ѿ нихъ

имъ. слышахомъ бо яко многы

страны поплѣниша Ясы Ѡбезы

Касогы и Половьчь безбожьны

хъ множьство избиша. а инѣхъ

Folio 96’

загнаша. и та[ко] измроша ѹбиваѥ

ми гнѣвомь Б[о]жиѥмь и Пр[е]ч[ис]тыя

ѥго М[а]т[е]ре. много бо зла створиша

ти оканьнии Половчи Рѹсьскои

земли того ради всем[и]л[ос]тивыи

Б[ог]ъ хотѧ погѹбити безбожныя

с[ы]ны Измаиловы Кѹманы яко

да ѿмьстѧть кръвь кр[ес]тьяньску

ѥже и бы[сть] над ними безаконьны

ми. придоша бо ти Таѹрмени

всю странѹ Кѹманьскѹ и прї

доша близъ Рѹси идеже зоветь

сѧ валъ Половьчьскы. и прибего

ша оканьнии Половчи избьѥны

хъ избытъкъ Котѧнь с ынѣми

кнѧзи а Данилъ Кобѧковиць и Гю

рги ѹбьѥна бы[ста] с нимь множьство

Половьчь. съ же Котѧнь бѣ тьсть

Мьстиславѹ Галицьскомѹ. и прї

де съ поклономь съ кнѧзи Половь

цьскыми къ зѧти въ Галичь къ

Folio 97

Мьстиславѹ и къ всемъ кн[ѧ]земъ

рѹсьскымъ и дары принесе многы

кони и вельблѹды и бѹволы и

дѣвкы и одариша кнѧзь рѹсьскы

хъ а рекѹче тако. нашю землю дн[ес]ь

ѿяли а ваша заѹтро възѧта бу

деть. и възмолисѧ Котѧнь зѧти

своѥмѹ. Мьстислав же поцѧ моли

тисѧ кнѧземъ рѹсьскымъ бра[ть]и

своѥи рекѧ тако. оже мы бра[ть]ѥ симъ

не поможемъ тъ си имѹть прида

тисѧ к нимъ. тъ онѣмъ больши бу

деть сила. и та[ко] дѹмавъше много

о собе. яшасѧ по пѹть и поклона дѣ

лѧ и молбы кн[ѧ]зь половьчьскыхъ.

и начаша воѥ пристраивати кожь

до свою власть. И поидоша съвъкѹ

пивъше землю всю Рѹ[сь]скѹю проти

вѹ Татаромъ и быша на Днѣпрѣ

на Зарѹбе. тъгда же ѹвѣдавъше

Татари оже идѹть рѹ[сь]стии кн[ѧ]зи

Folio 97’

противѹ имъ и прислаша послы къ

рѹ[сь]скымъ кн[ѧ]земъ. се слышимъ

оже идете противѹ насъ послѹ

шавше Половьць. а мы вашеи землї

не заяхомъ ни городъ вашихъ

ни селъ вашихъ ни на васъ придо

хомъ ни придохомъ Б[ого]мь пѹще

ни на холопы и на конюси своѥ

на поганыя Половче. а вы възмї

те с нами миръ. аже выбежать

къ вамъ а биите ихъ ѿтолѣ. а

товары ѥмлите к собе. занеже

слышахомъ яко и вамъ много

зла створиша. того же дѣлѧ и мы

биѥмъ. То[го] же рѹ[сь]стии кн[ѧ]зи не

послѹшаша нъ послы избиша

а сами поидоша противѹ имъ. и

не дошьдъше Ольшья и сташа на

Днѣпрѣ. и прислаша к нимъ второ

ѥ послы Татари рекѹще тако.

а ѥсте послѹшали Половьчь а по

Folio 98

слы наша ѥсте избили а идете

противѹ нас. тъ вы поидите а

мы васъ не заяли. да всѣмъ Б[ог]ъ.

и ѿпѹ[сти]ша прочь послы ихъ. тъгъ

да же Мьстислав перебродѧсѧ

Днѣпрь прѣиде въ 1000 вои на сто

рожи татарьскыя и побѣди я

а прокъ ихъ въбѣже съ воѥводою

своимь Гемѧбѣгомь въ кѹрга

нъ Половьчьскыи и тѹ имъ не бы

мочи. и погрѣбоша воѥводѹ свое

го Гемѧбега жива въ земли

хотѧще животъ ѥго ѹблюсти. и

тѹ и налезоша испросивъше Поло

вьци ѹ Мьстисла[ва] и ѹбиша и. слы

шавъше же то кн[ѧ]зи рѹ[сь]стии пои

доша за Днѣпрь и поидоша вси въ

кѹпѣ по нихъ же идоша 9 дниї

и заидоша за Калакъ рѣкѹ и по

слаша въ сторожихъ Ярѹна съ По

ловьци а сами станомь сташа ту.

Folio 98’

тъгда же Ярѹнъ състѹписѧ с ни

ми хотѧ битисѧ и побегоша не ѹ

спѣвъше ничтоже Половци наза

дъ и потъпташа бежаще станы

рѹ[сь]скыхъ кн[ѧ]зь не ѹспѣша бо и

сполчитисѧ противѹ имъ. и съ

мѧтошасѧ всѧ и бы[сть] сѣцѧ зла и

люта. Мьстиславъ же Кыѥвьскы

и кн[ѧ]зь видѧ се зло не

движесѧ съ

мѣста никаможе. сталъ бо бѣ

на горѣ надъ рѣкою надъ Калко

мь бѣ бо мѣсто то камѧнисто и

тѹ ѹгоши городъ около себе въ

колѣхъ. и бисѧ с ними из горо

да того по 3 дни. ини же Тата

ри поидоша по рѹ[сь]скыхъ кн[ѧ]зи

хъ бьюче до Днѣпрѧ. а ѹ города

то[го] оста 2 воѥводѣ Цьгырка

нъ и Тешюканъ на Мьстисла[ва]

и на зѧти его на Андрѣя и на О

льксандра Дѹбровьцьскаго. бе

Folio 99

ста бо 2 кн[ѧ]зѧ съ Мьстиславом.

тѹ [же] и бродници съ Татары быша

и воѥвода Плоскына. и тъ окань

выи воѥвода цѣловавъ кр[ес]тъ ч[ест]ь

ныи къ Мьстисла[вѹ] и къ обѣма

кн[ѧ]зема око ихъ не избити нъ

пѹ[сти]ти ихъ на искѹпъ. и сълга о

каньныи. прѣда ихъ извѧзавъ

Татаромъ. а городъ възѧшь и лю

ди исѣкоша. и тѹ костью падо

ша. а кн[ѧ]зи имъше издавиша

подъкладъше подъ дъскы. а са

ми вѣрхѹ сѣдоша обѣдати и

та[ко] животъ ихъ концѧша. а ины

хъ кн[ѧ]зь до Днѣпрѣ гонѧче ѹ

биша 6 С[вѧ]тосла[ва] Яневьскаго

Изѧсла[ва] Ингворовицѧ С[вѧ]тосла[ва]

Шюмьскаго Мьстисла[ва] Церниго

вьскаго съ с[ы]н[о]мь Гюргѧ Невѣ

жьскаго. тъгда же Мьстислав Мьстислалиць переже перебе

Folio 99’

гъ Днѣпрь ѿрѣя ѿ берега лодь

ѥ да не идѹть Татари по нихъ

а самъ ѡдва ѹбежа. а прочии

вои десѧтыи приде кождо въ

свояси. а иныхъ Половци побї

ша ис конѧ а иного ис порта. и

тако за грѣхы наша Б[ог]ъ въложї

недоѹмениѥ въ нас и погыбе

мно[го] бещисла людии. и бы[сть] въ

пль и плачь и печѧль по городо

мъ и по селомъ. си же злоба съ

творисѧ м[ѣсѧ]цѧ маия въ 31 на

с[вѧ]то[го] Ерѣмья. Татари же възвра

тишасѧ ѿ рѣкы Днѣпрѧ. и не

съвѣдаемъ ѿкѹдѹ сѹть при

шли и кдѣ сѧ дѣша опѧть. Б[ог]ъ

вѣсть ѿколе приде на нас за

грѣхы наша. Въ то [же] лѣ[то] съве

ршиша ц[е]рк[о]вь камѧнѹ с[вѧ]т[о]го

Михаила Твьрдислав и Фе

одоръ. Томь [же] лѣ[тѣ] бы[сть] громъ

Folio 100

страшьнъ маия въ 20 на с[вѧ]то[го]

Фаллѣѧ съгорѣ ц[е]ркы с[вѧ]тыя Тр[ои]цѧ

а 2 ч[е]л[о]в[ѣ]ка м[е]ртва быста.

Въ то [же] лѣ[то] създа Борисовичь Сме

нъ ц[е]рк[о]вь камѧнѹ с[вѧ]то[го] Павла

и с[вѧ]т[о]г[о] Смена Б[ог]оприимьцѧ и

с[вѧ]тѹю Костѧнтина и Ѥлены

и с[вѧ]тиша ноябрѧ въ 6 на Па

вловъ д[е]нь. Того [же] лѣ[та] с[вѧ]т[и]ша

ц[е]рк[о]вь с[вѧ]т[о]г[о] Михаила на праз[дьник]. Въ то [же] лѣ[то] поиде к[нѧ]зь Всеволо

дъ дрѹгоѥ из Новагорода

в ноць ѹтаивъсѧ съ всѣмъ дво

ромь своимь. и приѥхавъ сѣ

де на Тържькѹ. и приѥха къ

немѹ о[те]чь Гюрги съ пълкы и

брат ѥго Ярославъ и Василко Ко

стѧнтиновиць съ ростовци

Михаилъ съ церниговьци. И

послаша новгородци къ Гюрь

гю на Тържькъ 2 мѹ[жа]. кн[ѧ]же пѹ[сти]

Folio 100’

к намъ дѣтѧ а самъ поиди съ

Тържькѹ. Гюрги ре[че] посломъ. вы

даите ми Якима Иванковицѧ

Микифора Тѹдоровицѧ Иванка

Тимошкиницѧ Сдилѹ Савинї

ц Вѧчка Иваца Радка. не вы

дадите ли а я поилъ ѥсмь коне

Тьхвѣрью а ѥще Волховомь на

пою. Новгородци же скопиша всю

волость а около города острогъ

доспеша а къ Гюргю посла[ша] Полю

да Вѧчеслава Прокшиницѧ И

ванка Ярышевицѧ. кнѧже кла

нѧѥмъ ти сѧ а бра[ть]и своѥи не вы

даваѥмъ а кръви не проливаи.

пакы ли твои мець а наше голо[вы].

новгородци же по пѹтьмъ сторо

жи поставиша а твьрди издѣ

лаша хотѣша ѹмрети за с[вѧ]ту

ю Софию о посадницѣ о Иванцѣ

о Дмитровици. кн[ѧ]зь же Гюрги съ

Folio 101

нашими мѹжи мѹжь свои

присла Романа тысѧчьского

и Михаиловъ. поимите ѹ мене

с[ы]нъ мои шюринъ Михаила. новъ

городци же послаша мѹжь свои

по Михаила а Гюрги съ кн[ѧ]зи по

иде съ Тържькѹ много имъ па

костивъ възѧ ѹ нихъ 7000 новую.

Въ лѣ[то] 6733 (1225) приде кнѧ

зь Михаилъ в Новъгородъ с[ы]нъ

Всеволожь внѹкъ Олговъ. и бы[сть]

льгъко по волости Новѹгороду.

И то[го] лѣ[та] иде кн[ѧ]зь Михаилъ къ Гю

ргю поимѧ съ собою мѹжи но

вгородьскыя правитъ товаро

въ что поималъ на Тържькѹ

и по своѥи волости. Того же лѣ[та]

приде кн[ѧ]зь Михаилъ исправивъ

товары ѹ Гюргѧ и ста на Яросла

ли дворѣ и ре[че] новгородьчемъ.

не хочю ѹ васъ кнѧжити идѹ

Folio 101’

Цьрниговѹ. гость къ мнѣ пѹскаи

те а яко землѧ ваша тако землѧ

моя. новгородци же много ѹима

ша и молѧчесѧ и не могоша ѥго

ѹмолити и та[ко] проводиша и съ ць

стью. Новгородци же послаша къ

Ярославѹ Переяславлю. Приде

архѥп[иско]пъ Антонии ис Перемы

шлѧ въ Новгородъ и сѣде на своѥ

мь столѣ и ради быша новгоро

дьци своѥмѹ вл[а]д[ы]цѣ. Тои же

зимѣ придоша Литва. повоѥва

ша около Търожкѹ бещисла и не

доганѧша Тържѹ за 3 вьрсты

беше бо ихъ 7000 и гость биша

многъ и Торопьцьскѹю волость

всю поимаша. кн[ѧ]зь же Ярославъ

и Володимиръ съ с[ы]н[о]мъ и с новотъ

ржьци кнѧжь дворъ новгородце

въ мало торопцѧне съ кн[ѧ]зьмь

своимь Д[а]в[и]д[о]мь поидоша по нихъ

Folio 102

а новгородци послаша. они же до

шедъше Рѹ[си] въспѧтишасѧ. кн[ѧ]зь

же Ярославъ съгони ѥ на Въс[вѧ]тѣ

и наворопи на не. и та[ко] Б[о]жиѥю

помочью и с[вѧ]тыя София ѿима

ша всь полонъ а самѣхъ избиша

2000 а прокъ ихъ разбегошасѧ.

тѹ же ѹбиша кн[ѧ]зѧ торопьчьска

го Д[а]в[и]да и Василѧ меченошю Яро

славлѧ.

Въ лѣ[то] 6734 (1226) приде кн[ѧ]зь

Ярослав в Новъгородъ и не поло

жи того въ гнѣвъ оже не пошь

ли по немь. тъгда поставиша

ц[е]рк[о]вь с[вѧ]т[о]го Р[о]ж[дес]тва Х[ристо]ва.

Въ то же лѣ[то] прѣстависѧ игѹ

менъ с[вѧ]то[го] Георгия Саватия

архимандритъ новгородьскы

и апри[лѧ] въ 16 д[е]нь въ великы

и четвь[рток]. прѣ[же] своѥго прѣставле

ния Саватии съзва вл[а]д[ы]кѹ А

Folio 102’

нтония и посадника Иванка и

всѣ новгородце и запраша брать

ѥ своѥи и всѣхъ новгородьць.

изберете собѣ игѹмена. они

же рекоша. кого ты бл[а]г[осло]виши. онъ

же рече. въвѣдете Грьцина по[па]

с[вѧ]тѹю Костѧнтинѹ и Ѥлены.

и въ[ве]доша мѹ[жа] добра и зѣло боя

щасѧ Б[ог]а Грьцина и постриго

ша и то[го] дни марта въ 2 на с[вѧ]то[го]

Федота. и поставиша и игѹ

меномь марта въ 8 на с[вѧ]т[о]го

Феѳилакта на сборъ. то[го] же лѣ[та]

заложиша ц[е]рк[о]вь с[вѧ]т[о]го Иякова

камѧнѹ въ Неревьскемъ конц[ї].

Въ лѣ[то] 6735 (1227) иде кн[ѧ]зь Ѧ

рославъ съ новгородци на Ѥ

мь и повоѥва всю землю и по

лонъ приведе бещисла. Того [же]

лѣ[та] ижгоша вълхвы 4 творѧху

ть ѥ потворы дѣюще а Б[ог]ъ вѣсть.

Folio 103

и съжгоша ихъ на Ярослали дво

ре. Въ то [же] лѣ[то] исписа ц[е]рк[о]вь с[вѧ]т[ы]х

40 Вѧчеславъ Малышевъ въ

нѹкъ. а и Б[ог]ъ ѥмѹ сп[а]сение.

Въ лѣ[то] 6736 (1228) поиде Анто

нии архѥп[иско]пъ новгородьскы

и на Хѹтино къ с[вѧ]т[о]мѹ Сп[а]сѹ

по своѥи воли. То[го] же лѣ[та] при

доша Ѥмь воѥватъ въ Ладозь

скоѥ озѣро в лодкахъ. и приде

на Сп[а]с[о]въ д[е]нь вѣ[сть] въ Новгородъ.

новгородци же въсѣдавъше въ

насады въгрѣбоша в Ладогѹ

съ кн[ѧ]зьмь Ярославомь. Воло

дислав посадник ладозьскыи съ

ладожаны не ждѧ новгородь

ць гонисѧ в лодияхъ по нихъ

въ слѣдъ кде они воюють и по

стиже я и бисѧ с ними. и бы[сть]

нощь и ѿстѹпиша въ островъ

лець а Ѥмь на брѣзѣ съ полоно

Folio 103’

мъ воѥвали бо бѧхѹ около озера

на исадѣхъ и Олоньсь. тои же но

щи просивъше мира и не да имъ

посадник съ ладожаны. а они и

сѣкше полонъ всь а сами побего

ша на лѣсъ лодкы пометавъ

ше пѣши мно[го] ихъ тѹ паде. а

лодкы ихъ ижгоша. новгородь

ци же стоявъше въ Неве неколї

ко днии створиша вѣче и хотѣ

ша ѹбити Сѹдимира и съкры

и кн[ѧ]зь въ насаде ѹ себе. ѿтоле

въспѧтишасѧ въ Новъгородъ

ни ладожанъ ждавъше. послѣ

дь же оставъшесѧ Ижерѧне о

ставъшесѧ ѹстрѣтоша ихъ бе

гающе и тѹ ихъ избиша мно[го]

а прокъ ихъ разбежесѧ кѹды

кто видѧ. нъ тѣхъ Корѣла кде

обидѹче въ лѣсе ли выводѧче

избиша. бе бо ихъ пришло тво

Folio 104

рѧхѹ 2000 или боле Б[ог]ъ вѣсть а

то все м[е]ртво. Томь [же] лѣ[тѣ] кнѧ

зь Ярославъ пре[же] сеи рати поиде

въ Пльсковъ съ посадникомь

Иванкомь и тысѧчьскыи Вѧ

чеслав. и слышавше пльсковицї

яко идеть к нимъ кн[ѧ]зь и за

творишасѧ въ городѣ не пѹ[сти]ша

к собѣ. кн[ѧ]зь же постоявъ на Ду

бровнѣ въспѧтисѧ в Новъгород.

промъкла бо сѧ вѣсть бѧше си въ

Пльскове яко безеть оковы хо

тѧ ковати вѧцьшеѥ мѹ[жи]. и при

шьдъ створи вѣче въ вл[а]д[ы]чьнї

дворѣ и ре[че]. яко не мыслилъ ѥ

смь до пльсковичь грѹба ни

чегоже. нъ везлъ ѥсмь былъ

въ коробьяхъ дары паволокы и

овощь. а они мѧ обьщьствовали.

и положи на нихъ жалобѹ велику.

Folio 104’

Тъгда [же] приведе пълкы ис Перея

славлѧ. а рекѧ. Хочю ити на Ригу.

и сташа около Городища шатры. а

инии въ Славнѣ по дворомъ. и въздо

рожиша все по търгѹ. и хлѣбъ и

мѧса и рыбы. и ѿтолѣ ста доро

говь. куплѧхѹ хлѣбъ по 2 кѹнѣ

а кадь ржи по 3 гр[и]внѣ а пшеницю

по 5 гр[и]в[е]нъ а пшена по 7 гр[и]в[е]нъ и

та[ко] ста по 3 лѣ[та]. то [же] слышавъше пль

сковици яко приве[де] Ярослав пълкы

ѹбоявшесѧ то[го] възѧша миръ съ

рижаны Новгородъ выложивъ

ше а рекѹче. то вы а то новгородь

ци. а намъ ненадобе. нъ оже пои

дѹ на насъ тъ вы намъ помозите.

и они рекоша. та[ко] бѹди. и пояша

ѹ нихъ 40 мѹж въ талбѹ. новго

родци же ѹвѣдавъше рекоша.

кн[ѧ]зь насъ зоветь на Ригѹ а хотѧ

Folio 105

ити на Пльсковъ. тъгда же к[нѧ]зь

посла Мишю въ Пльсковъ река. поиди

те съ мною на пѹть а зла до васъ е

смь не мыслилъ никоторагоже

а тѣхъ ми выдаите кто мѧ обади

лъ къ вамъ. и рекоша пльсковици

приславъше Грьчина. тобе сѧ кнѧ

же кланѧѥмъ и бра[ть]и новгородь

цемъ. на пѹть не идемъ а бра[ть]и

своѥи не выдаѥмъ. а с рижаны

ѥсме миръ взѧли. къ Колываню

ѥсте ходивъше серебро поимали

а сами поидосте в Новъгородъ а пра

вды не створи[сѧ] города не взѧсте

а ѹ Кѣси тако[же] а ѹ Медвѣже голо

вѣ тако[же]. а за то нашю бра[ть]ю изби

ша на озѣрѣ а инии побѣдени

а вы роздравше та прочь. или ѥсте

на нас ѹдѹмали тъ мы проти

вѹ васъ съ с[вѧ]тою Б[огороди]цею и съ покло

номъ. то вы лѹче насъ исѣчи

Folio 105’

те а жены и дѣти поѥмлете собе

а не лѹче погании. тъ вамъ сѧ кла

нѧѥмъ. Новгородьци же кн[ѧ]зю ре

коша. мы бе[с] своѥя бра[ть]ѧ бес пль

сковиць не имаѥмъсѧ на Ригѹ

а тобе сѧ кн[ѧ]же кланѧѥмъ. мно

го же кн[ѧ]зь нѹдивъ и не яшасѧ

по пѹть. тъгда же кн[ѧ]зь Ярославъ

пълкы своя домовь посла. пльсковї

ци же тъгда бѧхѹ подъвегли Нѣмь

ци и Чю[дь] Лотыголѹ и Либь и ѿпѹ[сти]

ша я опѧ[ть]. а тѣхъ кто ималъ прида

тъкъ ѹ Яросла[ва] выгнаша исъ Пльско

ва. поидите по кн[ѧ]зи своѥмь намъ

ѥсте не бра[ть]я. Тъгда же Ярослав по

иде съ кнѧгынею из Новагорода Пе

реяславлю а Новѣгородѣ остави 2

с[ы]на своя Феодора и Альѯандра съ

Федоромь Даниловицемь съ тиу

номь Якимомь. Тои [же] осени наиде

дъжгь великъ и д[е]нь и ночь на

Folio 106

Г[оспо]жькинъ д[е]нь оли и до Никулина

дни не видѣхомъ свѣтла дни нї

сѣна людьмъ бѧше лзѣ добыти нї

нивъ дѣлати. Тъгда [же] оканьны

и дияволъ испьрва не хотѧи добра

родѹ ч[е]л[о]в[ѣ]чю и завидѣвъ ѥмѹ

зане прогонѧшеть ѥго нощнымъ

стояниѥмь пѣниѥмь и м[о]л[и]тва

ми. И въздвиже на Арсения мѹ[жа]

кротка и смерена крамолѹ велику

простѹю чѧдь. и створше вѣче на

Ярослали дворе и поидоша на вла

дыцьнь дворъ рекѹче. то[го] дѣлѧ

стоить тепло дълго выпровади

лъ Антония вл[а]д[ы]ку на Хѹтино а

самъ сѣлъ давъ мьздѹ кн[ѧ]зю. и а

кы злодѣя пьхающе за воротъ вы

гнаша малѣ ѹблюде Б[ог]ъ ѿ см[е]рти.

затворисѧ въ ц[е]ркви с[вѧ]тѣи Софии

иде на Хѹтино а заȣтра въвѣдо

ша опѧть Антония архѥп[иско]па и по

Folio 106’

садиша с нимь 2 мѹ[жа] Якѹна Моисѣе

вицѧ Микифора щитник. И не досы

ти бы зла нъ ѥще боле то[го] възмѧтесѧ

всь городъ. и поидоша съ вѣца въ орѹ

жии на тысѧчьского Вѧцеслава и

розграбиша дворъ ѥго и бра[та] ѥго Б[ог]ѹ

слава. И Андреичевъ вл[а]д[ы]цнѧ столь

ника. И Д[а]в[и]дковъ Софиискаго. И

Сѹдимировъ. а на Дѹшильцѧ на

Липьньска[го] стар[ост]ѹ тамо послаша

грабитъ. а самого хотѣша повѣ

сити нъ ѹскоци къ Яросла[вѹ]. а же

нѹ ѥго яша рекѹче. яко ти на

зло кн[ѧ]зѧ водѧть. и бы[сть] мѧтежь

въ городѣ вѣликъ. Тои же осѣни

бы[сть] вода велика въ Вълховѣ. пои

ма около озера сѣна и по Волхову.

Тъгда помьрзъшю озѣрѹ и стоя

вшю 3 дни и въздре ѹгъ вѣтръ

изламавъ вънесе все въ Вълхово

и въздрѣ 9 городьнь великаго

Folio 107

моста. и принесе къ Питбѣ подъ

с[вѧ]тыи Николѹ 8 городьнь въ но

ць а 9ю розне[се] м[ѣсѧ]цѧ декѧбрѧ въ

8 д[е]нь на с[вѧ]т[о]го Патапия. не хотѧ

шеть бо Б[ог]ъ видѣти кръвопролитї

я въ бра[ть]и ни дияволѹ радости

дати. радѹѥть бо сѧ оканьныи

о кръвопролитии бра[т]ни. нъ изво

ли бл[а]гыи Б[ог]ъ тако быти. Тъгда

отѧшатѧша тысѧчьскоѥ ѹ Вѧче

слава и даша Борисѹ Нѣгочевичю

а къ кн[ѧ]зю послаша къ Яросла[вѹ] на

томъ. поѥди к намъ забожни

цьѥ ѿложи сѹдьѥ по волости не

слати. на всѣи воли нашеи и на вь

сехъ грамотахъ Ярославлихъ

ты нашь кн[ѧ]зь. или ты собе а мы

собе. Тои же зимѣ побѣже Фе

доръ Даниловиць съ тиѹномь

Якимомь поимъше съ собою 2

Folio 107’

кнѧжичѧ Федора и Альѯандра сы

ропѹ[ст]ныя нед[ѣли] въ ѹторник в ночь.

тъгда же новгородци рѣша. дажь

что зло съдѹмавъ на с[вѧ]тѹю Софї

ю а побеглъ. а мы ихъ не гонилї

нъ бра[ть]ю свою ѥсме казнили. а кнѧ

зю ѥсме зла не створили никото

рагоже. да оно имъ Б[ог]ъ и кр[ес]тъ ч[ес]ть

ныи. а мы собѣ кн[ѧ]зѧ промыслимъ.

и цѣловаша с[вѧ]тѹю Б[огороди]цю яко бытї

всемъ одинакымъ. и послаша по

Михаила въ Цѣрниговъ Хота Ста

нимировицѧ Гаврилѹ на Лѹбѧ

ници. и быша Смольньскѣ и не

пѹ[сти] ихъ кн[ѧ]зь смольньскыи по на

ѹцению Ярославлю и пѹти зая

ша всѧ. нъ оже Б[ог]ъ по насъ кто на ны

и ѹвѣдавъ Михаилъ яко прияти

сѹть посли новгородьстии въ Смо

льньскѣ. бѣ бо тъгда въ Брынѹ

Folio 108

съ с[ы]н[о]мь и поиде въ [бо]рзѣхъ на Тържь

къ и приде на вьрьбницю въ Тържь

къ и ради быша людьѥ вси.

Въ лѣ[то] 6737 (1229) приде кн[ѧ]зь Ми

хаилъ ис Чѣрнигова въ Новъгоро

дъ по велицѣ дни Фоминѣ нед[ѣли] и

сходѧче. и ради быша новгородци

своѥмѹ хотѣнию. и цѣлова кр[ес]тъ

на всѣи воли новгородьстѣи и на

всѣхъ грамотахъ Ярославлихъ

и вда свободѹ смьрдомъ на 5 лѣ[т]

дании не платити кто сбежалъ

на чюжю землю. а симъ повеле къ

то сде живеть како ѹставили

переднии кн[ѧ]зи тако платите дань.

а на Ярослалихъ любъвницехъ по

имаша новгородци кѹнъ много

и на городищанохъ а дворовъ ихъ

не грабѧче и даша на великыи

мостъ.

Folio 108’

Въ то [же] лѣ[то] заложиша великыи мостъ

выше стараго моста. Тъгда [же] отѧ

ша посадничьство ѹ Иванка ѹ Дъ

митровицѧ и даша Вънездѹ Водо

викѹ а Иванкѹ даша Тържькъ.

иде на Тържькъ и не прияша ѥго

новоторожьци и ѿтѹдѹ иде къ

Ярославѹ. Томь [же] лѣ[тѣ] ре[че] кн[ѧ]зь

Михаилъ. се ѹ васъ нѣтѹ вл[а]д[ы]кы

а не лѣпо быти градѹ семѹ бе

зъ вл[а]д[ы]цѣ. оже Б[ог]ъ казнь свою въ

зложилъ на Онтония а вы сочи

те таковаго мѹ[жа] въ попѣхъ ли в ы

гѹменехъ ли въ череньцихъ ли.

и рекоша нѣкотории кн[ѧ]зю. ѥсть

чьрньць дьяконъ ѹ с[вѧ]то[го] Георгиѧ

именьмь Спиридонъ достоинъ

ѥсть того. а инии Осафа ѥп[иско]па

володимирьскаго велыньска[го]

а дрѹзии Грь

Folio 109

цина. кого да[сть] митрополитъ тотъ

намъ о[те]ць. и ре[че] кн[ѧ]зь Михаилъ. да по

ложимъ 3 жрѣбья да которы

и Б[ог]ъ да[сть] намъ. и положиша на с[вѧ]тѣ

и трѧпѣзѣ имена напи[са]вшѣ и по

слаша из гридьницѣ вл[а]д[ы]цьне кнѧ

жицѧ Ростисла[ва]. изволи Б[ог]ъ слѹ[жи]те

лѧ собе и пастѹха словесьныхъ

овьчь Новѹгородѹ и всѣи обла

сти ѥго и выясѧ Спуридонь.

И послаша по нь въ манастырь и

приведъше посадиша и въ дворѣ

доидеже поиде Кыѥвѹ ставитъ[сѧ].

Томь [же] лѣ[тѣ] поиде кн[ѧ]зь Михаилъ въ

Цьрниговъ къ бра[ть]и поимѧ съ собо

ю новгородце Б[ог]ѹсла[ва] Гориславицѧ

Сбыслава Якѹнковицѧ Домаша

Твьрдиславицѧ Глѣба посадни

ць с[ы]нъ Михаилка Микифоровиц

Михалѧ Прикѹпова. а с[ы]на своѥго

Ростислава остави Новѣгородѣ.

Folio 109’

а мнѣ ре[че] даи Б[ог]ъ исправити правда

новгородьская. тоже ѿ вас пояти

с[ы]на своѥго. и посла къ Ярославѹ

Нездилѹ Прокшиницѧ Иванка Ту

дорковицѧ река. ѿстѹписѧ Волока

и что ѥсть новгородьскаго за тобо

ю силою ѥси зашьлъ а кр[ес]тъ цѣлѹ

и. и ре[че] Ярослав. то[го] не ѿстѹпаю а крь[ст]

не цѣлѹю вы собе а я собе. и дьрь

жа послы все лѣ[то]. Томь [же] лѣ[тѣ] пои

де Спиридонъ Кыѥвѹ ставитъ[сѧ] къ

митрополитѹ декѧбрѧ въ 17.

Тои же зимѣ придоша Литва и во

ѥваша Любне и Моревѹ и Серегеръ

и гонишасѧ по нихъ новгородци

и ѹгонивше ихъ и биша а поло

нъ отѧшѧ всь м[ѣсѧ]цѧ генврѧ.

Въ лѣ[то] 6738 (1230) трѧсесѧ землѧ

въ пѧтък по велицѣ дни 5 нед[ѣли] въ

обѣдъ а инии ѹже бѧхѹ ѿобѣ

дали. то же бра[ть]ѥ не на добро на зло.

Folio 110

грѣхъ дѣлѧ нашихъ Б[ог]ъ намъ зна

мения кажеть да быхомъ сѧ пока

яли ѿ грѣхъ нашихъ. коликѹ

Б[ог]ъ наведе на ны см[е]рть тои весны

да то мы видѧще не разѹмѣхомъ

своѥя погыбели нъ скорѣиши бы

хомъ на зло. Того [же] лѣ[та] с[о]лнче помь

рце маия въ 14 на с[вѧ]то[го] Сидора

въ ȣтор[ник] въ срьдъ ȣтра и бы акы въ

5 ноции м[ѣсѧ]ць и опѧ[ть] наполнисѧ

и ради быхомъ небози.

То[го] же м[ѣсѧ]цѧ въ 19 на сборъ с[вѧ]т[ы]хъ

о[те]ць 300 и 18 приде архѥп[иско]пъ Спу

ридонъ в Новъгородъ поставленъ

ѿ митрополита Кюрила. поста

вленъ бы[сть] по[по]мъ въ сыропѹ[стнѹ]ю нед[ѣлю]

архѥп[иско]п[о]мъ по ч[ис]тѣи нед[ѣли] на сборъ.

Въ то [же] лѣ[то] кн[ѧ]зь Михаилъ створи

пострѣгы с[ы]н[о]ви своѥмѹ Ростї

сла[вѹ] Новегородѣ ѹ с[вѧ]тѣи Софии

и ѹя вла[с] археп[иско]пъ Спиридон

Folio 110’

и посади ѥго на столѣа самъ поиде

въ Цьрниговъ. Томь [же] лѣ[тѣ] роспрѣсѧ

Степанъ Твьрдиславиць съ Водовї

комь Иванке Тимошкиниць по Сте

панѣ и биша Иванка паробчи поса

дници. то [же] бы[сть] на Городищи. а заѹ[тра]

створи вѣцѣ на посадни[ка] на Ѧросла

ли дворѣ и поиде на дворъ ѥго и ро

зграбиша и. посадник же опѧ[ть] възъ

вари городъ вьсь и Сменъ Бори[со]виць

на Иванка и на Якима Влѹнко

вицѧ и на Прокшю Лашнева. пои

доша съ вѣчѧ и мно[го] дворовъ розгра

биша а Волоса Блѹткиницѧ на

вѣчи ѹбиша. ре[че] посадник. ты ѥси

мои дворъ хотелъ зажечи. а Про

прокшинъ [sic!] дворъ зажгоша. а Я

кимъ бежа къ Ярославѹ а инии

схоронишасѧ. нъ и тѣхъ ѹротї

вше пѹ[сти]ша. а Иванка после имъш

ѹби Водовикъ въвьргошь

въ Волхово.

Folio 111

То[го] же Б[ог]ъ видѧ наша безакония

и бра[то]ненавидениѥ и непокорени

ѥ дрѹг къ дрѹ[гѹ] и зависть и кр[ес]т[о]мь

вѣрѧщесѧ въ лжю ѥгоже анг[е]ли не

могѹть зрѣти и мно[го]очити кры

лы закрывають[сѧ] то[го] же мы въ рѹ[ка]

хъ дьржаще сквѣрньны ѹсты цѣ

лѹѥмъ. и за то Б[ог]ъ на нас поганыѧ

навѣдѣ и землю нашю пѹ[стѹ] поло

жиша. а иноѥ сами не блюдѹче

без милости истерѧхомъ свою

вла[сть] и та[ко] бы[сть] пѹ[ста]. и тако ны Г[оспод]ь Б[ог]ъ

възда по дѣломъ нашимъ. изби

мразъ на Въздвижениѥ ч[ес]тьна[го]

х[рест]а обильѥ по волости нашеи и

ѿтолѣ горе ѹстави[сѧ] велико. поча

хомъ кѹпити хлѣбъ по 8 кунъ

а ржи кадь по 20 гр[и]в[е]нъ а въ дво

рехъ по пол 30 а пшеницѣ по 40

гр[и]в[е]нъ а пшена по 50 а овсѣ по

Folio 111’

13 гр[и]в[е]н. и разидесѧ гр[а]дъ нашь и во

лость наша и полни быша чю[жии] гра[ди]

и страны бра[ть]ѥ нашеи и сестръ а

останъкъ почаша мерети. и кто

не просльзитьсѧ о семь видѧще

мьртвьцѧ по ѹличамъ лежаща

и младѣнцѧ ѿ пьсъ изедаѥмы.

и въложи Б[ог]ъ въ с[е]рдце бл[а]гоѥ ство

рити археп[иско]пу Спуридонѹ. и по

стави скѹделницю ѹ с[вѧ]т[ы]хъ А

п[осто]лъ въ ямѣ на Просьскои ѹли

ци. и пристави мѹжа бл[а]га смере

на именьмь Станила возити

мьртвьцѧ на кони кде обидѹ

це по городѹ. и та[ко] беспрестани

по всѧ дни влачаше и наполни

до вьрха иже бы[сть] в неи числомь

3000 и 30. На тѹ [же] зимѹ пои

де кнѧжиць Ростислав съ поса

дни[ко]мь Вънездомь на Тържькъ

Folio 112

м[ѣсѧ]цѧ декѧ[брѧ] въ 8 въ нед[ѣлю]. а заѹтра

ѹбиша Смена Борисовицѧ въ 9

а домъ ѥго всь розграбиша и села

а женѹ ѥго яша а самого погрѣ

боша ѹ с[вѧ]то[го] Гюргѧ въ манастыри.

та[ко]же и Водовиковъ дворъ и села

и бра[та] его Михалѧ и Даньсла[ва] и

Борисовъ тысѧчьскаго и Твори

мириць иныхъ много дворовъ.

а Водовикъ то зло ѹслышавъ по

беже съ Торжькѹ съ бра[ть]ѥю и Бо

рис тысѧчьскыи и новотържь

чи къ Михаилѹ въ Цьрниговъ. И

даша посадничьство Степанѹ

Твьрдиславичю а тысѧчьское

Миките Петриловицю а добытъ

къ Сменовъ и Водовиковъ по сто

мъ розделиша. они трѹдишасѧ

събирающе а си въ трѹдъ ихъ въ

нидоша. о та[ко]вых бо рече Д[ѹ]хъ с[вѧ]ты

Folio 112’

и. събираѥть а нѣ вѣ[сть] комѹ сбирает.

А кнѧжицю Ростисла[вѹ] пѹ[ть] показа

ша с Торожкѹ къ о[т]ц[е]ви въ Цьрниго

въ. ка[ко] о[те]ць твои реклъ былъ въсѣ

сти на коне на воинѹ съ Въздви

жения и кр[ес]тъ цѣловалъ а се ѹ

же Микулинъ д[е]нь съ нас кр[ес]тное

челованиѥ. а ты поиди прочь а

мы собе кн[ѧ]зѧ промыслимъ.

И посла[ша] по Яросла[ва] на всеи воли

новгородьстѣи. Ярослав же въ

бързѣ приде въ Новъгородъ м[ѣсѧ]цѧ

декѧ[брѧ] въ 30 и створи вѣцѣ и цѣ

лова с[вѧ]тѹю Б[огороди]цю на грамотахъ

на всѣхъ Ярослалихъ. и сѣдѣвъ

2 нед[ѣли] иде опѧ[ть] въ Переяслаль по

я съ собою мѹ[жи] новгородьскыя

моложьшая а с[ы]на своя 2 поса

ди Новѣгородѣ Феодора и Оль

ѯандра. Тои же зимѣ въвѣ

Folio 113

доша съ Хѹтина ѿ с[вѧ]т[о]го Сп[а]са Арсѣ

ния игѹмена мѹ[жа] кротка и смере

на кн[ѧ]зь Ярослав вл[а]д[ы]ка Спуридонъ

и всь Новгородъ и даша игѹмень

ство ѹ с[вѧ]то[го] Георгия. а Савѹ ли

шиша посадиша и въ келии. и ра

зболесѧ лежавъ 6 нед[ѣль] и прѣста

висѧ марта въ 15 въ с[ѹбот]ѹ предъ

обедьнею. и та[ко] погрѣбенъ бы[сть] и

гѹменомь Арсѣниѥмь и всѣю

бра[ть]ѥю. а даи Б[ог]ъ м[о]л[и]тва ѥго с[вѧ]таѧ

всѣмъ кр[ес]тьяномъ и мнѣ грѣ

шномȣ Тимофѣю понаманарю.

бѧшеть бо мѹж бл[а]гъ кротъкъ съ

мѣренъ и незлобивъ. покои Б[ог]ъ

д[ѹ]шю ѥго съ всѣми правьдныи

ми въ ц[ѣса]р[с]твии н[е]б[ес]нѣмь.

Мы же на прѣднеѥ възврати

мъсѧ на горкѹю и бѣднѹ

ю памѧ[ть] тоя весны. что бо рещи и

Folio 113’

ли что г[лаго]л[а]ти о бывшеи на нас ѿ Б[ог]а

казни. яко инии простая чадь рѣ

захѹ лю[ди] живыя и ядѧхѹ а инї

и мьртвая мѧ[са] и трѹпиѥ обрѣза

юще ядѧхѹ а друзии конинѹ

псинѹ кошкы. нъ тѣхъ осочивъ

ше тако творѧхѹ овъихъ огнь

мь ижгоша а дрѹгыхъ осѣкоша

иныхъ извѣшаша. ини же мъхъ

ядѧхѹ ѹшь соснѹ корѹ липо

вѹ и листъ ильмъ кто что за

мыслѧ. а инии па[кы] зли ч[е]л[о]в[ѣ]ци

почаша добрыхъ лю[ди]и домы зажї

гати. кде чююче рожь и та[ко] разгра

бливахѹть имениѥ ихъ въ пока

яния мѣ[сто] злоѥ и горцѧиши того

быхомъ на зло а видѧще предъ о

чима нашима гневъ Б[о]жии. мь

ртвьци по ѹ[ли]чамъ и по търгѹ

и по мостѹ по великомѹ ѿ пьсъ

Folio 114

изедаѥмы оже не можахѹ погрѣ

бати. и поставиша дрѹгѹю скѹ

дьлницю на поли коньць Чюдинь

чевѣ ѹлици и бы[сть] та пълна в нѣ

иже числа нѣ[сть]. а 3тьюю поста

виша на Колѣни за с[вѧ]т[ы]мь Рожь

ствомъ и та [же] бы[сть] пълна въ неиже

числа нѣ[сть]. то[же] бы намъ все видѧ

ще предъ очима лѹчьшимъ бы

ти мы же быхомъ пѹщьши брат

бра[тѹ] не съжалѧшетьсѧ ни о[те]чь с[ы]но

ви ни м[а]ти дъчери ни сѹсѣдъ

сѹсѣдѹ не ѹламлѧше хлѣба.

не бы[сть] м[и]л[ос]ти межи нами нъ бѧ

ше тѹга и печаль на ѹличи скъ

рбь дрѹгъ съ дрѹгомъ дома тъ

ска зрѧще дѣтии плачюще хлѣ

ба а дрѹгая ѹмирающа. и кѹ

плѧхомъ по гр[и]внѣ хлѣб и по болшю

а ржи 4ю ча[сть] кади кѹплѧхомъ

по гр[и]внѣ серѣбра. и даяхȣ о[т]ци

Folio 114’

и м[а]т[е]ри дѣ[ти] своѥ одьрень ис хлѣ

ба гостьмъ. се же горе бы[сть] не въ

нашеи земли въ одинои нъ по

всеи обла[сти] Рѹ[сь]стѣи кромѣ Кы

ѥва одиного. и тако ны Б[ог]ъ въ

зда по дѣломъ нашимъ.

Въ лѣ[то] 6739 (1231) загорѣсѧ ѿ

Матѣѥва двора ѿ Вышкови

цѧ и погорѣ вьсь коньць Славьнь

скыи оли и до концѧ Хълма

мимо с[вѧ]то[го] Илию. нъ ѹблюде Б[ог]ъ

с[вѧ]т[ы]хъ ц[е]рк[о]въ. нъ толми бѧше лю

тъ пожаръ яко по водѣ огнь

горѧше ходѧ чрѣсъ Вълхово

всѣмъ людьмъ зрѧщимъ

и головъ нѣколико истопѣ въ

Волховѣ. того [же] лѣ[та] ѿкры Б[ог]ъ

м[и]л[осе]рдиѥ своѥ на нас грѣшны

хъ створи м[и]л[ос]ть свою въскорѣ.

прибѣгоша Нѣмьци и[з] замо

рия съ житомь и с мѹкою

Folio 115

и створиша много добра. а ѹ

же бѧше при конци городъ сии.

Тои же осени ходи Ярославъ ра

тию на Цьрниговѣскѹю волость

с новгородци и съ всѣю власть

ю своѥю на Михаила и пожь

же Шереньскъ. и стоявъ подъ

Мосальскомь и въспѧтисѧ въ

спѧть истративъ обилия мъ

ного. тѹ [же] подъ городомь застрѣ

лиша Олдана подвоискаго и бе

з мира ѿидоша. Томь [же] лѣ[тѣ] прѣ

стависѧ Водовикъ Вънездъ

посадник новгородьскыи въ Ць

рниговѣ.

Въ лѣ[то] 6740 (1232) придоша

ис Цѣрнигова Борисъ Нѣго

цевичь Михаль съ братомь

Петре Водовиковиць Глѣбъ

Сменовъ братъ Миша съ кнѧ

Folio 115’

зьмь С[вѧ]тославомь опѧ[ть] въ Рѹсь ѹ

розѹмѣвъ яко си сългаша и

мъ. они же въгонивше въ Пль

сковъ яша Вѧчеслава и бивъ

ше ѥго оковаша и. в Новѣ же

городѣ бы[сть] мѧтежь великъ.

не бѧше бо кн[ѧ]зѧ Яросла[ва] нъ въ Пе

реяслали бѣ тъгда. и приѥха

въ кн[ѧ]зь ис Переяславлѧ изи

ма пльсковици и посади я на Го

родищи въ гридници. и посла въ

Пльсковъ ре[че] мѹ[жа] моѥго пѹ[сти]те

а темъ пѹть покажите прочь

ѿку[да] пришли. они же сташа за

ними крѣпко нъ рекоша. при[сли]те

к нимъ жены ихъ и товаръ то

же мы Вѧчеслава пѹ[сти]мъ или вы

собѣ а мы собе. и та[ко] быша безъ

мира лѣ[то] все. и не пу[сти] кн[ѧ]зь гости къ

нимъ и куплѧху соль по 7 гр[и]в[е]н

Folio 116

бьрковьскъ и пѹ[сти]ша Вѧчесла[ва]. кн[ѧ]зь

пѹ[сти] к нимъ жены Бори[со]вую Глѣ[бо]ву

ю Ми[ши]ную а мира не взѧ. бы[сть] на зи

му придоша пльсковици поклони

шасѧ кн[ѧ]зю. ты наш кн[ѧ]зь. и въспроси[ша]

ѹ Ѧросла[ва] с[ы]на Федора и не да имъ

с[ы]на и ре[че] се даю вы шюринъ свои Гю

ргѧ. и ведоша и поимше Пльскову

а Бори[со]ве ча[ди] показаша пѹ[ть] съ жена[ми].

они [же] идоша въ Мѣдвежю голову.

Въ то [же] лѣ[то] взѧ С[вѧ]тослав Смолньскъ на

щитъ съ полочаны на Борїшь д[е]нь

исѣцѣ смолнѧны а самъ сѣ[де] на сто

лѣ. Том же лѣ[тѣ] прѣстави[сѧ] археп[иско]пъ

Антонии октѧ[брѧ] въ 8. Сии [же] бл[а]же

ныи археп[иско]пъ Антонии пре[же] изгна

ния сѣ[де] въ еп[иско]пии лѣт 8 по Митро[ѳа]

не а въ изгнании лѣт 6. по сѣм прї

де ис Перемышлѧ в Новъгородъ и се

де лѣт 2 и онѣмѣ на с[вѧ]то[го] Ольѯиѧ.

Folio 116’

бы[сть] лѣт 6 въ болезни тои и 7 ме[сѧ]

ць и 9 днии и та[ко] ѹмре и поло

жиша и ѹ с[вѧ]тѣи Софии въ притво

ре при кн[ѧ]зи Ѧросла[ве] Всеволодицї

при археп[иско]пѣ Спуридонѣ.

Въ лѣ[то] 6741 (1233) изгониша Избо

рьскъ Бори[со]ва ча[дь] съ кн[ѧ]зьмь Ѧ

рославомь Володимирицемь и

съ Нѣмци. пльсковици же осту

пивше Изборьскъ измаша и къ

нѧзѧ и Нѣмцинъ ѹбиша Данї

лу а ини побегоша. и даша я велї

комѹ Яросла[вѹ]. кн[ѧ]зь же искова

въ поточи я въ Переѧслаль.

Томь [же] лѣ[тѣ] прѣ[ста]висѧ кн[ѧ]зь Феодоръ

с[ы]нъ Ярослаль вѧчьшии июнѧ въ

10 и положенъ бы[сть] въ манастырї

с[вѧ]то[го] Георгиѧ и еще младъ. и кто

не пожалѹѥть сего. сватба при

строѥна меды изварены невѣ

Folio 117

ста приведена кн[ѧ]зи позвани. и

бы[сть] въ веселия мѣ[сто] плачь и сѣтова

ниѥ за грѣхы наша. нъ Г[оспод]и слава

тебе ц[ѣса]рю н[е]б[ес]ныи извольшю ти та

ко нъ покои ѥго съ всеми правьдь

ными. Въ то [же] лѣ[то] заложена бы[сть]

ц[е]ркы на воротѣхъ ѿ Неревьска[го]

концѧ с[вѧ]тыи Феодоръ. Томь [же] лѣ[тѣ]

прѣ[ста]висѧ бл[а]ж[е]ныи митрополитъ

всѣя Рѹ[си] Кыѥвьскыи имень

мь Кюрилъ родомь Грьцинъ бѣ

приведенъ бы[сть] из Никѣѧ.

Въ то [же] лѣ[то] изгониша Нѣмьци Кюри[ла]

Синкиницѧ въ Тѣсвѣ и вѣдоша и

въ Мѣдвѣжю голову. и сѣде окова

нъ ѿ Г[оспожки]на дни до великаго говѣни

я кн[ѧ]зю Ѧрославу не сѹщю Новѣго

родѣ нъ въ Переяслаль ѿшьлъ бѣ.

и пришьдъ кн[ѧ]зь выправи Б[о]жиѥю

помоцью с[вѧ]тыя Софиѧ. а пълкы с[воя]

Folio 117’

приведе в Новъгородъ множьство хо

тѧ ити на нѣ.

Въ лѣ[то] 6742 (1234) иде кн[ѧ]зь Яро

слав съ новгородци и съ всѣю обла

стью и с полкы своими на Нѣмь

ци подъ Гюргевъ. и ста кн[ѧ]зь не до

шедъ гра[да] съ пълкы и пѹ[сти] лю[ди] своѧ

въ зажитиѥ воѥватъ. Нѣмци

же из гра[да] высѹшасѧ а инии и

з Медвѣже головы на сторожи

и бишасѧ с ними и до пълку. и по

може Б[ог]ъ кн[ѧ]зю Яросла[вѹ] съ новгородь

ци и биша я и до рѣкы и тѹ па

де лѹчьшихъ Нѣмьць нѣколико.

и ѧко быша на рѣче на Омовыжи

Нѣмьци и ту обломишасѧ исто

пѣ ихъ мно[го] а ини ѧзвьни въбе

гоша въ Гюргевъ а дрѹзии въ Ме

двѣжю головѹ и мно[го] попу[сто]шиша

земле ихъ и обилиѥ потратиша.

Folio 118

и поклонишасѧ Нѣмьци кн[ѧ]зю

Ярослав же взѧ с ними миръ на вь

сеи правдѣ своѥи. и възвратиша

сѧ новгородци сдрави вси а низо

вьчь нѣколико паде. Того же лѣ[та]

съгорѣ ц[е]ркы ѿ грома с[вѧ]то[го] Лу[ки] въ Лю[ди]

нѣ конци июнѧ въ 10 съ вечера.

Томь [же] лѣ[тѣ] изгониша Литва Ру[сь]

оли до търгу и сташа рѹ[ша]нѣ

и засада. огнищанѣ и гридба и

кто кѹпьць и гости. и выгнаша

я ис посада опѧть бьющесѧ на поли.

и тѹ ѹбиша нѣколико Литвы

а рѹшанъ 4 мѹ[жа] по[па] Петрилу

2 Павла Обрадицѧ а ина два му

жа. а мана[сты]рь с[вѧ]то[го] Сп[а]са всь пограбї

ша и ц[е]рк[о]вь полупи[ша] всю и иконы

и прѣстолъ и цьренци 4 ѹби[ша]

и ѿстѹпиша на Клинъ. тъгда [же]

вѣсть приде в Новъгородъ къ къ

Folio 118’

нѧзю Яросла[вѹ]. кн[ѧ]зь же съ новгородь

ци въседавъше въ насады а инии

на конихъ. поидоша по нихъ по Ло

воти. и яко быша ѹ Моравиина

и въспѧтишасѧ лодьиници ѿто

ле въ городъ и кн[ѧ]зь я ѿпу[сти]. недо

стало бо ѹ нихъ бѧше хлѣ[ба]. а са

мъ поиде съ коньникы по нихъ.

и постиже я на Дѹбровнѣ на се

лищи въ Торопьчьскои волости

и тѹ [сѧ] би съ безбожными окань

ною Литвою. и тѹ пособи Б[ог]ъ и

кр[ес]тъ ч[ес]тьныи и с[вѧ]тая София

Прѣмѹдро[сть] Б[о]жия надъ поганы

ми кн[ѧ]зю Яросла[вѹ] съ новгородци. и

ѿяша ѹ нихъ конь 300 и съ товаро

мь ихъ а сами побѣгоша на лесъ

пометавъше орѹжия и щиты и со

ви и все ѿ себе. а инии тѹ костью

падоша. а новгородьць тѹ ѹби[ша]

Folio 119

10 мѹжь Феда Якѹновича ты

сѧчьско[го] Гаврила щитника Нѣ

гѹтина на Лѹбѧници Нѣжі

лѹ серебреника Гостилца на

Кѹзмадемьяни ѹлици Фе

дора Ѹма кн[ѧ]жь дѣцкои дрȣго

е городищанинъ и инѣхъ 3

мѹжи. а покоі Г[оспод]и д[ѹ]ша іхъ въ

ц[ѣса]р[с]твии н[е]б[ес]нѣмь пролившихъ

кръви своя за с[вѧ]тѹю Софью і за

кровь хр[ис]тьяньскѹю.

Въ лѣ[то] 6743 (1235) не хотѧ исперва

оканьныи всепагѹбныи дья

волъ родȣ ч[е]л[о]в[ѣ]ч[ес]к[о]мѹ добра. въ

здвиже крамолѹ межи рѹсь

скыми кн[ѧ]зи да быша ч[е]л[о]в[ѣ]ци

не жили мирно. о томь бо сѧ злы

і радѹеть кровопролитию кр[ес]ть

яньскѹ. поіде кн[ѧ]зь Воло[ди]ми

ръ Рюриковичь съ кыяны і Да

нило Романовичь с галичаны

Folio 119’

на Михаила Всеволодича Чермно[го]

къ Черниговѹ. а Изѧславъ бѣжа

в Половци. і много воева около Че

рнигова. и посадъ пожже а Ми

хаіло выстѹпи ис Чернигова. и

мно[го] пѹстошивъ около Черниго

ва. поиде опѧть. і Михаило ство

ривъ прелесть на Данилѣ. і мно[го]

би галичанъ и бещисла. Дани

ло же едва ѹіде. а Володими

ръ пришедъ опѧть сѣде в Кы

евѣ. и не тѹ бы того до сыти зла

но приде Изѧславъ с погаными

Половци в силѣ тѧжцѣ. і Миха

іло с черниговци подъ Кыевъ

і взѧша Кыевъ. а Володими

ра и кнѧгыню его имше Поло

вци. поведоша в землю сво

ю. і много зла створиша кы

яномъ. а Михаило сѣде в Га

личи. а Изѧславъ в Кыевѣ.

Folio 120

и опѧть пѹстиша Володими

ра Половци на искѹпѣ і жену

его. і на Нѣмцихъ имаша и

скѹпъ кнѧзи.

Въ лѣ[то] 6744 (1236)

поіде кн[ѧ]зь Ярославъ ізъ

Новагорода Кыевѹ на столъ

поімѧ съ собою новгородци вѧ

тшихъ Сѹдимира въ Славь

нѣ Якима Влѹнковича

Косту Вѧчеславича а новото

ржець 100 мѹж. а в Новѣгородѣ

посади с[ы]на своего Олеѯандра.

і пришедъ сѣде в Кыевѣ на сто

лѣ. і державъ новгородцевъ и

новоторжцевъ одинѹ нед[ѣлю] і о

даривъ я ѿпѹсти проче. і при

доша здрави вси. Том же

лѣ[тѣ] пришедше безбожнии Та

тарове плѣниша всю землю

Болгарьскѹю і градъ ихъ ве

ликыи взѧша и исѣкоша

Folio 120’

всѧ и жены и дѣти.

Въ лѣ[то] 6745 (1237)

бы[сть] знамение въ с[о]лнци

м[ѣсѧ]ца авгѹста въ 3 д[е]нь на па

мѧ[ть] с[вѧ]тых о[те]ць Далмата Фаȣста

Ісакия въ ѹденье. бы[сть] тако

во знамение. тма бы[сть] въ с[о]лнці

съ запада акы м[ѣсѧ]ць бы[сть] въ 5

ночии а съ встока свѣтло і опѧ

ть со въстока тма бы[сть] такоже

акы м[ѣсѧ]ць 5 ночии а с запада

свѣтло і тако ісполнисѧ опѧть.

То[го] же лѣ[та] придоша в силѣ велицѣ

Нѣмци ізъ замория в Ригу

і тѹ совкѹпившесѧ вси і ри

жане і всѧ Чюдьская землѧ

і пльсковичи ѿ себе послаша

помощь мѹжь 200 ідоша на

безбожнѹю Литвѹ. і тако грѣ

хъ ра[ди] нашихъ безбожными

погаными побѣжени быша

придоша кождо десѧтыи въ

Folio 121

домы своя. То[го] же лѣ[та] приде

митрополитъ Грьчинъ ізъ

Никѣя въ Киевъ іменем Есифъ.

Въ лѣ[то] 6746 (1238) створи мана

стырь ȣ с[вѧ]т[о]го Павла Семеновая

Борисовича. В то лѣ[то] придоша

иноплеменьници г[лаго]лемиі Та

тарове на землю рѧзаньскѹ

ю множьство бещисла акы

прѹзи. і первое пришедше і ста

ша о Нѹзлѣ і взѧша ю і ста

ша станомь тѹ. і ѿтолѣ по

слаша послы своя женѹ чаро

дѣіцю і два мѹжа с нею къ

кн[ѧ]земъ рѧзаньскымъ про

сѧче ѹ нихъ десѧтины во все

мь і в лю[де]хъ и въ кн[ѧ]зехъ і въ

конихъ во всѧкомь десѧтое.

кн[ѧ]зи же рѧзаньстии Гюргі

Інъгворовъ братъ Олегъ Рома

нъ Інъгоровичь і мѹромьскы

Folio 121’

и проньскыи не въпѹстѧче

къ градомъ выѣхаша про

тивѹ имъ на Воронажь. і ре

коша имъ кн[ѧ]зи. олна насъ всѣ

хъ не бѹдеть то [же] все то ваше

бѹдеть. і ѿтолѣ пѹстиша

іхъ къ Юрью въ Володимирь

і ѿтолѣ пѹстиша о Нѹхлѣ Та

тары въ Воронажи. послаша

же рѧзаньстии кн[ѧ]зи къ Юрь

ю Володимирьскомѹ про

сѧче помочи іли самомѹ

поіти. Юрьі же самъ не поіде

ни послѹша кн[ѧ]зиі рѧзань

скыхъ молбы но самъ хотѣ

особь брань створити. но ѹ

же бѧше Б[ож]ию гнѣвѹ не проти

витисѧ яко ре[че]но бы[сть] дрѣвле

Іс[ѹс]ѹ Наѹгинѹ Б[ого]мь. егда ве

де я на землю обѣтованѹю

тогда ре[че]. азъ послю на нѧ пре

Folio 122

же васъ недоѹмѣние и гро

зѹ і страхъ и трепетъ. тако

же и преже сихъ ѿя Г[оспод]ь ѹ насъ

силѹ а недоѹмѣние и грозу

і страхъ и трепетъ вложи в нас

за грѣхы наша. тогда же и

ноплеменьници погании

остѹпиша Рѧзань і острого

мь оградиша и. кн[ѧ]зь же

рѧзаньскыи Юрьи затворі

сѧ въ градѣ с людми. кн[ѧ]зь

же Романъ Инъгоровичь ста

битисѧ противѹ ихъ съ сво

ими лю[дь]ми. кн[ѧ]зь же Юрьи

Володимирьскыи тогда

посла Еремѣя въ сторожихъ

воеводою і снѧсѧ с Романо

мь. і остѹпиша ихъ Тата

рове ѹ Коломны і бишасѧ

крѣпко і прогониша ихъ

к надолобомъ и тѹ ѹби

Folio 122’

ша кн[ѧ]зѧ Романа і Еремѣя и

много паде тѹ съ кн[ѧ]земь і съ Е

ремѣемь. москвичи же

(...) ничегоже не видѣвше. Та

тарове же взѧша градъ м[ѣсѧ]ца де

ка[брѧ] въ 21 а пристѹпили въ 16

то[го] же м[ѣсѧ]ца. такоже ізбиша кнѧ

зѧ і кнѧгыню і мѹжи і жены

і дѣти черньца і черноризиць

іерѣя овы огнемь а інѣхъ

мечемь. порѹгание черница

мъ и попадьямъ і добрымъ

женамъ и д[ѣ]в[и]цамъ пред м[а]т[е]рь

ми и сестрами. а еп[иско]па ѹблюде

Б[ог]ъ ѿѣха проче во тъ годъ егда

рать остѹпи градъ. і кто бра[ть]е

о семь не поплачетсѧ. кто сѧ нас

осталъ живыхъ. како они ну

жнѹю і горкѹю см[е]рть подъ

яша. да и мы то видѣвше ѹ

страшилисѧ быхомъ і грѣхо

Folio 123

въ своіхъ плакалисѧ съ въ

здыханиемь д[е]нь і нощь. мы

же въздыхаемъ д[е]нь і нощь пе

кѹщесѧ о імѣнии і о ненаві

сти бра[ть]и. но на предлежащая

възвратимсѧ. тогда же Рѧ

зань безбожнымъ и поганы

мъ Татаромъ вземшемъ

поідоша къ Володимирю множ

ство кровопролитець кр[ес]тья

ньскыя кръви. кн[ѧ]зь же Юрь

і выстѹпи ізъ Володимирѧ

і бѣжа на Ярославль а въ Воло

димири затворисѧ с[ы]нъ его

Всеволодъ съ м[а]т[е]рью і съ вл[ады]ко

ю і со всею областию своею. бе

законьниі же Ізмаільти

приближишасѧ къ градѹ

і остѹпиша градъ силою і оты

ниша тыномь всь. і бы[сть] на

заѹтрье ѹвидѣ кн[ѧ]зь Все

Folio 123’

володъ и вл[ады]ка Митрофанъ яко

ѹже взѧтѹ быти градѹ вни

доша въ ц[е]рк[о]вь с[вѧ]тѹю Б[огороди]цю и и

стригошасѧ вси въ образъ та[же]

въ скимѹ ѿ вл[ады]кы Митрофа

на кн[ѧ]зь и кнѧгыни дчи и

сноха і добрии мѹжи і жены.

і яко ѹже безаконьнии при

ближишасѧ поставивше поро

кы взѧша град і запалиша и

огнемь в пѧ[ток] преже мѧ[со]пѹ[ст]ны

я нед[ѣли]. і ѹвидѣвше кн[ѧ]зь і вл[ады]ка

і кнѧгыни яко зажженъ

бы[сть] градъ а лю[дь]е ѹже огнемь

кончаваютсѧ а іниі мечемь

вбѣгоша въ с[вѧ]тѹю Б[огороди]цю і за

творишасѧ в полатѣ. пога

ниі же ѿбивше двьри зажго

ша ц[е]рк[о]вь наволочивше лѣса

і іздвушиша всѧ. ти тако ско

нчашасѧ предавше д[ѹ]ша сво

Folio 124

я Г[осподо]ви. інии же погнашасѧ по

Юрьи кн[ѧ]зи на Ярославль. кн[ѧ]зь

же Юрьи посла Дорожа въ просокы

въ 3хъ 1000хъ. і прибѣжа До

рожь і рече. а ѹже кн[ѧ]же обишлі

нас около. і нача кн[ѧ]зь полкъ ста

вити около себе і се внезапѹ

Татарове приспѣша. кн[ѧ]зь же

не ѹспѣвъ ничтоже побѣже

і бы на рѣцѣ Сити і постигоша і

і животъ свои сконча тѹ. Б[ог]ъ

же вѣсть како скончасѧ. мно[го]

бо г[лаго]лють о немь инии. Ростовъ

же и Сѹждаль разидесѧ розно.

оканьнии же они ѿтолѣ при

шедше взѧша Москвѹ Пере

яславль Юрьевъ Дмитровъ

Волокъ Тфѣрь. тѹ же і с[ы]нъ Я

рославль ѹбиша. ѿтолѣ же

придоша безаконьнии і осту

пиша Торжекъ на сборъ ч[ис]тоі нед[ѣли]

Folio 124’

і отыниша тыномь всь около я

коже инии гради имахѹ. и

бишасѧ тѹ оканнии порокы по

двѣ нед[ѣли] і ізнемогоша[сѧ] лю[дь]е въ гра

дѣ а із Новагорода имъ не бы

помочи но ѹже кто же собѣ ста

лъ бѣ в недоѹмѣнии и стра

сѣ. і тако погании взѧша гра

дъ і ісѣкоша всѧ всѧ ѿ мѹ

жьска полѹ і до женьска и

ерѣіскыи чин всь і черноризь

скыи а все ізъобнажено і по

рѹгано горкою и бѣдною сме

ртью предаша д[ѹ]ша своя Г[осподо]ви

м[ѣсѧ]ца марта въ 5 на памѧ[ть] с[вѧ]то[го]

мѹ[ченика] Никона въ сре[дѹ] сре[до]хр[ес]ть

ную. тѹ же ѹбьени быша

Іванко посадникъ новоторжь

скыи Якимъ Влѹньковичь

Глѣбъ Борисовичь Михаіло

Моисиевичь. тогда же ганѧ

Folio 125

шасѧ оканьнии безбожници

ѿ Торжкѹ Серегѣрьскымъ

пѹтемь оли и до Игнача

кр[ес]та а все лю[д]и сѣкуще акы

травѹ за 100 верстъ до Нова

города. Новъгородъ же засту

пи Б[ог]ъ і с[вѧ]тая великая і зборна

я ап[осто]л[ьс]кая ц[е]ркы с[вѧ]тая Софья

і с[вѧ]тыі Кюрилъ і с[вѧ]т[ы]хъ право

вѣрныхъ архиеп[иско]пъ м[о]л[и]тва

і бл[а]говѣрныхъ кн[ѧ]зии і пр[е]п[одо]бь

ныхъ черноризець іерѣиска[го]

сбора. да кто бра[ть]е и о[т]ци и дѣти

видѣвше Б[ож]ие попѹщение се

на всеі Рѹсьскои земли. грѣ

хъ же ра[ди] нашихъ попѹсти Б[ог]ъ

поганыя на ны. наводить Б[ог]ъ

по гнѣвѹ своемѹ иноплеме

ньникы на землю і тако съ

крѹшеномъ имъ въспомѧ

нѹтсѧ къ Б[ог]ѹ. ѹсобная же

Folio 125’

рать бываеть ѿ сважения дь

яволѧ. Б[ог]ъ бо не хощеть зла въ

ч[е]л[о]в[ѣ]цѣхъ но бл[а]га. а дьяволъ ра[дѹ]

етсѧ зломѹ ѹбииствѹ и кро

вопролитию. земли же сгрѣши

вши которои любо казнить Б[ог]ъ

см[е]ртью іли гладомь іли на

ведениемь поганыхъ іли ве

дромь іли дъждемь силны

мь іли казньми инѣми а

ще ли покаемсѧ і в нем же ны

Б[ог]ъ велить жити. гл[аго]л[е]ть бо к на

мъ пр[о]р[о]к[о]мь. обратитесѧ ко

мнѣ всѣмь с[е]р[д]ц[е]мь вашимь

постомь и плачемь да аще

сице створимъ всѣхъ грѣхъ

прощени бѹдемъ. но мы на

злая възвращаемсѧ акы

свинья валѧющесѧ в калѣ

грѣховнѣмь присно і тако

пребываемъ. да сего ра[ди] ка

Folio 126

зни приемлемъ всѧкыя ѿ

Б[ог]а. і нахожение ратныхъ.

по Б[ож]ию повелѣнию грѣхъ ра[ди]

нашихъ казнь приемлемъ.

Въ лѣ[то] 6747 (1239) оженисѧ кн[ѧ]зь

Олеѯандръ с[ы]нъ Ярославль

в Новѣгородѣ поя в Полоть

скѣ ѹ Брѧчьслава дчерь і вѣ

нчасѧ в Торопчи. тѹ кашю

чини а в Новѣгородѣ дрѹ[гѹ]ю.

То[го] же лѣ[та] кн[ѧ]зь Александръ с но

вгородци срѹби городци

по Шелонѣ.

Въ лѣ[то] 6748 (1240) придоша Свѣ

і в силѣ велицѣ і Мѹрмане

і Сѹмь і Ѣмь в кораблихъ

множьство мно[го] зѣло. Свѣі

съ кн[ѧ]земь и съ п[искѹ]пы своимі

і сташа в Невѣ ѹстье Ижеры

хотѧче всприяти Ладогѹ

просто же рекѹ і Новъгородъ

Folio 126’

і всю область новгородьскѹю.

но еще пребл[а]гыи прем[и]л[ос]т[и]выи

ч[е]л[о]в[ѣ]к[о]л[ю]б[е]ць Б[ог]ъ ѹблюде ны и за

щити ѿ иноплеменьникъ

яко всѹе трѹдишасѧ без Бо

жия повелѣния. приде бо вѣ

сть в Новъгородъ яко Свѣі идѹ

ть къ Ладозѣ. кн[ѧ]зь же Олеѯа

ндръ не ѹмедли ни мало с но

вгородци і с ладожаны приде

на нѧ і побѣди я силою с[вѧ]тыя

Софья і м[о]л[и]тв[а]ми Вл[ады]ч[и]ца на

шея Б[огороди]ца і приснод[ѣ]в[и]ца М[а]рия

м[ѣсѧ]ца іюлѧ въ 15 на памѧ[ть] с[вѧ]т[о]го

Кюрика и Ѹлиты в нед[ѣлю] на сбо

ръ с[вѧ]т[ы]хъ о[те]ць 630 іже в Халки

донѣ. і тѹ бы[сть] велика сѣча

Свѣемъ. і тѹ ѹбиенъ бы[сть] во

евода іхъ іменемь Спиродо

нъ. а инии творѧхѹ яко и п[искѹ]пъ

ѹбьенъ бы[сть] тѹ же. і мно[же]ство

Folio 127

много ихъ паде. и накладше ко

раблѧ два вѧтшихъ мѹжь

преже себе пѹстиша і к морю.

а прокъ ихъ ископавше яму

вметаша в ню бещисла. а и

ниі мнози язвьни быша.

і в тѹ нощь не дождавше свѣ

та поне[дѣльника] посрамлени ѿідоша.

новгородець же тѹ паде Костѧ

нтинъ Лѹготиниць Гюрѧта

Пинещиничь Намѣстъ

Дрочило Нездыловъ с[ы]нъ ко

жевника а всѣхъ 20 мѹжь

с ладожаны іли мне Б[ог]ъ вѣ

сть. кн[ѧ]зь же Олеѯандръ съ

новгородци і с ладожаны

придоша вси здрави въ сво

яси схранени Б[ого]мь и с[вѧ]тою

Софьѥю і м[о]л[и]тв[а]ми всѣхъ

с[вѧ]т[ы]хъ. То[го] же лѣ[та] взѧша Нѣ

мци медвѣжане юрьевци

вельядци с кнѧземь Яро

Folio 127’

славомь Володимиричемь И

зборьско. і приде вѣсть въ Пль

сковъ яко взѧша Нѣмци И

зборьскъ. і выидоша пльско

вичи вси і бишасѧ с ними і по

бѣдиша я Нѣмци. тѹ же ѹ

биша Гаврила Горислалича во

еводѹ. а пльсковичь гонѧче

много побиша а инѣхъ рѹка

ми изъимаша. і пригонивше

подъ городъ і зажгоша посадъ

всь. і много зла бы[сть]. і погорѣ

ша ц[е]ркы и ч[ес]тныя іконы и

книгы і еуа[нгели]я. і много селъ по

пѹстиша около Пльскова. і сто

яша подъ городомь не[дѣ]лю но

города не взѧша. но дѣти пои

маша ѹ добрыхъ мѹжь в та

ли і ѿідоша проче. і тако бы

ша безъ мира. бѧхѹ бо пере

вѣтъ держаче с Нѣмци пль

сковичи і подъвели іхъ Тве

Folio 128

рдило Иванковичь съ инѣми

и самъ поча владѣти Пльсково

мь с Нѣмци воюя села новго

родьская. а іниі пльсковичи

вбѣжаша в Новъгородъ с жена

ми и с дѣтьми. В то [же] лѣ[то] тоі же

зимы выіде кн[ѧ]зь Олександръ

із Новагорода къ о[т]цю в Перея

славль съ м[а]т[е]рью и с женою и

со всѣмь дворомь своімь ро

спрѣвъсѧ с новгородци. Тоі же

зимы придоша Нѣмци на Во

дь с Чюдью і повоеваша и дань

на нихъ възложиша а городъ

ѹчиниша в Копорьи погостѣ.

і не то бы[сть] зло но и Тесовъ взѧша

і за 30 верстъ до Новагорода

ганѧшасѧ гость биюче. а сѣ

мо Лѹгѹ и до Саблѧ. новгоро

дци же послаша къ Ярославѹ

по кн[ѧ]зѧ і дасть имъ с[ы]на сво

его Андрѣя. Тогда же сдѹма

Folio 128’

вше новгородци послаша вл[ады]кѹ

с мѹжи опѧть по Олександра.

А на волость новгородьскѹю на

ідоша Литва Нѣмци Чюдь и

поімаша по Лѹгѣ вси кони и ско

тъ і нелзѣ бѧше орати по село

мъ і нѣчимь олна вда Яро

славъ с[ы]на своего Александра о

пѧть.

Въ лѣ[то] 6749 (1241) приде

Олеѯандръ кн[ѧ]зь в Новъгородъ

і ради быша новгородци. То[го] же

лѣ[та] поіде кн[ѧ]зь Олександръ на

Нѣмци на городъ Копорью с но

вгородци и с ладожаны і с Ко

рѣлою и съ Ижерѧны і взѧ го

родъ а Нѣмци приведе в Новъ

городъ а инѣхъ пѹсти по сво

еи воли. а Вожанъ и Чюдцю пе

ревѣтникы извѣша.

Въ лѣ[то] 6750 (1242) поиде кн[ѧ]зь Оле

ксандръ с новгородци і с бра[то]мь

Андрѣемь и с низовци на Чю

Folio 129

дьскѹю землю на Нѣмци і

зая вси пѹти и до Пльскова. и

ізгони кн[ѧ]зь Пльсковъ. ізъима

Нѣмци и Чюдь и сковавъ пото

чи в Новъгородъ а самъ поиде

на Чюдь. і яко быша на землі

пѹсти полкъ всь в зажития.

а Домашь Твердиславичь и

Кербетъ быша в розгонѣ і ѹсрѣ

тоша я Нѣмци и Чюдь ѹ моста

и бишасѧ тѹ. і ѹбиша тѹ До

маша брата посаднича мѹ

жа ч[ес]тна і інѣхъ с нимь ізбі

ша а інѣхъ рѹками изъи

маша а інии къ кн[ѧ]зю при

бѣгоша в полкъ. кн[ѧ]зь же въ

спѧтисѧ на озеро Нѣмци же

і Чюдь поідоша по нихъ. ѹ

зрѣвъ же кн[ѧ]зь Олександръ

і новгородци поставиша по

лкъ на Чюдьскомь озерѣ на

Folio 129’

Ѹзмени ѹ Воронѣя камени.

і наѣхаша на полкъ Нѣмци и Чю

дь і прошибошасѧ свиньею

сквозѣ полкъ і бы[сть] сѣча тѹ ве

лика Нѣмцемь и Чюди. Б[ог]ъ же

і с[вѧ]тая Софья і с[вѧ]тою м[ѹ]ч[е]н[и]кѹ

Бориса и Глѣба еюже ра[ди] новгоро

дци кровь свою прольяша тѣ

хъ с[вѧ]т[ы]хъ великыми м[о]л[и]тва

ми пособи Б[ог]ъ кн[ѧ]зю Александру.

а Нѣмци тѹ падоша а Чюдь

даша плеща. і гонѧче биша

іхъ на 7ми верстъ по ледѹ

до Суболичьскаго берега. і па

де Чюди бещисла а Нѣмець

400. а 50 рѹками яша. і при

ведоша в Новъгородъ. а биша

сѧ м[ѣсѧ]ца апри[лѧ] въ 5 на памѧ[ть]

с[вѧ]т[о]го м[ѹчени]ка Клавдия на похва

лѹ с[вѧ]тыя Б[огороди]ца в с[ѹбот]ѹ. То[го] же лѣ[та]

Нѣмци прислаша с поклономь.

безъ кн[ѧ]зѧ что есмы зашли

Folio 130

Водь Лѹгѹ Пльсковъ Лоты

голѹ мечемь того сѧ всего ѿ

стѹпаемъ. а что есмы изъи

мали мѹжии вашихъ а тѣ

ми сѧ розмѣнимъ. мы ваші

пѹстимъ а вы наши пѹсти

те. і таль пльсковьскѹю пѹ

стиша и ѹмиришасѧ.

Того [же] лѣ[та] кн[ѧ]зь Ярославъ Всево

лодичь позванъ ц[ѣса]р[е]мь тата

рьскымь Батыемь іде к не

мѹ въ Ордѹ.

Въ лѣ[то] 6751 (1243)

престависѧ рабъ Б[ож]ии Варламъ

а мирьскы Вѧчеславъ Прокші

ничь на Хѹтинѣ ѹ с[вѧ]т[о]го Сп[а]са

м[ѣсѧ]ца маія въ 4. а погребенъ

бы[сть] заѹтра въ 5 на памѧ[ть]

с[вѧ]тыя Ірины архиеп[иско]п[о]мь

Спиридономь и игѹмено

мь Сидоромь при кн[ѧ]зи Алеѯандрѣ.

То[го] же м[ѣсѧ]ца въ 18 на памѧ[ть] с[вѧ]т[о]го

м[ѹчени]ка Алеѯандра. явисѧ знаменье

Folio 130’

въ Пльсковѣ ѹ с[вѧ]т[о]го Іѡ[а]на в мана

стыри ѿ иконы с[вѧ]т[о]го Сп[а]са надъ

гробомь кнѧгыниномь Яро

славлеѣ Володимирича юже

ѹби свои пасынокъ в Медвѣ

жи головѣ. іде мюро ѿ иконы

по 12 днии наіде 4 воща

ници яко въ стьклѧницю

і привезоша в Новъгородъ двѣ

на бл[а]г[ослове]ние а въ Пльсковѣ оста

виша двѣ собѣ. но Г[оспод]и сл[ав]а тобѣ

давыи намъ недостоинымъ

і грѣшнымъ рабомъ своімъ

таково бл[а]г[ослове]ние. на тѧ ѹпова

емъ Г[оспод]и Вседержителю яко при

зираеши на на[с] ѹбогыхъ сво

ею многою м[и]л[ос]тью ч[е]л[о]в[ѣ]к[о]л[ю]бче.

То[го] же лѣ[та] м[ѣсѧ]ца авгѹста въ 16

престависѧ рабъ Б[ож]ии Стефа

нъ посадникъ новгородьскы

і Твердиславичь внѹкъ

Михалковъ в нед[ѣлю] въ 1 ча[с] ночі

Folio 131

на памѧ[ть] с[вѧ]тою Павла і Ѹльяны

въ притворѣ с[вѧ]тыя Софья іде

же Аркадиі і Мартѹрии архи

еп[иско]па лежита. посадничавъ 13

лѣ[т] безъ 3 м[ѣсѧ]ць.

Въ лѣ[то] 6752 (1244)

престависѧ кнѧгыни Я

рославлѧя постригшисѧ ѹ с[вѧ]т[о]го

Георгия в манастыри. тѹ

же и положена бы[сть] сторонь с[ы]на

своего Федора м[ѣсѧ]ца маія въ

4 на памѧ[ть] с[вѧ]тыя Ірины. наре[че]

но бы[сть] имѧ еи Ефросинья.

Въ лѣ[то] 6753 (1245) воеваша Литва

около Торжкѹ і Бѣжици. и

гнашасѧ по нихъ новоторжци

съ кнѧземь Ярославомь Воло

димиричемь и бишасѧ с ними.

і ѿяша ѹ новоторжцевъ ко

ни и самѣхъ биша і поідоша

с полономь проче. погониша

по нихъ Явидъ и Ербетъ со тфѣ

ричи і дмитровци і Яросла

Folio 131’

въ с новоторжьци. і биша я подъ

Торопчемь и кнѧжици іхъ въ

бѣгоша в Торопечь. заѹтра при

спѣ Александръ с новгородци.

і отѧша полонъ всь. а кнѧжиць

ісѣче іли боле 8. і ѿтолѣ новго

родци въспѧтиша. а кн[ѧ]зь по

гонисѧ по нихъ съ своимь дворо

мь і би я подъ Зижьчемь і не

ѹпѹсти ихъ ни мѹжа. і тѹ

ізби избытокъ кнѧжичь. а са

мъ поіма с[ы]на своего із Витебь

ска. поѣха в малѣ дрѹжинѣ

і срѣте инѹю рать ѹ Въс[вѧ]та.

і тѹ емѹ Б[ог]ъ поможе і тѣхъ и

зби а самъ приде сдравъ и дру

жина его.

Въ лѣ[то] 6754 (1246)

поѣха кн[ѧ]зь Олеѯандръ в Татары.

Въ лѣ[то] 6755 (1247) престависѧ ра

бъ Б[ож]ии Костѧнтинъ Вѧчесла

личь а чернечьское імѧ Анкю

динъ. і положенъ бы[сть] ч[ес]тно ѹ

Folio 132

с[вѧ]т[о]го Сп[а]са на Хѹтинѣ.

Лѣ[та] 6756 (1248)

Въ лѣ[то] 6757 (1249) престави[сѧ] архие

п[иско]пъ новгородьскыи Спиридонъ

і положенъ бы[сть] ч[ес]тно въ с[вѧ]тоі Софьі.

Въ лѣ[то] 6758 (1250) приѣха кн[ѧ]зь О

лександръ изъ Орды і бы[сть] ра

дость велика в Новѣгородѣ.

Въ лѣ[то] 6759 (1251) приѣха Кюрилъ

митрополитъ в Новъгородъ и

ростовьскыи еп[иско]пъ Кюрилъ же

іменемь. і поставиша архие

п[иско]па новгородьского Далмата.

Того [же] лѣ[та] наідоша дъждеве и

поімаша вси рли і обилия и

сѣна і мостъ снесе вода на Во

лховѣ великыи. і на осень би

морозъ обилье но останокъ

ізбыисѧ. Г[оспод]ѹ бо Б[ог]ѹ попѹща

ющю за грѣхы наша ово гла

дъ ово рать і іны всѧкыя ка

зни. но о м[и]л[осе]рдие его великое

і терпить о насъ ожидая пока

Folio 132’

яния якоже самъ реклъ есть.

не хощю см[е]рти грѣшникѹ

но обращения животѹ его.

і оставлѧеть намъ останкы

на оживление наше.

Въ лѣ[то] 6760 (1252) погорѣ Славно ѿ

с[вѧ]т[о]го Ильи до Нѹтноі ѹлици.

Въ лѣ[то] 6761 (1253) воеваша Литва

волость новгородьскѹю і по

імаша с полономь и ѹгониша

іхъ новгородци с кн[ѧ]земь Васи

льемь ѹ Торопча. і тако мьсти

імъ кровь хр[ис]тьяньская і по

бѣдиша я і полонъ ѿімаша

і придоша в Новъгородъ здрави.

То[го] же лѣ[та] придоша Нѣмци подъ

Пльсковъ і пожгоша посадъ

но самѣхъ много іхъ пльскови

чи биша. і поідоша новгородци

полкомь к нимъ из Новагоро

да і они побѣгоша проче. і при

шедше новгородци в Новъгородъ

Folio 133

і покрѹтившесѧ ідоша за На

ровѹ і створиша волость іхъ

пѹстѹ. і Корѣла такоже мно[го]

зла створиша волости ихъ.

То[го] же лѣ[та] ідоша съ пльсковичи

воеватъ ихъ і они противѹ

іхъ поставиша полкъ і побѣ

диша я пльсковичи силою кр[ес]та

ч[ес]тнаго. сами бо на себе почали

оканьнии престѹпници пра

вды. і прислаша въ Пльсковъ

і в Новъгородъ хотѧще мира

на всеи воли новгородьскои и

на пльсковьскои. і та[ко] ѹміріша[сѧ].

То[го] же лѣ[та] на зимѹ выбѣже

кн[ѧ]зь Ярославъ Ярославичь

із Низовьскоѣ земли і поса

диша его въ Пльсковѣ.

Въ лѣ[то] 6762 (1254) добро бѧше хр[ис]ть

яномъ.

Въ лѣ[то] 6763 (1255) вы

ведоша новгородьци изъ Пль

скова Ярослава Ярославіча

Folio 133’

і посадиша е[го] на столѣ а Василь

я выгнаша вонъ. і то слыша

въ Олександръ о[те]ць Васильевъ по

іде ратью к Новѹгородѹ. ідѹ

щю Олеѯандрѹ съ многыми по

лкы і с новоторжьци срѣте и

Ратишка с перевѣтомь. посту

паи кнѧже бра[т] твоі Ярославъ

побѣглъ. і поставиша новгоро

дци полкъ за Р[о]ж[дес]твомь Х[ристо]вомь

в конци. а что пѣшца а ти ста

ша ѿ с[вѧ]т[о]го Ільи противѹ Городи

ща. і рекоша меншии ѹ с[вѧ]т[о]го Ни

колы на вѣчи. бра[ть]е ци како ре[че]

ть кн[ѧ]зь. выдаіте моі ворогы.

і цѣловаша с[вѧ]тѹю Б[огороди]цю менши

і како стати всѣмъ любо жи

вотъ любо см[е]рть за правдѹ

новгородьскѹю за свою о[т]чи

нѹ. і бы[сть] въ вѧтшихъ свѣтъ

золъ како побѣти меншии

а кн[ѧ]зѧ въвести на своеі воли.

Folio 134

і побѣжа Михалко із города къ

с[вѧ]т[о]му Георгию како было ему

своімь полкомь ѹразити на

шю сторонѹ і ізмѧсти люди.

ѹвѣдавъ Онанья хотѧ ему

добра посла по немь в таінѣ Я

кѹна. і ѹвѣдавше черныи

люди погнаша по немь і хотѣ

ша на дворъ его і не да Онанья.

бра[ть]е аже того ѹбиете ѹбиіте

мене переже. не вѣдѧше бо аже

о немь мысль злѹ свѣщаша

самого яти а посадничьство

дати Михалкѹ. і присла кн[ѧ]зь

Бориса на вѣче. выдаите ми

Онанью посадника. іли не вы

дадите язъ вамъ не кн[ѧ]зь і

дѹ на городъ ратью. і послаша

новгородци къ кн[ѧ]зю вл[ады]кѹ і

Клима тысѧцьско[го]. поѣди кнѧ

же на своі столъ а злодѣевъ

не слушаі а Онаньи гнѣва ѿ

Folio 134’

даі і всѣм мѹжемъ новгородь

скымъ. і не послѹша кн[ѧ]зь мо

лбы вл[ады]чни і Климовы. і реко

ша новгородци. аже бра[ть]е кн[ѧ]зь

нашь тако сдѹмалъ с нашим[і]

кр[ес]топерестѹпникы оно имъ

Б[ог]ъ и с[вѧ]тая Софья а кн[ѧ]зь безъ

грѣха. і стоя всь полкъ по 3

дни за свою правдѹ. і въ 4и

д[е]нь присла кн[ѧ]зь река тако. а

же Онанья лишитсѧ посадничь

ства язъ вамъ гнѣва ѿдамь.

і лишисѧ посадничьства Она

нья і взѧша миръ на всеі воли

новгородскои. і поіде кн[ѧ]зь в город

і срѣте і архиеп[иско]пъ Далматъ

со всѣмъ иерѣіскымь чи[но]мь

съ кр[ес]ты ѹ Прикѹповичь

двора. і вси радости исполни

шасѧ а злодѣі омрачишасѧ.

зане хр[ис]тьяномъ ра[до]сть а дь

яволѹ пагѹба яко не бы[сть]

Folio 135

хр[ис]тьяномъ кровопролития

велика. і сѣде кн[ѧ]зь Олександръ

на своемь столѣ. В лѣ[то] то [же] да

ша посадничьство Михалкѹ

Степановичю.

Въ лѣ[то] 6764 (1256)

придоша Свѣи і Ѣмь и Сѹмь

і Дидманъ съ своею волостью

і множьство і начаша чиниті

городъ на Наровѣ. тогда же не

бѧше кн[ѧ]зѧ в Новѣгородѣ и

послаша новгородци в Низъ

къ кн[ѧ]зю по полкы а сами по

своеі волости рослаша. они же

оканьнии ѹслышавше по

бѣгоша за море. В то [же] лѣ[то] на зи

мѹ приѣха кн[ѧ]зь Олеѯандръ

і митрополитъ с нимь. і поіде

кн[ѧ]зь на пѹть и митрополи

тъ с нимь. і новгородци не

вѣдѧхѹ кдѣ кн[ѧ]зь идеть.

друзии творѧхѹ яко на Чю

дь идеть. ідоша до Копорьи

Folio 135’

і поіде Алеѯандръ на Ѣмь а ми

трополитъ поіде в Новъгородъ

а іниі мнози новгородци въ

спѧтишасѧ ѿ Копорьи. і пои

де съ своіми полкы кн[ѧ]зь і с но

вгородци. і бы[сть] золъ пѹть а

кыже не видали ни дни ни но

чи. і многымъ шестникомъ

бы[сть] пагѹба а новгородцевъ

Б[ог]ъ сблюде. і приде на землю

Ѣмьскѹю овыхъ избиша а

дрѹгыхъ изъимаша. і при

доша новгородци с кн[ѧ]земь О

лександромь вси здорови.

Тогда же кн[ѧ]зь поіде в Низъ по

іма послы новгородьскыи Е

леѹфѣрья і Михаіла Пи

нѥщинича а с[ы]на своего Ва

силья посади на столѣ.

Въ лѣ[то] 6765 (1257) приде вѣсть

ізъ Рѹси зла яко хотѧть

Татарове тамгы і десѧтины

Folio 136

на Новѣгородѣ. і смѧтошасѧ лю

ди чересъ все лѣ[то]. і къ Г[оспо]жинѹ дни

ѹмре Онанья посадникъ а на

зимȣ убиша Михалка посадни[ка]

новгородци. аще бы кто добро

дрѹгѹ чинилъ то добро бы

было. а копая подъ другомь

ямѹ сам сѧ в ню въвалить.

Тоі же зимы приѣхаша послы

татарьскыи съ Олександромь

а Василии побѣже въ Пльсковъ. и по

чаша просити послы десѧтины

тамгы. і не яшасѧ новгородь

ци по то. даша дары ц[ѣса]р[е]ви и ѿ

пѹстиша я с миромь. а кн[ѧ]зь Оле

ѯандръ выгна с[ы]на своего ізъ Пль

скова і посла в Низъ а Алеѯа

ндра и дрѹжинѹ его казни.

овомѹ носа ѹрѣзаша а іно

мѹ очи выимаша кто Ва

силья на зло повелъ. всѧкъ

бо злыи злѣ да погыбнеть.

Folio 136’

Тоі же зимы ѹбиша Мишю. тои [же]

зимы даша посадничьство Ми

хаілѹ Федоровичю выведше

из Ладогы. а тысѧчьское Жи

рохѹ даша.

Въ лѣ[то] 6766 (1258) придоша Ли

тва с полочаны къ Смоленьску

і взѧша Воіщинѹ на щитъ.

тоі же осени приходиша Литва

к Торжькѹ и высȣшасѧ Ново

торжькѹ. і по грѣхомъ наши

мъ повергоша Литва подъсаду

овыхъ избиша а інѣхъ рѹка

ми изъимаша. а инии одва

ѹбѣжаша. і много зла бы[сть] въ

Торжькѹ. тоі же зимы взѧ

ша Татарове всю землю Лито

вьскѹю а самѣхъ избиша.

Въ лѣ[то] 6767 (1259) бы[сть] знамени

е в лѹнѣ. яко ни знамения не

бы[сть]. тоі же зимы приѣха Ми

лаило Пинещиничь із Низу

со лживымь посольствомь.

Folio 137

река та[ко]. аже не иметесѧ по чи

сло то ѹже полкы на Низовь

скоі земли. і яшасѧ новгоро

дци по число. тоі же зимы при

ѣхаша оканьнии Татарове сы

роядци Беркаи и Касачикъ

с женами своими і инѣхъ

много. и бы[сть] мѧтежь великъ

в Новѣгородѣ і по волости мно[го]

зла ѹчиниша берѹче туску

оканьнымъ Татаромъ. і на

ча оканьныи боятисѧ сме

рти. ре[че] Олександрѹ. даі на

мъ сторожи ать не ізбьють

на[с]. і повелѣ кн[ѧ]зь стеречи и[х]

с[ы]нѹ посадничю і всѣмъ дѣ

темъ боярьскымъ по но

чемъ. і рѣша Татарове. даи

те намъ число іли бѣжимъ

проче. і чернь не хотѣша да

ти числа но рѣша. ѹмремъ

ч[ес]тно за с[вѧ]тѹю Софью і за до

Folio 137’

мы анг[е]л[ьс]кыя. тогда издвоиша

сѧ люди. кто добрыхъ тотъ по

с[вѧ]тоі Софьи і по правоі вѣрѣ. и

створиша сѹпоръ. вѧтшии

велѧтсѧ яти меншимъ по

числѹ. і хотѣ оканьныи по

бѣжати гонимъ с[вѧ]т[ы]мь Д[ѹ]хо

мь. і ѹмыслиша свѣтъ зо

лъ. како ѹдарити на городъ

на онѹ сторонѹ. а дрѹзии

озеромь на сю сторонѹ. і възъ

брани имъ видимо сила Х[ристо]ва

і не смѣша. і ѹбоявшесѧ по

чаша сѧ возити на одинѹ

сторонѹ къ с[вѧ]тоі Софьи. реку

ще. положимъ главы своя ѹ

с[вѧ]тоі Софьи. і бы[сть] заѹтра съѣ

ха кн[ѧ]зь с Городища і окань

нии Татарове с нимь. і злы

хъ свѣтомь яшасѧ по чи

сло. творѧхѹ бо бояре собѣ

легко а меншимъ зло. і по

Folio 138

чаша ѣздити оканьнии по ȣ

лицамъ пишюче домы хр[ис]ть

яньскыя. зане навелъ Б[ог]ъ

за грѣхы наша іс пѹстынѧ

звѣри дивияя ясти силны

хъ плъти і пити кровь боя

рьскѹю. і ѿѣхаша оканьни

і вземше число а кн[ѧ]зь Оле

ксандръ поѣха послѣ. поса

дивъ с[ы]на своего Дмитрия на

столѣ. То[го] же лѣ[та] на кану

нъ Бориша дни бы[сть] мразъ

великъ по волости. но Г[оспод]ь не хо

тѧ мѣста сего с[вѧ]тоі Софьи оста

вити пѹста ѿврати яро

сть свою ѿ на[с] і призрѣ око

мь м[и]л[осе]рдия своего кажа

на[с] на покаяние. но мы грѣ

шнии акы пси обращаемъ

сѧ на своя бльвотины не по

мышлѧюще казни Б[ож]ия я

же на ны приходить за грѣхы

наша.

Folio 138’

Въ лѣ[то] 6768 (1260) бы[сть] тишина все лѣ[то].

Въ лѣ[то] 6769 (1261) поби вл[ады]ка новго

родьскыи Далматъ с[вѧ]тѹю Со

фью всю свинцемь. То[го] же лѣ[та]

м[ѣсѧ]ца ноя[брѧ] въ 8 на сборъ с[вѧ]т[о]го Ми

хаіла сгорѣ ц[е]ркы с[вѧ]т[о]го Васильѧ.

а дворовъ добрыхъ 30 а на за

ѹтрье на Славковѣ ѹлици

сгорѣ ц[е]ркы с[вѧ]т[о]го Дмитрия

а дворовъ добрыхъ 50.

Въ лѣ[то] 6770 (1262) срѹбиша новго

родци городъ новъ а с Литво

ю миръ взѧша. То[го] же лѣ[та] съ

горѣ ѿ грома ц[е]ркы с[вѧ]т[о]го мѹ[ченика]

Бориса і Глѣба. горазда бо бѧ

ше и лѣпа. То[го] же лѣ[та] въ осени

нѣ ідоша новгородци съ кн[ѧ]зе

мь Дмитриемь Алеѯандрови

чемь великымь полкомь

подъ Юрьевъ. бѧше тогда и Ко

стѧнтинъ кн[ѧ]зь зѧть Алеѯа

ндровъ і Ярославъ бра[т] Алеѯа

Folio 139

ндровъ съ своими мѹжи і по

лотьскыи кн[ѧ]зь Товтивилъ с ним

полочанъ и Литвы 500 а новгоро

дьского полкѹ бещисла толко

Б[ог]ъ вѣсть. і бѧше град твердъ Ю

рьевъ въ 3 стѣны і множь

ство лю[ди]и в немь всѧкыхъ и

бѧхѹ пристроили собѣ брань

на градѣ крѣпкѹ. но ч[ес]тнаго

кр[ес]та сила і с[вѧ]тоі Софьи всегда

низлагаеть неправдѹ імѣ

ющихъ. тако и сии град ни во что

же твердость та бы[сть]. но помо

щью Б[ож]иею одинымь пристѹ

плениемь взѧтъ бы[сть] і люди

многы града того овы поби

ша а дрѹгы изъимаша жи

вы а инии огнемь пожжени

і жены ихъ и дѣти. і взѧша

товара бещисла і полона. а

мѹжа добра застрѣлиша

с города і Петра ѹбиша Мѧ

Folio 139’

сниковича. і приде кн[ѧ]зь Дми

трии в Новъгородъ со всѣми

новгородци съ многымь то

варомь. То[го] же лѣ[та] постави че

рнець Василии ц[е]рк[о]вь с[вѧ]т[о]го Васи

лия а Б[ог]ъ его вѣсть своимь ли

іли Борисовымь Гавшинича.

но подаі Г[оспод]и імъ ѿдание грѣхо

въ і Василии с[вѧ]тыи.

Того [же] лѣ[та] поіде кн[ѧ]зь Олеѯандръ

в Татары і ѹдержа і Берка

не пѹстѧ в Рѹсь. і зимова

в Татарѣхъ і разболѣсѧ.

Въ лѣ[то] 6771 (1263) приде кн[ѧ]зь Оле

ѯандръ ис Татаръ велми не

здравѧ въ осенинѣ і приде

на Городець и пострижесѧ въ

14 м[ѣсѧ]ца ноя[брѧ] на памѧ[ть] с[вѧ]т[о]го

ап[осто]ла Филипа. тои же ночи

і престависѧ. і везоша і въ Во

лодимирь і положиша и въ

манастыри ѹ с[вѧ]тоі Б[огороди]ци Р[о]ж[дес]тва.

Folio 140

і снемшесѧ еп[иско]пи и игѹмени съ

митрополитомь Кюриломь и

со всѣмь ерѣискымь чиномь

і с черноризци і со всѣми сѹжда

лци. погребоша і ч[ес]тно м[ѣсѧ]ца то[го]

же въ 23 на с[вѧ]т[о]го Амфилохи

я в пѧток. даи Г[оспод]и м[и]л[ос]т[и]выи ви

дѣти емѹ лице твое в бѹду

щиі вѣкъ. іже потрѹдисѧ за

Новъгородъ і за всю Рѹсьску

ю землю. То[го] же лѣ[та] в Литвѣ

бы[сть] мѧтежь Б[ог]ѹ попѹщьшю

на нихъ гнѣвъ свои. въсташа

сами на сѧ і ѹбиша кн[ѧ]зѧ ве

лика Миндовга своі родици

свѣщавшесѧ отаі всѣхъ.

То[го] же лѣ[та] роспрѣвшесѧ ѹбои

ци Миндовгови о товаръ его.

ѹбиша добра кн[ѧ]зѧ полоть

ского Товтивила а бояры по

лотьскыя ісковаша і проси

ша ѹ полочанъ с[ы]на Товтиви

Folio 140’

лова ѹбити же. и онъ вбѣжа в Но

въгородъ с мѹжи своіми. тогда

Литва посадиша свои кн[ѧ]зь в Поло

тьскѣ. а полочанъ пѹстиша

которыхъ изъимали с кн[ѧ]земь

іхъ а миръ взѧша.

Въ лѣ[то] 6772 (1264)

выгнаша новгородци

кн[ѧ]зѧ Дмитрия Александрови

ча сдѹмавше с посадникомь

Михаиломь. зане кн[ѧ]зь еще

малъ бѧше. а по Ярослава посла

ша по брата Алеѯандрова во

Тфѣрь с[ы]нъ посадничь і лѹчши

і бояры.

Въ лѣ[то] 6773 (1265) поса

диша в Новѣгородѣ на столѣ кн[ѧз]ѧ

Ярослава Ярославича м[ѣсѧ]ца ге

нварѧ въ 27. То[го]ж лѣ[та] бы[сть] мѧтеж

великъ в Литвѣ Б[ож]иемь попѹще

ниемь на нихъ. не терпѧше бо

Г[оспод]ь Б[ог]ъ нашь зрѣти на неч[ес]т[и]вы

я і поганыя. видѧ іхъ проли

вающа кровь хр[ис]тьяньскѹю

Folio 141

акы водѹ і іны расточены ѿ них

по чюжимъ землѧмъ. тогда

Г[оспод]ь въздасть имъ по дѣломъ ихъ.

Бѧше ѹ Миндовга кн[ѧ]зѧ лито

вьского с[ы]нъ імѧ емѹ Воішелгъ.

того избра Г[оспод]ь поборника по пра

воі вѣрѣ. шедъ бо в горѹ Синаи

скѹю ѿ о[т]ца своего і ѿ рода свое[го]

і ѿ поганыя вѣры своея. по

зна істиньнѹю вѣрѹ хр[ис]тья

ньскѹю і кр[ес]тисѧ во имѧ О[т]ца

і С[ы]на и с[вѧ]т[о]го Д[ѹ]ха. і наѹчисѧ

с[вѧ]т[ы]мъ книгамъ. і пострижесѧ

въ мнишьскыи чинъ въ С[вѧ]тои

горѣ. і пребывъ тамо 3 лѣ[та] по

іде в землю свою къ о[т]цю своему.

о[те]ць же поганъ сы ласкаше его

остатисѧ вѣры хр[ис]тьяньскы

я і чернечьства і прияти кнѧ

жение свое. он же въорѹже

нъ силою кр[ес]тьною не хотѣ и

слышати ласкы о[т]ца своего

Folio 141’

ни прѣщения ѥго не ѹбоясѧ

но і шедъ ѿ о[т]ца. сгради собѣ ма

настырь въ хр[ис]тьянехъ і тѹ

пребываше славѧ с[вѧ]тѹю Тр[ои]цю

О[т]ца і С[ы]на і с[вѧ]т[о]го Д[ѹ]ха. по ѹбиени

і же о[т]ца своего не хотѧщю ему

сего створити но Б[ог]ѹ попѹщь

шю на нихъ на поганѹю Литву

за хр[ис]тьяньскѹю кровь вло

жи семѹ въ с[е]рдце соімѧ съ се

бе ризѹ обѣщасѧ Б[ог]ѹ на 3

лѣ[та] како прияти риза своя

а ѹстава мнишьскаго не оста

сѧ. съвкѹпи около себе вои

о[т]ца своего і приятели помо

ливъсѧ кр[ес]тѹ ч[ес]тнѹмѹ шедъ

на поганѹю Литвѹ і побѣди я

і стоя на земли іхъ все лѣ[то]. тогда

оканьнымъ възда Г[оспод]ь по дѣ

ломъ ихъ. всю бо землю іхъ о

рѹжиемь поплѣни а по хр[ис]ть

яньскоі земли веселие бы[сть] всю

да.

Folio 142

Тогда вбѣгоша въ Пльсковъ съ

300 Литвы с женами и с дѣтми

і кр[ес]ти я кн[ѧ]зь С[вѧ]тъславъ с по

пы пльсковьскыми и съ пль

сковичи. а новгородци хотѣша

іхъ исѣщи но не выда іхъ кн[ѧ]зь

Ярославъ і не ізбьени быша.

Въ лѣ[то] 6774 (1266) посадиша пльско

вичи ѹ себе кн[ѧ]зѧ Довмонта

литовьского. То[го] же лѣ[та] вложи

Б[ог]ъ въ с[е]рдце Довмонтѹ бл[а]г[ода]ть

свою побороти по с[вѧ]тоі Софьи и

по с[вѧ]тоі Тр[ои]ци ѿмьстити кровь

хр[ис]тьяньскѹю і поіде со пль

сковичи на поганѹю Литвѹ

і повоеваша много і кнѧгы

ню Герденевѹю взѧша і 2

кнѧжича взѧша. кн[ѧ]зь же

Гердень совкѹпи около себе

силѹ литовьскѹю і погони

сѧ по нихъ. і яко ѹвѣдаша

пльсковичи погоню ѿслаша

Folio 142’

полонъ а сами сташа крѣпко

противѹ имъ о сю сторонѹ Дві

ны. Литва же начаша бродити

сѧ на сю сторонѹ. тогда пльско

вичи снѧшасѧ с ними. і посо

би Б[ог]ъ кн[ѧ]зю Довмонтѹ съ пль

сковичи і множьство много

іхъ побиша. а інии в рѣцѣ и

стопоша. толко ѹбѣжа оди

нъ кн[ѧ]зь Гердень в малѣ дрѹ

жинѣ. пльсковичи же при

доша вси здорови. То[го] же лѣ[та]

на зимѹ ходиша пакы пль

сковичи на Литвѹ съ кн[ѧ]зе

мь Довмонтомь. То[го] же лѣ[та]

при[де] кн[ѧ]зь Ярославъ в Новъго

родъ с полкы низовьскыми

хотѧ ити на Пльсковъ на До

вмонта. новгородци же въ

збраниша ѥмѹ г[лаго]л[ю]ще. оли

кн[ѧ]же тобѣ с нами ѹвѣдавъ

шесѧ. то[же] ѣхати въ Пльсковъ.

Folio 143

кн[ѧ]зь же ѿсла полкы назадь.

Въ лѣ[то] 6775 (1267) по грѣхомъ нашим

загорѣсѧ на Кѹзмадемьяни

ѹлици м[ѣсѧ]ца маія 23 передъ

ве[че]рнею і погорѣ всь конець Нере

вьскыи. о горе бра[ть]е толь лютъ

бѧше пожаръ яко і по водѣ хо

жаше огнь. і мно[го] товара погорѣ на Волховѣ в лодьяхъ. и нѣколи

ко головъ сгорѣ. і одиномь часѣ

все погорѣ. і мнози ѿ то[го] разбога

тѣша а інии мнози обнищаша.

То[го] же лѣ[та] ходиша новгородци съ Еле

фѣрьемь Сбыславичемь і с Доȣмо

нтомь съ пльсковичи на Литвѹ

і много іхъ повоеваша і приѣха

ша вси здорови.

Въ лѣ[то] 6776 (1268)

сдѹмаша новгородци с кн[ѧ]земь

своімь Юрьемь хотѣша ити на

Литвѹ а інии на Полтескъ а и

[ни]і за Наровѹ. і яко быша на Дѹ

бровнѣ бы[сть] распрѧ і въспѧтиша[сѧ]

і поідоша за Нарову къ Раковорѹ

Folio 143’

і мно[го] в земли ихъ потратиша

а города не взѧша. застрѣли

ша же с города мѹжа добра

Федора Сбыславича і інѣхъ

6 ч[е]л[о]в[ѣ]къ. і приѣхаша здорови.

То[го] же лѣ[та] сдѹмавше новгородци

с посадникомь Михаиломь при

зваша кн[ѧ]зѧ Дмитрия Алекса

ндровича ис Переяславлѧ с по

лкы а по Ярослава послове посла

ша. і посла Ярославъ в себе мѣсто

С[вѧ]тъслава с полкы. і ізискаша ма

стеры порочныѣ і начаша чи

нити порокы въ вл[ады]чни дворѣ. и

прислаша Нѣмци послы своя

рижане вельяжане юрьевци

і ізъ инѣхъ городовъ с лестью

г[лаго]л[ю]ще. намъ с вами миръ. пере

могаітесѧ с колыванци і съ ра

коворци а мы к нимъ не приста

ваемъ а кр[ес]тъ цѣлѹемъ. и

цѣловаша послы кр[ес]тъ а тамо

ѣздивъ Лазорь Моісиевичь

Folio 144

водилъ всѣхъ ихъ къ кр[ес]тѹ писку

повъ и Б[ож]иіхъ дворѧнъ. яко не по

могати имъ колыванцемъ і ра

коворцемъ. і пояша на своі рѹцѣ

мѹжа добра із Новагорода Семь

юна цѣловавше кр[ес]тъ. і совкѹпи

вшесѧ вси кн[ѧ]зи в Новъгородъ

Дмитрии С[вѧ]тъславъ брат его Ми

хаило Костѧнтинъ Юрьи Яро

полкъ Довмонтъ пльсковьскы

і і інѣхъ кн[ѧ]зии нѣколико по

ідоша к Раковорѹ м[ѣсѧ]ца генварѧ

23. і яко внидоша в землю іхъ

і роздѣлишасѧ на 3 пѹти і мно[го]

множьство іхъ воеваша. і тѹ на

ѣхаша пещерѹ непроходнѹ

в неіже бѧше множьство Чюди

влѣзше і бѧше нѣлзѣ іхъ взѧ

ти. і стояша 3 дни. тогда ма

стеръ порочныи хытростью пу

сти на нѧ водѹ. Чюдь же побѣ

гоша сами вонъ і ісѣкоша ихъ

а товаръ новгородци кн[ѧ]зю Дмі

Folio 144’

трию всь даша. і ѿтолѣ постѹпи

ша к Раковорѹ. і яко быша на рѣ

цѣ Кѣголѣ і тѹ ѹсрѣтоша стоя

щь полкъ нѣмецьскыи. і бѣ ви

дѣти якоі лѣсъ. бѣ бо съвкѹ

пиласѧ всѧ землѧ Нѣмецьска

я. новгородци же не ѹмедлѧче

ни мало поідоша к нимъ за рѣ

кѹ і начаша ставити полкы.

пльсковичи же сташа по правои

рѹцѣ а Дмитрии и С[вѧ]тъславъ

сташа по правѹ же выше а по лѣ

вѹ ста Михаило новгородци же

сташа в лице желѣзномѹ полку

противѹ великои свиньи. и тако

поідоша противѹ собѣ. і яко съ

стѹпишасѧ бы[сть] страшно побои

ще яко не видали ни о[т]ци ни дѣ

ди. і тѹ створисѧ зло велико. ѹ

биша посадника Михаіла і Тве

рдислава Чермного Никифора Ра

дѧтинича Твердислава Моісие

вича Михаіла Кривцевича Івача

Folio 145

Бориса Ілдѧтинича бра[та] его Лазо

рѧ Ратшю Василѧ Воіборзовича

Осипа Жирослава Дорогомиловило

ча [sic!] Поромана Подвоіско[го] Полюда

і мно[го] добрыхъ бояръ а іныхъ че

рныхъ людии бещисла. а іныхъ

без вѣсти не бы[сть]. тысѧчьского

Кондрата Ратислава Болдыже

вича Данила Мозотинича а і

ныхъ мно[го] Б[ог]ъ и вѣсть а пльскови[чи]

такоже і ладожанъ. а Юрьи кн[ѧ]зь

вда плечи іли перевѣтъ былъ

в немь то Б[ог]ъ вѣсть. но то бра[ть]е за

грѣхы наша Б[ог]ъ казнить ны и

ѿятъ ѿ насъ мѹжи добрыѣ

да быхом сѧ покаяли якоже

г[лаго]л[е]ть Писание. дивно орѹжие

м[о]л[и]тва і постъ. і па[к]ы м[и]л[ос]т[ы]ни

совкѹпиласѧ с постомь ѿ см[е]рті

ізбавлѧета ч[е]л[о]в[ѣ]ка. і пакы не по

мѧнемъ Исаія пр[о]р[о]ка г[лаго]л[ю]ща. аще

хощете послѹшати мене бл[а]га

я земная снѣсте. аще ли не хоще

Folio 145’

те ни послѹшаете мене орѹжи

е вы поясть і тако поженеть е

динъ 100 васъ а ѿ ста побѣгнет

1000 васъ. мы [же] тѹ стр[ас]ть видѣвъ

ше ни хѹдѣ покаемсѧ грѣ

хъ своіхъ но горше быхомъ на

зло. братъ брата хотѧще снѣ

сти завистию і дрѹг дрѹга

кр[ес]тъ цѣлѹюще і пакы престу

пающе а не вѣдѹще кака есть

сила кр[ес]тная. кр[ес]т[о]мь бо побѣ

жены бывають силы бѣсовь

скыя. кр[ес]тъ кн[ѧ]земъ пособить

въ бранехъ кр[ес]т[о]мь огражаемі

вѣрнии людие побѣжають су

противныя. іже бо кр[ес]тъ престу

пають то і сдѣ казнь приима

ють і на ономь вѣцѣ мѹкѹ

вѣчнѹю. мы же на преднее въ

звратимсѧ. бывшю бо велико

мѹ томѹ снѧтию і добрымъ

мѹжемъ главами своіми покы

вающе за с[вѧ]тѹю Софью м[и]л[осе]рдыи

Folio 146

Г[оспод]ь посла м[и]л[ос]ть свою въскорѣ не

хотѧ см[е]рти грѣшникѹ до конца

кажа на[с] и пакы милѹя ѿвра

ти ярость свою ѿ на[с] і призрѣ

м[и]л[осе]рдымь си окомь. силою кр[ес]та

ч[ес]тнаго і помощью с[вѧ]тыя Софь

я м[о]л[и]тв[а]ми с[вѧ]тыя Вл[ады]ч[и]ца наше

я Б[огороди]ца приснод[ѣ]в[и]ца М[а]рия і всѣх

с[вѧ]т[ы]хъ пособи Б[ог]ъ кн[ѧ]зю Дмитрию

і новгородцемъ м[ѣсѧ]ца февра[рѧ] 18

на памѧ[ть] с[вѧ]т[о]го о[т]ца Лва в с[ѹбот]ѹ сыро

пѹ[ст]нѹю. і гониша іхъ бьюче и

до города въ 3 пѹти на семи ве

рстъ якоже не мочи ни коневи

стѹпити трѹпиемь. і тако въ

спѧтишасѧ ѿ города і ѹзрѣша

іныи полчищь свинью велику

ю которая бѧше вразиласѧ въ

возникы новгородьскыѣ. і хо

тѣша новгородци на нихъ ѹда

рити но інии рекоша. ѹже есть

велми к ночи еда како смѧте

мсѧ і побиемсѧ сами. і тако

Folio 146’

сташа близъ противѹ собѣ ожи

дающе свѣта. они же оканьнии

кр[ес]топрестѹпници не дождавъ

ше свѣта побѣгоша. новгородци

же стояша на костехъ 3 дни и

приѣхаша в Новъгородъ привезо

ша братию свою ізбьеныхъ і по

ложиша посадника Михаила ѹ

с[вѧ]тоі Софьи. бѹ[ди] Г[оспод]и Б[ож]е м[и]л[ос]т[и]выи

ч[е]л[о]в[ѣ]к[о]л[ю]бче въ ономь вѣцѣ ста

ти со всѣми ѹгодившими ти

ѿ вѣка іже кровь свою пролья

ша за с[вѧ]тѹю Софью животъ свои

ѿдавше ч[ес]тно. І даша посадни

чьство Павшѣ Онаньіничю. а

тысѧчьско[го] не даша никому[же]

ци бѹдеть Кондратъ живъ.

Въ лѣ[то] 6777 (1269) придоша Нѣмци в си

лѣ велицѣ подъ Пльсковъ в нед[ѣлю]

всѣх с[вѧ]т[ы]хъ і пристѹпиша к городу

і не ѹспѣша ничтоже но боль

шюю ранѹ въсприяша і стоя

ша 10 днии. новгородци же съ

Folio 147

кн[ѧ]земь Юрьемь погонишасѧ по

нихъ інии на конихъ а іниі в наса

дѣхъ поѣхаша вборзѣ. і яко ѹвѣ

даша Нѣмци новгородьскыи по

лкъ побѣгоша за рѣкѹ. новгоро

дци же приѣхаша въ Пльсковъ и

взѧша миръ чресъ рѣкѹ на все

і воли новгородьскои. То[го] же лѣ[та]

приѣха кн[ѧ]зь Ярославъ в Новъго

родъ і нача жалити. мѹжи

мои і бра[ть]я моя і ваша побита

а вы розъратилисѧ с Нѣмци.

на Жирослава Д[а]в[и]довича і на Мі

хаіла Мишинича і на Юрья Сбы

славича хотѧ іхъ лишити воло

сти. новгородци же сташа за них.

кн[ѧ]зь же хотѣ із города ѣха

ти. новгородци же кланѧхѹ

сѧ емѹ. кн[ѧ]же тѣмъ гнѣва

ѿдаі а ѿ

на[с] не ѣзди. еще бо не

добрѣ сѧ бѧхѹ ѹмирили с Нѣ

мци. кн[ѧ]зь же того не послѹша

і поѣха проче. і послаша вл[ады]кѹ

Folio 147’

с вѧтшими мѹжи с молбою і въ

спѧтиша і с Броньници. тогда же

даша тысѧчьское Ратиборѹ

Клѹксовичю по кн[ѧ]жи воли.

То[го] же лѣ[та] на зимѹ кн[ѧ]зь Ярославъ

с новгородци сдѹмавъ посла на

Низовьскѹю землю С[вѧ]тъслава

полковъ копитъ. і совкѹпи всѣх

кн[ѧ]зии і полкѹ бещисла і приде

в Новъгородъ. і бѧше тѹ баскакъ

великъ володимирьскыи іме

немь Амраганъ і хотѣша ити

къ Колываню. і ѹвѣдавше Нѣ

мци прислаша послы с молбою.

кланѧемсѧ на всеі воли вашеи

Норовы всеі ѿстѹпаемсѧ а

крови не проливаите. і тако

новгородци гадавше взѧша

миръ на всеі воли своеі. кн[ѧ]зь

же хотѣ іти на Корѣлѹ і ѹмо

лиша і новгородци не ити на Ко

рѣлѹ. кн[ѧ]зь же ѿсла полкы на

задъ.

Въ лѣ[то] 6778 (1270) престави[сѧ]

Folio 148

Варламъ игуменъ с[вѧ]то[го] Георгия а

рхимандритъ новгородьскыи.

То[го] же лѣ[та] бы[сть] мѧтежь в Новѣгородѣ.

начаша ізгонити кн[ѧ]зѧ Яросла[ва]

із города і съзвониша вѣче на

Ярославли дворѣ і ѹбиша Іва

нка а іниі вбѣгоша в Николѹ

с[вѧ]тыи. а зау[тра] побѣгоша къ кн[ѧ]зю

на Городище тысѧчьскыи Ра

тиборъ Гав

рило Кыяниновъ и

іниі приятели его. і взѧша домы

іхъ на разграбление і хоромы ро

знесоша. а къ кн[ѧ]зю послаша

на Городище іспи

савше на гра

мотѹ всю винѹ его. чемѹ еси

ѿялъ Волховъ гоголными ловци

а поле ѿялъ еси заячими ловці.

чемѹ взѧлъ еси Олеѯинъ дворъ

Морткинича. чемѹ поімалъ

еси серебро на Микифорѣ Ману

скиничи і на Романѣ Болдыже

вичи і на Варфломѣи. а іное че

мѹ выводишь ѿ на[с] іноземца

Folio 148’

котории ѹ насъ живѹть. а то[го] мно[го]

вины его. а ны[не] кн[ѧ]же не можемъ

терпѣти твоего насилья. поѣди

ѿ насъ а мы собѣ кн[ѧ]зѧ промы

слимъ. кн[ѧ]зь же присла на вѣче

С[вѧ]тъслава і Андрѣя Воротисла

вича с поклономь. то[го] всего лишю

сѧ а кр[ес]тъ цѣлѹю на всеі воли ва

шеі. новгородци же ѿвѣчаша.

кн[ѧ]же поѣди проче не хотимъ те

бе. али идемъ всь Новъгородъ про

гонитъ тебе. кн[ѧ]зь же поіде и

з города по неволи. новгородци

же послаша по Дмитрия Але

ѯандровича. Дмитриі же ѿре[че]

сѧ тако река. не хочю взѧти

стола передъ стрыемь своемь.

і быша новгородци печални

а Ярославъ нача полкы копиті

на Новъгородъ і бѣ послалъ къ

ц[ѣса]рю татарьскѹ Ратибора помо

чи просѧ на Новъгородъ. и се ѹ

чювъ кн[ѧ]зь Василии Ярославич

Folio 149

присла послы в Новъгород река та[ко].

кланѧюсѧ с[вѧ]тоі Софьи і мѹже

мъ новгородцемъ. слышалъ е

смь аже Ярославъ идеть на Но

въгородъ со всею силою своею

і Дмитриі с переяславци і Глѣ

бъ съ смолнѧны. жаль ми сво

ея о[т]чины. а самъ поѣха в Тата

ры поіма съ собою Петрила Ры

чага і Михаіла Пинещинича

і възврати татарьскѹю рать

тако рекъ ц[ѣса]р[е]ви. новгородци пра

ви а Ярославъ виноватъ. ѹже

бо бѧше ц[ѣса]рь ѿпѹстилъ рать на

Новъгородъ по Ратиборовѹ лжі

вомѹ словѹ. ре[че] бо Ратиборъ ц[ѣса]рю.

новгородци тебе не слѹшають.

мы дани прошали тобѣ і они на[с]

выгнали а інѣхъ избили а до

мы наша розграбили а Яросла

ва бещьствовали. новгородци

же поставиша острогъ около го

рода по обѣ странѣ а товаръ въ

Folio 149’

возиша в город. и пригониша сто

рожи Ярославли мало не до Горо

дища і выідоша всь град въ ору

жиі ѿ мала і до велика къ Горо

дищю і стояша два дни пѣ

ши за Жилотѹгомъ а коневь

ници за Городищемь. то ѹвѣ

давъ Ярославъ поіде об онѹ сто

ронѹ к Рѹсѣ і сѣде в Рѹсѣ а

в Новъгородъ присла Творимі

ра. всего что вашего нелюбия

до мене то[го] лишаюсѧ. а кн[ѧ]зи

вси за мене порѹчатсѧ. новго

родци же послаша к немѹ Лазо

рѧ Моісиевича. кн[ѧ]же сдѹма

лъ еси на с[вѧ]тѹю Софью поѣди

ать ізъмремъ ч[ес]тно за с[вѧ]тѹю Со

фью. ѹ на[с] кн[ѧ]зѧ нѣтѹть но Б[ог]ъ

і правда и с[вѧ]тая Софья а тебе не

хочемъ. і совкѹписѧ в Новъго

родъ всѧ волость новгородьская

пльсковичи ладожане Корѣла

Іжера вожане. і ідоша в Голино

Folio 150

ѿ мала і до велика і стояша

нед[ѣ]лю на бродѣ а Ярославль по

лкъ об онѹ сторонѹ. і присла

митрополитъ грам[от]ѹ в Новъго

родъ река та[ко]. мнѣ порѹчилъ

Б[ог]ъ архиеп[иско]пию в Рѹсьскоі землі

вамъ слѹшати Б[ог]а і мене. кръ

ви не проливаіте а Ярославъ все

ѣ злобы лишаетсѧ а за то язъ

порѹчаюсѧ. аже бѹдете і кр[ес]тъ

цѣловали язъ за то приіму

опитемью і ѿвѣчаю за то пред

Б[ого]мь. і не да Б[ог]ъ кровопролити

я хр[ис]тьяномъ. і присла Яро

славъ с поклономь в новъгород

скыи полкъ. і взѧша миръ на

всеі воли новгородьскои і по

садиша Ярослава і водиша и

къ кр[ес]тѹ. То[го] же лѣ[та] на зимѹ

іде кн[ѧ]зь Ярославъ въ Володи

мирь і ѿтолѣ іде въ Ордѹ

а в Новѣгородѣ остави Андрѣя

Воротиславича. а пльсковиче

Folio 150’

мъ дасть кн[ѧ]зѧ Аигѹста.

Въ лѣ[то] 6779 (1271) померче с[о]лнце въ 5

ю нед[ѣлю] по[ста] средѣ ѹтра і пакы напо

лнисѧ і ради быхомъ. То[го] же лѣ[та]

постави ц[е]рк[о]вь с[вѧ]т[о]го Савы Федоръ

Хотовичь. поставиша же і дрѹ[гѹ]ю

ц[е]рк[о]вь Козмы и Демьяна на Хо

лопьі ѹлици.

Въ лѣ[то] 6780 (1272) пре

стависѧ кн[ѧ]зь великыи новгородь

скыі Ярославъ Ярославичь в Та

тарѣхъ і положиша і въ Тфѣри ѹ

с[вѧ]тою Козмы і Демьяна. і присла

Дмитриі кн[ѧ]зь послы своя в Новъгород

с поклономь хотѧ сѣсти в Новѣго

родѣ. а Василии Ярославичь тако[же]

присла с поклономь хотѧ сѣсти

на столѣ. і сташа обоі послы на Я

рославли дворѣ. новгородци же съ

посадникомь Павшею яшасѧ по

Дмитрия і послаша по него.

То[го] же лѣ[та] приѣха кн[ѧ]зь Дмитриі Алеѯа

ндрович в Новъгород і сѣде на столѣ

м[ѣсѧ]ца октѧ[брѧ] въ 9.

Folio 151

Въ лѣ[то] 6807 (1299) м[ѣсѧ]ца апри[лѧ] 18 в с[ѹбот]ѹ великѹю въ

1 ча[с] ночи загорѣсѧ на Варѧжь

скоі ѹлици і створисѧ горе вели

ко по нашимъ грѣхомъ въздви

жесѧ бѹрѧ с вихромъ. і тако бы[сть]

силенъ огнь вборзѣ кто мало

что похвативъ выбѣжа ізъ сво

его двора а іное все огнь взѧ. і ве

ржесѧ огнь из Нѣмечьского двора

в Неревьскыи конець загорѣсѧ

на Холопьи ѹлици а тамо того

силнѣе огнь а неревлѧне на оно

і сторонѣ а мостъ великыи огнь

заялъ. і та[ко] створисѧ пагѹба ве

лика. олна на свѣтѣ Б[ог]ъ и добри

і лю[ди] ѹяша. а злии ч[е]л[о]в[ѣ]ци падо

ша на грабежи. что въ ц[е]ркв[а]хъ

все разграбиша Б[ог]а не боячесѧ.

а вѣдѹче казнь Б[ож]ию в покая

ния мѣсто горшее зло створи

ша. въ с[вѧ]томь Иванѣ надъ това

ромь сторожа ѹбиша. а въ с[вѧ]то

Folio 151’

мь Яковѣ сторожь сгорѣ. на Торго

вомъ полѹ 12 ц[е]рквиі сгорѣ. и

конъ не всѣхъ ѹспѣша выносити

ни книг. а въ Х[ристо]вѣ ц[е]ркви нѣколико

головъ сгорѣ. і два попа сгорѣша.

в Неревьскомь конци 10 ц[е]рквии

сгорѣ і многа ѹзорочья въ ц[е]рква

хъ. і мѹжь добръ сгорѣ Елефѣри

и Лазоревичь. і бы[сть] заѹтра печа

ль и сѣтование в радости мѣсто. то

же все бы[сть] грѣхъ дѣлѧ нашихъ. съ

бы[ст]сѧ пр[о]р[о]ч[ес]тво Исаия пр[о]р[о]ка. еже

ре[че]. преложю праздникы ваша въ плач

і ігрища ваша в сѣтование да бы

хом сѧ остали ѿ злобъ своіхъ. твоя

бо есть Г[оспод]и власть казнити и пакы

миловати. казнивъ Г[оспод]и помилѹі ны.

То[го] же лѣ[та] м[ѣсѧ]ца маія 22 на памѧ[ть]

с[вѧ]т[о]го мѹ[ченика] Василиска в пѧ[ток] 4і нед[ѣли]

по Па[сцѣ] въ 7 ча[с] дни престависѧ

архиеп[иско]пъ новгородскыи Климе

нтъ бывъ въ еп[иско]пии лѣ[т] 23 і по

Folio 152

ложенъ бы[сть] въ притворѣ с[вѧ]тыя Софи

я ѿ вл[ады]чнѧ двора архимандрито

мь Кюриломь і всѣми игѹмены

і всѣмь ерѣіскымь чи[но]мь і поса

дникомь Андрѣемь і всѣ[ми] новгородці.

То[го] же лѣ[та] престави[сѧ] Довмонтъ кн[ѧ]зь

пльсковьскыи мно[го] пострада

въ за с[вѧ]тѹю Софью і за с[вѧ]тѹю Тр[ои]цю.

По преставлении же Климентовѣ

новгородци мно[го] гадавше с посадни

комь Андрѣемь възлюбиша

вси Б[ого]мь назнаменана мѹжа

добра и смѣрена Феоктиста и

гѹмена с[вѧ]т[о]го Бл[а]г[о]в[ѣ]щ[е]ния. і съзво

нивше вѣче ѹ с[вѧ]тоі Софьі кн[ѧ]зь

Борисъ Андрѣеви[ч] со всѣми новго

родци въведоша его с поклономь

і посадиша і въ вл[ады]чни дворѣ до

нде ѹвѣдають кдѣ митрополіт.

Въ лѣ[то] 6808 (1300) приѣха Маѯи[м] митро

политъ в Новъгородъ і ростовь

скыи еп[иско]пъ Семенъ і тфѣрьскы

Folio 152’

и еп[иско]пъ Андрѣи і поставиша архи

еп[иско]па Новѹгородѹ Феоктиста. зна

менаша его въ ц[е]ркви с[вѧ]тою Бориса

і Глѣба м[ѣсѧ]ца ию[лѧ] 29. то[го] же м[ѣсѧ]ца и

поставиша его въ с[вѧ]тоі Софьи на

памѧ[ть] с[вѧ]тою ап[осто]лѹ Петра і Павла.

і бы[сть] ра[до]сть Новѹгородѹ о своемь

вл[ады]цѣ. То[го] же лѣ[та] веснѣ погорѣ Новы

і торгъ. Тоѣ же весны заложи

ша ц[е]рк[о]вь каменѹ с[вѧ]т[о]го Михаи[ла]

на Михаіловѣ ѹлици.

То[го] же лѣ[та] срѹбиша 4 ц[е]ркви с[вѧ]ты

я Б[огороди]ца в манастыри въ Звѣринці

і с[вѧ]т[о]го Лазорѧ і с[вѧ]т[о]го Дмитрия на

Бояни ѹлкѣ. і с[вѧ]тою Бориса і Глѣ

ба на Подолѣ. То[го] же лѣ[та] придоша

ізъ замория Свѣі в силѣ велицѣ

в Невѹ. приведоша изъ своеі зе

мли мастеры із велико[го] Рима

ѿ папы мастеръ приведоша на

рочитъ. поставиша городъ надъ

Невою на ѹсть Охты рѣкы и

Folio 153

ѹтвердиша твердостию несказа

ньною поставиша в немь порокы

похвалившесѧ оканьнии нареко

ша его Вѣнець земли. бѣ бо с ними

намѣстникъ королевъ именемь

Маскалка. і посадивше в немь

мѹжи нарочитыи с воеводою

Стѣнемъ и ѿідоша. кн[ѧ]зю вели[ко]

мѹ тогда не бѹдѹщю в Новѣгоро[дѣ].

Въ лѣ[то] 6809 (1301) приде кн[ѧ]зь вели

кыи Андрѣі с полкы низовьскы

ми і іде с новгородци къ городу

томѹ і приступиша к городу

м[ѣсѧ]ца мая 18 на памѧ[ть] с[вѧ]т[о]го Па

трикия въ пѧ[ток] пред Сшествием

с[вѧ]т[о]го Д[ѹ]ха і потѧгнѹша крѣпко.

силою с[вѧ]тыя Софья і помощь

ю с[вѧ]тою Бориса і Глѣба твердость

та ни во чтоже бы[сть] за высокоѹ

мье іхъ. зане всѹе трѹдъ ихъ

безъ Б[ож]ия повелѣния град взѧт

бы[сть] овыхъ избиша і ісѣкоша

Folio 153’

а іныхъ извѧзавше поведоша с го

рода а град запалиша і розгребоша.

а покоі Г[оспод]и въ ц[ѣса]р[с]твиі своем д[ѹ]ша тѣ

хъ іже ѹ города то[го] головы своя

положиша за с[вѧ]тѹю Софью.

Въ лѣ[то] 6810 (1302) заложиша город ка

менъ Новѹгородѹ. То[го] же лѣ[та]

заложиша ц[е]рк[о]вь каменѹ с[вѧ]то

ю Бориса і Глѣба которая порю

шиласѧ. То[го] же лѣ[та] посылаша

послы за море в Доньскѹю землю

і привезоша миръ докончавше.

То[го] же лѣ[та] поіде кн[ѧ]зь великыи А

ндрѣі в Татары. То[го] же лѣ[та] све

ршиша ц[е]рк[о]вь с[вѧ]т[о]го Михаіла на

Михаіловѣ ѹлици.

Въ лѣ[то] 6811 (1303) ѿяша посадни[чь]ство

ѹ Семена Климовича і даша

братѹ его Андрѣю. То[го] же лѣ[та]

срѹбиша 4 ц[е]ркви деревѧны

с[вѧ]то[го] Георгия в Торгѹ і с[вѧ]то[го] Ивана

Ішковѹ і с[вѧ]тою Козмы и Демь

Folio 154

яна на Холопии ѹлици і с[вѧ]т[о]го

Георгия на Борьковѣ ѹлици.

В то [же] лѣ[то] на зимѹ бы[сть] зима тепла

не бы[сть] снѣга чересъ всю зимѹ

і не добыша лю[ди] хлѣба і бы[сть] до

роговь велика тѹга велика и

печаль людемъ. но не ѿчаемъ[сѧ]

м[и]л[ос]ти твоея. кажа Г[оспод]и нака

жи а см[е]рти не предаі. аще бо

сгрѣшихомъ но тебе не ѿстѹ

пихомъ. казнивъ помилуі

Г[оспод]и ч[е]л[о]в[ѣ]к[о]л[ю]бче не по нашимъ дѣ

ломъ злымъ но по своеи вели

цѣі м[и]л[ос]ти. ты еси Б[ог]ъ нашь

развѣ тебе ино[го] б[ог]а не знаемъ.

Въ лѣ[то] 6812 (1304) престави[сѧ] великы

і кн[ѧ]зь Андрѣі Александрович

внукъ велико[го] Ярослава м[ѣсѧ]ца

ію[лѧ] 27 на памѧ[ть] с[вѧ]то[го] Пантелѣ

імона постригъсѧ въ скиму

і положенъ бы[сть] на Городци. а

бояре ѥго ѣхаша во Тфѣрь. и

Folio 154’

сопростасѧ два кн[ѧ]зѧ о великое кнѧ

жение Михаіло Ярославич тфѣ

рьскыи і Юрьі Данилович моско

вьскыи. і поідоша въ Ордѹ оба

і мно[го] бы[сть] замѧтни сѹждаль

скоі земли во всѣхъ градѣхъ.

а в Новъгород вослаша тфѣричи

намѣстникы Михаіловы си

лою і не прияша іхъ но ідоша

новгородци в Торжекъ блюстъ

Торжкѹ і совкѹпиша всю зе

млю противѹ і съсылаюче

сѧ послы розъѣхашасѧ доко

нчавше до приѣзда кн[ѧ]зии.

Въ лѣ[то] 6813 (1305) постави Семенъ

Климович ц[е]рк[о]вь каменѹ на

воротѣхъ ѿ Прѹсьскоі ѹлици.

То[го] же лѣ[та] дѣлаша мостъ новъ

чересъ Волховъ. То[го] же лѣ[та]

с[вѧ]щ[е]на бы[сть] ц[е]ркы с[вѧ]тою м[ѹчени]кѹ

Бориса і Глѣба великымъ

с[вѧ]щ[е]ниемь архиеп[иско]п[о]мь новго

Folio 155

родскымь Фектистомь м[ѣсѧ]ца дек[абрѧ]

9 на зачатье с[вѧ]тыя Анны въ

державѹ Х[рист]олюбиваго кн[ѧ]зѧ

Михаіла.

Лѣ[та] 6814 (1306)

Лѣ[та] 6815 (1307)

Въ лѣ[то] 6816 (1308) сѣде кн[ѧ]зь великы

і Михаіло Ярославичь внѹкъ

велико[го] Ярослава Всево[ло]дича въ

Новѣгородѣ на столѣ в нед[ѣлю] на сбо

ръ с[вѧ]т[ы]хъ о[те]ць 630 іже в Халки

донѣ. То[го] же лѣ[та] на зимѹ вы

іде архиеп[иско]пъ Фектистъ изъ

вл[ады]чнѧ двора своего дѣлѧ не

здоровия бл[а]г[осло]вивъ Новъго

родъ і іде в манастырь къ

Бл[а]г[о]в[ѣ]щ[е]нию с[вѧ]тыя Б[огороди]ца ізво

ливъ молчаньное житие.

Новгородци же вси съ игѹме

ны и со всѣмь ерѣіскымь

чи[но]мь възлюбиша Б[ого]мь и

збрана і с[вѧ]тою Софьею о[т]ца е

го д[ѹ]х[о]внаго Д[а]в[и]да і съ ч[ес]тью

посадиша і въ вл[ады]чни дворѣ

Folio 155’

а Фектистъ бл[а]г[осло]ви его въ свое мѣсто.

і послаша е[го] к митрополитѹ ставитъ[сѧ].

То[го] же лѣ[та] Якимовая Столбовича

постави ц[е]рк[о]вь каменѹ на кн[ѧ]жи

дворѣ с[вѧ]т[ы]хъ о[те]ць 318 іже в Никиі.

Въ лѣ[то] 6817 (1309) поставленъ бы[сть] въ Во

лодимири архиеп[иско]пъ Новѹгороду

Д[а]в[и]дъ Петромь митрополитомь

м[ѣсѧ]ца ію[нѧ] 5 на памѧ[ть] с[вѧ]т[о]го Никандра

і при[де] в Новъгород м[ѣсѧ]ца ію[лѧ] 20 на Іль

інъ д[е]нь і срѣ[то]ша і ігѹмени і по[по]

ве і всь Новъгород съ ч[ес]тью съ кр[ес]ты

і посадиша і на столѣ. і ради бы

ша новгородци своемѹ вл[ады]цѣ.

То[го] же лѣ[та] на зимѹ даша посадни[чь]

ство Михаилѹ Павшиничю.

Въ лѣ[то] 6818 (1310) ходиша новгородци

в лодьяхъ и в лоівахъ въ озеро

і ідоша в рѣкѹ Ѹзьервѹ і срѹ

биша городъ на порозѣ новъ

ветхыи сметавше. То[го] же лѣ[та]

постави ц[е]рк[о]вь каменѹ на Коло

Folio 156

мцах архимандрит Кюрилъ Ѹспѣ

ние с[вѧ]тыя Б[огороди]ца. А дрѹгѹю камену

поставиша ц[е]рк[о]вь на Дѹбенкѣ По

кров с[вѧ]тыя Б[огороди]ца стѧжаниемь раба

Б[ож]ия Олония мниха. То[го] же лѣ[та]

на зимѹ грабиша села около Нова

города. Тоі же зимы престависѧ

архиеп[иско]пъ новгородскыи Фектистъ

м[ѣсѧ]ца дека[брѧ] 23 на памѧ[ть] с[вѧ]т[ы]хъ мѹ[ченик]

10 іже въ Критѣ і положенъ бы[сть] въ

ц[е]ркви в манастыри с[вѧ]тыѧ Б[огороди]ца

Бл[а]г[о]в[ѣ]щ[е]ния ч[ес]тно всѣмь ерѣіскым

чиномь.

Въ лѣ[то] 6819 (1311) ходиша

новгородци воіною на Нѣмецьску

ю землю за море на Емь съ кн[ѧ]зе

мь Дмитриемь Романовичемь

і переѣхавше море взѧша перво

е Кѹпецьскѹю рѣкѹ села по

жгоша і головы поімаша а ско

тъ исѣкоша. і тѹ ѹбиенъ бы[сть] Ко

стѧнтинъ Ільінъ с[ы]нъ Станими

ровича в загонѣ. потомь взѧ

Folio 156’

ша Чернѹю рѣкѹ всю і та[ко] по Черно

і придоша к городѹ Ванаю і взѧ

ша город і пожгоша. а Нѣмци въ

збѣгоша на дѣтинець. бѧше бо

мѣсто велми силно твердо на ка

камени высоцѣ. не імѣя при

стѹпа ниѿкѹдѹ же. і сосла

ша с поклономь просѧще мира.

новгородци же мира не даша. и

стояша 3 дни і 3 ночи волость

трѹче. села великая пожгоша

обилие все потравиша а скота

не оставиша ни рога. і потомь и

дѹче взѧша Кавгалѹ рѣкѹ і

Пернѹ рѣкѹ і выидоша на мо

ре. і придоша здорови вси в Но

въгородъ. Тоі [же] весны мая 19

в ночь загорѣсѧ на Яневѣ ѹли

ци і сгорѣ дворовъ безъ 3и 40

а головъ сгорѣ 7ро. И потомь

ію[нѧ] 28 в но[чь] загорѣсѧ на Розва

жи ѹлици Глѣбовъ дворъ. і по

Folio 157

горѣ конець Неревьскыи сѣмо до

гребли а сѣмо і за Борьковѹ ѹ

лицю. і сгорѣ ц[е]рк[о]вь с[вѧ]тою Козмы

і Демьяна. і дру[га]я с[вѧ]т[о]го Савы і

четыридесѧт ц[е]рк[о]вь огорѣ і до

мове добрии. о горе бра[ть]е лютъ бѧ[ше]

пожаръ с вѣтромь и вихромь

а злии ч[е]л[о]в[ѣ]ци и недобрии Б[ог]а не бо

ячесѧ видѧще людемъ погы

бель пограбиша чюжая імѣниѧ.

Потомь ию[лѧ] 16 в но[чь] загорѣсѧ на Іль

інѣ ѹлици. і тѹ такоже бы[сть] лю

тъ пожаръ вихромь наборзѣ

трѣскомь. і погорѣ торгъ і до

мове по Рогатицю а ц[е]рквиі сго

рѣ деревѧныхъ 7 с[вѧ]т[о]го Дмитри

я і с[вѧ]т[о]го Георгия і с[вѧ]тою Бориса

і Глѣба і с[вѧ]т[о]го Івана Ишкова

і с[вѧ]тыя Катерины і с[вѧ]то[го] Прокопьѧ

і Х[ристо]ва. а каменыхъ 6 огорѣ

7я Варѧжьская. а оканьни

и ч[е]л[о]в[ѣ]ци тако[же] Б[ог]а не боящесѧ

Folio 157’

ни сѹда Б[ож]ия помнѧще ни жалѹю

ще своея бра[ть]я пограбиша чюжая

імѣния. въздажь імъ Г[оспод]и по дѣло

мъ ихъ. То[го] же лѣ[та] ѿяша поса

дни[чь]ство ѹ Михаіла і даша Семе

нѹ Климовичю. То[го] же лѣ[та] архи

еп[иско]пъ Д[а]в[и]дъ постави ц[е]рк[о]вь ка

менѹ на воротѣхъ ѿ Неревьско[го]

конца с[вѧ]т[о]го Володимира.

Въ лѣ[то] 6820 (1312) заратисѧ кн[ѧ]зь Ми

хаіло к Новѹгородѹ і намѣстни

кы своя выведе не пѹстѧ обиль

я в Новъгород а Торжекъ зая и

Бѣжичи і всю волость. і іде вл[ады]ка

Д[а]в[и]дъ во Тфѣрь веснѣ в роспѹтье

і доконча миръ. кн[ѧ]зь ворота о

твори а намѣстникы своя

присла в Новъгородъ. То[го] же лѣ[та]

вл[ады]ка Д[а]в[и]дъ заложи ц[е]рк[о]вь ка

менѹ в Неревьскомь конци

на своемь дворищи во имѧ с[вѧ]то[го]

о[т]ца Николы.

Folio 158

Въ лѣ[то] 6821 (1313) выѣха посадникъ ла

дожьскыи с ладожаны въ воінѹ.

і по грѣхомъ нашимъ ізъѣхаша

Нѣмци Ладогѹ і пожгоша.

То[го] же лѣ[та] с[вѧ]щ[е]на бы[сть] ц[е]ркы каменая

с[вѧ]т[о]го Николы в Неревьскомь ко

нци юже созда архиеп[иско]пъ Д[а]в[и]дъ

і створи в неи всед[е]ньнѹю слѹжбу

і черньци совъкѹпи.

Въ лѣ[то] 6822 (1314) ізбиша Корѣла горо

дчанъ кто былъ Рѹси в Корѣль

скомь городкѣ. і въведоша к со

бѣ Нѣмець. новгородци же с на

мѣстникомь Федоромь идоша

на нихъ. і передашасѧ Корѣла

і ізбиша новгородци Нѣмець

і Корѣлѹ перевѣтниковъ.

То[го] же лѣ[та] приѣха Федоръ Ржевь

скыи в Новъгород ѿ кн[ѧ]зѧ Юрь

я с Москвы. і ізъима намѣ

стникы Михаіловы і держа

ша іхъ въ вл[ады]чни дворѣ а новго

Folio 158’

родци с кн[ѧ]земь Федоромь поідоша

на Волгѹ. і выіде кн[ѧ]зь Дмитри

і Михаілович со Тфѣри і ста об ону

сторонѹ Волгы і та[ко] стояша и до

замороза а Михаілѹ кн[ѧ]зю то

гда сѹщю въ Ордѣ. По семь доко

нчаша съ Дмитриемь миръ.

і ѿтолѣ послаша по кн[ѧ]зѧ Юрья

на Москвѹ на всеі воли новгород

скои. а сами възвратишасѧ в Но

въгород. Тоі же зимы пред вели

кымь заговѣниемь приѣха

кн[ѧ]зь Юрьі в Новъгород на столъ съ

бра[то]мь Афанасьемь. і ради бы

ша новгородци своемѹ хотѣнию.

Тоі [же] зимы хлѣбъ бѧше дорогъ

в Новѣгоро[дѣ]. а въ Пльсковѣ почали

бѧхѹ грабити недобрии лю[ди]е

села і дворы в городѣ і клѣти на

городѣ і ізбиша іхъ пльскови[чи]

съ 50 ч[е]л[о]в[ѣ]къ. і потомь бы[сть] тіхо.

Въ лѣ[то] 6823 (1315) поіде кн[ѧ]зь великыі

Folio 159

Юрьи із Новагоро[да] позванъ въ Ордѹ

ѿ ц[ѣса]рѧ марта 15 в с[ѹбот]ѹ Лазоревѹ о

ставивъ в Новѣгородѣ брата своего

Афанасья. То[го] же лѣ[та] поіде кн[ѧ]зь

Михаіло ізъ Орды в Рѹсь ведыі съ со

бою Татары оканьнаго Таітемерѧ.

ѹслышавше же новгородци съ кнѧ

земь Афанасьемь ізидоша к То

ржкѹ і пребыша тѹ съ 6 нед[ѣль] вѣ

сть переімаюче. тогда же поіде

кн[ѧ]зь Михаіло со всею Низовьско

ю землею і с Татары к Торжкѹ.

новгородци же съ кн[ѧ]земь Афана

сьемь і с новоторжци ізидоша

противѹ на поле. бы[сть] же то попѹ

щениемь Б[ож]иемь състѹпивше

ма бо сѧ полкома обѣма бы[сть] сѣ

ча зла і створисѧ немало зла ізби

ша мно[го] добрыхъ мѹж і бояръ но

вгородскыхъ. тѹ ѹбиша Андрѣя

Климовича Юрья Мишинича

Михаіла Павшинича Силвана

Тимофѣя Андрѣянова с[ы]на тысѧ

цьского

Folio 159’

Онанью Мелѹева Офонаса Рома

новича і кѹпець добрыхъ много

а іныхъ новгородцевъ и новоторжь

цевъ Б[ог]ъ вѣсть. а інии останокъ вбѣ

гоша в город і затвориша[сѧ] в городѣ

с кн[ѧ]земь Афанасьемь. і присла кнѧ

зь Михаіло к новгородцемъ в То

ржекъ. выдаіте ми кн[ѧ]зѧ Афа

насья і Федора Жревьского а я

зъ с вами миръ докончаю. і реко

ша новгородци. не выдаемъ Афа

насья но ізмремъ вси ч[ес]тно за

с[вѧ]тѹю Софью. и присла кн[ѧ]зь Миха

іло опѧть. выдаіте ми Федора

Жревьско[го] [sic!]. і не хотѣвше выдати

по неволи выдаша его і на собѣ

докончаша 50000 гри[вен] серебра і до

кончаша миръ и кр[ес]тъ цѣлова

ша. і по мирѹ кн[ѧ]зь Михаіло при

зва к собѣ кн[ѧ]зѧ Афанасья і бо

яры новгородскыи і ізъима іхъ

і посла на Тфѣрь в тали а остано

къ лю[ди]и в городѣ нача продаяті

Folio 160

колико ко[го] станеть а снасть ѿіма

ѹ всѣхъ. а боі бы[сть] м[ѣсѧ]ца феврарѧ 10

на с[вѧ]то[го] му[ченика] Харлампия. і посла кн[ѧ]зь

Михаіло намѣстникы своя в Нов[ъ]

город а посадничьство даша Семе

нѹ Климовичю.

Въ лѣ[то] 6824 (1316) выідоша намѣстни

ци Михаіловы із Новагорода і

поіде кн[ѧ]зь Михаіло к Новѹгороду

со всею Низовьскою землею. а но

вгородци ѹчиниша острогъ около

города по обѣ сторонѣ і соідесѧ

всѧ волость новгородская пль

сковичи ладожане рѹшане

Корѣла Іжера вожане. кн[ѧ]зь же

Михаіло не дошедъ города ста

въ Ѹстьянѣхъ. і та[ко] мира не во

зма поіде проче не ѹспѣвъ ни

чтоже но болшюю ранѹ въспри

імъ. възвративше бо сѧ въспѧ

ть заблѹдиша въ озерѣхъ і

в болотѣхъ. і начаша мерети гла[до]

мь ядѧхѹ же и конинѹ а сна

Folio 160’

сть свою пожгоша а іное пометаша

і придоша пѣши в домы своя прі

імше ранѹ немалѹ. То[го] же лѣ[та]

еще не дошедшю кн[ѧ]зю Михаилу

до города яша Ігната Бѣска и

биша і на вѣчи і свергоша і с мо

ста въ Волховъ. творѧхѹть бо е[го]

перевѣтъ державша к Михаилу.

а Б[ог]ъ то вѣсть. тогда же і Данилъ

ко Писцевъ ѹбьенъ бы[сть] на рли

ѿ своего холопа. обадилъ бо его

бѧше к горожаномъ тако река.

посылалъ мѧ с грамотами къ

Михаілѹ кн[ѧ]зю.

Въ лѣ[то] 6825 (1317)

послаша новгородци вл[ады]кѹ Д[а]в[и]да

къ кн[ѧ]зю Михаілѹ с молбою про

сѧще на окѹпъ бра[ть]і своеи кто

ѹ кн[ѧ]зѧ в талехъ. і не послѹша

его кн[ѧ]зь. То[го] же лѣ[та] приходи

ша Нѣмци въ озеро Ладожьское

і побиша мно[го] обонижьскыхъ

кѹпець.

Въ лѣ[то] 6826 (1318) ходи

ша новгородци воіною за море

Folio 161

в Полнѹю рѣкѹ і мно[го] воеваша

і взѧша Людеревъ город сѹмьско[го]

кн[ѧ]зѧ і пискѹпль. і прідоша в Но

въгород вси здорови. То[го] же лѣ[та] вы

іде кн[ѧ]зь великыі Юрьі ізъ Орды

с Татары і со всею Низовьскою зе

млею і поіде ко Тфѣри на кн[ѧ]зѧ

Михаіла. і приславъ Телебѹгу

позва новгородци. і они приѣха

вше в Торжекъ і докончаша съ

кн[ѧ]з[е]мь Михаіломь како не въ

стѹпатисѧ ни по одиномь. по

неже не вѣдѧхѹ кн[ѧ]зѧ Юрья

кдѣ есть. і придоша пакы в Новъ

город. кн[ѧ]зю же Юрью пришедшю

с полкы близь Тфѣри за 40 ве

рстъ і тѹ выіде на нь кн[ѧ]зь Ми

хаіло со Тфѣри і състѹпиша[сѧ]

і бы[сть] сѣча зла мно[го] паде головъ о

кн[ѧ]зи Юрьи. а бра[та] его Бориса і кн[ѧ]гы

ню Юрьевѹ яша і приведоша во Тфѣ

рь. тамо ю і см[е]рти предаша. а самъ

прибѣжа в Новъгородъ і позва новго

Folio 161’

родцевъ съ собою і ідоша с ним всь

Новъгородъ и Пльсковъ поімше

вл[ады]кѹ Д[а]в[и]да съ собою. і пришедше

на Волгѹ і докончаша с Михаіло

мь кн[ѧ]з[е]мь миръ како іти въ О

рдѹ обѣма а брата Юрьева і кн[ѧ]гы

ню пѹстити. і придоша новгоро

дци вси в Новъгород веснѣ сѹщи.

а кн[ѧ]зь Юрьі іде на Москвѹ і ѿто

лѣ въ Ордѹ.

Въ лѣ[то] 6827 (1319) ѹби

ц[ѣса]рь въ Ордѣ кн[ѧ]зѧ тфѣрьского

Михаіла а великое кн[ѧ]ж[е]ние да

сть Юрью і с[ы]на Михаілова Костѧ

нтина і бояры его. і присла кнѧ

зь Юрьі в Новъгород бра[та] Афанасьѧ.

Въ лѣ[то] 6828 (1320) ходи кн[ѧ]зь Юрьі рать

ю на Рѧзань на кн[ѧ]зѧ Івана рѧ

заньско[го] і докончаша миръ.

Въ лѣ[то] 6829 (1321) ходи кн[ѧ]зь Юрьі

ратью на Дмитрия Михаілови[ча]

тфѣрьского і при[де] в Переяславль

с полкы. і тѹ присла кн[ѧ]зь Дми

триі вл[ады]кѹ тфѣрьского і доконча

Folio 162

ша миръ на двѹ тысѧчю сере

бра а кн[ѧ]ж[е]ния великого Дмитри

ю не подъимати. То[го] же лѣ[та] м[ѣсѧ]ца

ію[нѧ] 26 бы[сть] знамение въ с[о]лнци

пред обѣднею. ч[ис]ту сѹщю н[е]бѹ

внезапѹ померче с[о]лнце яко на

ча[с] і бы[сть] яко м[ѣсѧ]ць 5 ночии і тма

бы[сть] яко в зимнюю ночь і пакы

наполнисѧ по малѹ. і ради быхом.

Въ лѣ[то] 6830 (1322) при[де] кн[ѧ]зь Юрьі в Новъ

город познанъ новгородци і по

велѣ порокы чинити. Тогда

же приходиша Нѣмци ратью къ

Корѣльскомѹ городкѹ и не взѧ

ша его. То[го] же лѣ[та] поіде кн[ѧ]зь ве

ликыи Юрьі с новгородци къ Вы

борѹ городѹ нѣмецьскомѹ

і биша і 6ю пороковъ твердъ

бо бѣ і ізбиша мно[го] Нѣмець в горо[дѣ]

а іныхъ извѣшаша а іныхъ на

Низъ поведоша. і стоявше м[ѣсѧ]ць

пристѹпиша і не взѧша его но

за грѣ[хы] наша нѣколико мѹж добры

хъ паде.

Folio 162’

То[го] же лѣ[та] престависѧ кн[ѧ]зь Афана

сии брат Юрьевъ постригъсѧ в че

рньци. і положиша і ѹ с[вѧ]т[о]го Сп[а]са

на Городищи. То[го] же лѣ[та] ходи кнѧ

зь Дмитриі Михаіловичь въ

Ордѹ і подъя великое кн[ѧ]ж[е]ние.

То[го] же лѣ[та] приходи в Рѹсь посолъ си

ленъ изъ Орды іменемь Ахмы

лъ і мно[го] створи пакости по Низо

вьскоі земли мно[го] посѣче хр[ис]ть

янъ а іных поведе въ Ордѹ.

Кн[ѧ]зь же Юрьі пришедъ ѿ Выбора

і поіде на Низъ мно[го] моливъ но

вгородци а быша и проводили.

і бывшю емѹ на Ѹрдомѣ і тѹ

кн[ѧ]зь Алеѯандръ Михаіловичь

со Тфѣри нападе на нь да кн[ѧ]зь

Юрьи самъ ѹбѣжа в малѣ и

вбѣжа въ Пльсковъ а товаръ его

всь разграбиша а въ Пльсковѣ

бѧше литовьскыі кн[ѧ]зь Д[а]в[и]дко.

і ѿтолѣ призваша і новгородци

по кр[ес]тномѹ цѣлованию.

Folio 163

Въ лѣ[то] 6831 (1323) ходиша новгородци

съ кн[ѧ]земь Юрьемь і постави

ша город на ѹсть Невы на Орѣ

ховомь островѣ. тѹ же приѣ

хавше послы великы ѿ свѣі

ского королѧ і докончаша ми

ръ вѣчныи съ кн[ѧ]земь и с Новы

мьгоро[до]мь по староі пошлинѣ.

То[го] же лѣ[та] воеваша Литва Ловоть

і ѹгониша іхъ новгородци и

биша я а інии ѹбѣжаша.

То[го] же лѣ[та] заратиша[сѧ] ѹстьюжа

не с новгородци ізъимаша но

вгородцевъ кто ходилъ на Юргу

і ограбиша іхъ.

Въ лѣ[то] 6832 (1324)

ідоша новгородци с кн[ѧ]земь Юрь

емь на Заволочье і взѧша Ѹ

стьюгъ на щитъ і придоша на

Двинѹ і тѹ прислаша послы

кн[ѧ]зи ѹстьюжьскыи къ кн[ѧ]зю

і к новгородцемъ і докончаша

миръ по староі пошлинѣ. і при

доша новгородци вси здорови.

Folio 163’

а кн[ѧ]зь Юрьі поіде въ Ордѹ ізъ За

волочья по Камѣ рѣцѣ.

Того [же] лѣ[та] свершиша Х[ристо]вѹ каменѹ

ц[е]рк[о]вь і с[вѧ]ща ю вл[ады]ка Д[а]в[и]дъ.

Тоі же зимы престави[сѧ] архиеп[иско]пъ

новгородьскыи Д[а]в[и]дъ м[ѣсѧ]ца февра[рѧ]

5 на памѧ[ть] с[вѧ]тоі м[ѹчени]ци Агафьі. і по

ложиша і въ притворѣ ѹ с[вѧ]тоі Со

фьі посторонь Климента.

Тогда же сдѹмавше новгородци

і ігѹмени і по[по]ве і черньци і всь

Новъгород възлюбиша вси Б[ого]мь

назнаменана Моісия пре[же] бы

вша архимандритомь ѹ с[вѧ]т[о]го

Георгия потомь вышелъ бѧ

ше по своеи воли къ с[вѧ]тоі Б[огороди]ци на

Коломци въ своі манастырь

і възведоша і на сѣни і поса

диша і въ вл[ады]чни дворѣ донде

же позоветь его митрополитъ.

Въ лѣ[то] 6833 (1325) при[де] ізъ Орды кн[ѧ]зь

Олеѯандръ Михаіловичь і Та

тарове с нимь должници и

Folio 164

і мно[го] бы[сть] тѧготы на Низовьскоі землі.

То[го] же лѣ[та] поѣха вл[ады]ка Моісии к митро

политѹ ставитъ[сѧ] на Москвѹ. і прі

везоша при нем кн[ѧ]зѧ велико[го] Юрья

ізъ Орды с[ы]на Данилова внѹка

Алеѯандрова і погребоша і митро

политъ Петръ і архиеп[иско]пъ Моісиі

і тфѣрьскыи еп[иско]пъ Варсонофии

і ростовьскыі еп[иско]пъ Прохоръ рѧза

ньскыі еп[иско]пъ Григории в с[ѹбот]ѹ 1 по[ста].

і плакасѧ его кн[ѧ]зь Іванъ і всь на

род плачемь великым ѿ мала и

до велика. ѹбилъ бо і бѧше въ

Ордѣ кн[ѧ]зь Дмитриі Михаілович

безъ ц[ѣса]р[е]ва слова. не добро же бы[сть] і

самомѹ. еже бо сѣеть ч[е]л[о]в[ѣ]къ то[же]

і пожнеть.

Въ лѣ[то] 6834 (1326) приѣ

ха в Новъгородъ поставленъ архи

еп[иско]пъ Моісии во вторник на вербь

ноі нед[ѣли]. То[го] же лѣ[та] м[ѣсѧ]ца авгѹ[ста] 28

загорѣсѧ на Бояни ѹлкѣ і пого

рѣ до половины Рогатици а Славко[ва]

ѹлица ѿ Дмитрия с[вѧ]т[о]го і до полѧ

і ц[е]ркы с[вѧ]т[о]го Климента сгорѣ.

Folio 164’

То[го] же лѣ[та] ѹби ц[ѣса]рь въ Ордѣ кн[ѧ]зѧ Дмі

трия Михаіловича.

Тоі [же] зимы престави[сѧ] митрополитъ Пе

тръ всея Рѹси на Москвѣ і положи

ша і въ ц[е]ркви с[вѧ]тыя Б[огороди]ца юже самъ

началъ здати каменѹ. м[о]л[и]тв[а]ми

его ѹ гроба его створи Б[ог]ъ чюдеса.

То[го] же лѣ[та] приѣха[ша] послы із Литвы.

брат Гѣдиминовъ кн[ѧ]зѧ литовьско[го]

Воіни полотскыи кн[ѧ]зь Василии мѣ

ньскыи кн[ѧ]зь Федоръ С[вѧ]тъславич

і докончаша миръ с новгородци

и с Нѣмци.

Въ лѣ[то] 6835 (1327) бы[сть] мѧ

тежь в Новѣгородѣ і пограбиша дво

ръ Остафьевъ Дворѧнинцевъ и по

жгоша всь. То[го] же лѣ[та] постави ц[е]р[ко]вь

с[вѧ]тоі Б[огороди]ци Р[о]ж[дес]тво архиеп[иско]пъ Моіси

і въ Десѧтинѣ. То[го] же лѣ[та] на Ѹ

спѣ[нь]е с[вѧ]тыя Б[огороди]ца кн[ѧ]зь Алеѯандръ

Михаіловичь ізби Татаръ мно[го]

во Тфѣри і по інымъ городом і то

рговци гость хопыльскыи исѣче.

Пришелъ бо бѧше посолъ силенъ изъ

Folio 165

Орды іменемь Шевкалъ съ мно[же]

ствомъ Татаръ. И присла кн[ѧ]зь О

леѯандръ послы к новгородцемъ

хотѧ бѣчи в Новъгород і не прияша е[го].

То[го] же лѣ[та] присла кн[ѧ]зь Иванъ Дани

ловичь намѣстникы своя в Новъ

город а самъ иде въ Ордѹ.

На тѹ [же] зимѹ приде рать татарьскаѧ

мно[же]ство много і взѧша Тфѣрь

і Кашинъ і Новоторжьскѹю воло

сть і просто рещи всю землю Рѹ[сь]

скѹю положиша пѹстѹ толко

Новъгород ѹблюде Б[ог]ъ и с[вѧ]тая Софь

я. а кн[ѧ]зь Олеѯандръ вбѣжа въ

Пльсковъ а Костѧнтинъ брат его

і Василиі в Ладогѹ. і в Новъгород

прислаша послы Татарове і да

ша імъ новгородци 2000 серебра

і своі послы послаша с ними к во

еводамъ съ мно[же]ствомь даровъ.

Ѹбиша же тогда Татарове Івана

кн[ѧ]зѧ рѧзаньского.

Въ лѣ[то] 6836 (1328) ходи кн[ѧ]зь великыи

Folio 165’

Іванъ Данилович і Костѧнтинъ Ми

хаілович а новгородци ѿ себе посла

ша Федора Колесницю въ Ордѹ кь

ц[ѣса]р[е]ви. і ѿпѹсти я ц[ѣса]рь повелѣвъ

іскати кн[ѧ]зѧ Алеѯандра. і посла

кн[ѧ]зь Иванъ своі послы а новгоро

дци ѿ себе вл[ады]кѹ Моісия і Авра

ма тысѧчьско[го] къ кн[ѧ]зю Олеѯа

ндрѹ въ Пльсковъ велѧче емѹ

абы пошелъ въ Ордѹ і не послуша.

То[го] же лѣ[та] погорѣ Юрьевъ Нѣмецьскы

і всь і божници іхъ і полаты ка

меныи скрѹшившесѧ падоша.

і сгорѣ Нѣмець в полатахъ 2000 и

500 і 30 а Рѹси 4 ч[е]л[о]в[ѣ]кы.

Въ лѣ[то] 6837 (1329) при[де] в Новъгород на сто

лъ кн[ѧ]зь великыи Іванъ Данило

вичь внѹкъ Олеѯандровъ ма

рта 26 на сборъ арх[а]нг[е]ла Гаври

ла. бѧхѹ же с ним і тфѣрьскыи кнѧ

зи Костѧнтинъ и Василии і Оле

ѯандръ сѹждальскыи і іныхъ

мно[го] рѹ[сь]скыхъ кнѧзии.

Folio 166

То[го] же лѣ[та] ѹбиша въ Юрьевѣ новго

родского посла мѹжа ч[ес]тна Івана Сыпа.

То[го] же лѣ[та] приходи в Новъгород ми

трополитъ Грьчинъ ро[до]мь імене

мь Феогностъ.

То[го] же лѣ[та] поіде кн[ѧ]зь Іванъ со всѣ[ми]

кн[ѧ]зи і с Новымьгоро[до]мь къ Пль

сковѹ ратью. і ѹвѣдавше пль

сковичи выпровадиша кн[ѧ]зѧ О

леѯандра ѿ себе а къ кн[ѧ]зю Івану

і к новгородцемъ прислаша по

слы с поклономь въ Опокѹ и

докончаша миръ. Тоі [же] зимы

ізбиша новгородцевъ котории

были пошли на Юргѹ ѹстью

жьскыи кн[ѧ]зи. То[го] же лѣ[та] безъ

кн[ѧ]зѧ і без новгородцевъ заго

рѣсѧ Ондрѣшковъ дворъ въ Пло

тникѣхъ і погорѣ і до Федора

с[вѧ]т[о]го і потом на тоі [же] нед[ѣли] погорѣ Іль

іна ѹлица мало не всѧ і Лѹбѧ

ница і ц[е]ркы с[вѧ]т[о]го Сп[а]са і с[вѧ]то[го] Лу

кы сгорѣ.

Въ лѣ[то] 6838 (1330) по

Folio 166’

стрижесѧ въ скимѹ архиеп[иско]пъ

Моісиі по своеі воли і мно[го] молиша

і новгородци всѣм Новымьгоро

домь с поклономь абы пакы

сѣлъ на своемь пр[ес]т[о]лѣ і не послу

ша но бл[а]г[осло]ви я рекъ. ізберѣте

ѿ себе мѹжа тако[го] достоіна а

язъ васъ бл[а]г[осло]влѧю. і мно[го] гада

вше новгородци і быша безъ

вл[ады]кы съ 8 м[ѣсѧ]ць і възлюби

ша всь Новъгород і ігѹмени и

по[по]ве Б[ого]мь назнаменана Григо

рьѧ Калѣкѹ мѹ[жа] добра і смѣре

на попа бывша ѹ с[вѧ]тою Козмы

і Демьяна на Холопьі ѹліци.

і постри[же]сѧ въ с[вѧ]тыи анг[е]л[ьс]кыи

образъ м[ѣсѧ]ца генва[рѧ] і наре[че]нъ

бы[сть] Василии і посадиша і въ

вл[ады]чни дворѣ дондеже послють

к митрополитѹ. Тоі [же] зимы при

ѣхаша послове ѿ митрополита із Ве

лыньскоі земли Федорко і Семе

нко на стр[ас]тноі нед[ѣли] позыватъ на ста

вление.

Folio 167

Того [же] лѣ[та] поставиша Василья въ Ве

лыньскои земли в Новъгородъ.

Въ лѣ[то] 6839 (1331) м[ѣсѧ]ца ноябрѧ въ 30 на па

мѧ[ть] с[вѧ]т[о]го ап[осто]ла Андрѣя бы[сть] помраче

ниѥ въ с[о]лнци и стоя ѿ 1го ча[са] до 3го.

Въ лѣ[то] 6840 (1332) въсташа крамолни

ци в Новѣгородѣ и ѿяша посадни

чьство ѹ Федора ѹ Ахмыла и да

ша Захарьи Михаиловичю. и по

грабиша дворъ Смена Судокова

а брата ѥго Сенефонта села погра

биша. Того [же] лѣ[та] великыи кнѧ

зь Иванъ приде изъ Ѡрды и въ

зверже гнѣвъ на Новъгородъ

просѧ ѹ нихъ серебра закамь

ского и в томъ взѧ Торжекъ и

Бѣжичьскыи верхъ за новгород

скую измѣнѹ. Том же лѣ[тѣ] ѿ

яша посадничьство ѹ Захарьѧ

и даша Матфѣю.

Въ лѣ[то] 6841 (1333) приде кнѧзь Иванъ

в Торжекъ съ всими кнѧзи ни

зовьскыми и с рѧзаньскыми

Folio 167’

и присла в Новъгородъ сведе намѣ

стникы а самъ сѣде в Торжькѹ ѿ

Кр[е]щ[е]ния до сбора терѧя волость но

вгородьскую. и послаша новгородь

ци послы зовѹче ѥго в Новъгород

архимандрита Лаврентия Федо

ра Твердиславлича Луку Валъфро

мѣѥва и ѡнъ молбы не приялъ

а ихъ не послушалъ а мирѹ не да

поѣха прочь. Того же лѣ[та] архиеп[иско]пъ

новгородьскыи Василии поста

ви городъ каменъ въ два лѣ[та] и а

рхимандритъ с[вѧ]т[о]го Юрья Лавре

нтии постави стѣны с[вѧ]т[о]го Юрья

силою 40 саженъ и съ заборола

ми.

Въ лѣ[то] 6845 (1337) инди[кта] 5 наважениѥмь дияво

лимь сташа простая чадь на архи

мандрита Ѥсифа а думои старого архи

мандрита Лаврентия и створиша вѣче

и запроша Ѥсифа въ ц[е]ркви с[вѧ]т[о]го Николы.

и сѣдоша около ц[е]ркви нощь и д[е]нь ко

ромолници стрегуще ѥго. а оже кто

подъ другомъ копаѥть яму самъ

впадетсѧ в ню.

Folio 168

Въ лѣ[то] 6853 (1345) индик[та]

лѣ[то] 3ее поновлена бы[сть]

ц[е]рки си с[вѧ]тыи Геѡргии

покровомь при велико

мъ кн[ѧ]зѣ Семенѣ Ива

новичѣ при архиѥп[иско]пѣ

новъгородьскомь Васи

лии при посадницѣ Еѹ

стафьи при тысѧчьско

мь Аврамѣ промысло

мь Б[ож]иимь поспѣшени

ѥмь с[вѧ]т[о]го м[ѹ]ч[е]н[и]ка Х[ристо]ва

Геѡргия повелѣниѥ

мь Б[ог]олюбиваго архима

ндрита новъгородьско

го Ѥсифа.

Folio 168’

Въ лѣ[то] 6860 (1352) добиша челомъ но

въгородьци бояре и черныи

люди архиѥп[иско]пу новъгородь

скому вл[ады]цѣ Василию чтобы.

ѥси Г[осподи]не ехалъ нарѧдилъ ко

стры во Орѣховѣ. и онъ ехавъ

костры нарѧдилъ и приеха

в Новъгородъ. и приехаша по

слове изо Пскова биша чело

мъ вл[ады]цѣ Василию ркуче такъ.

Б[ого]ви тако изволшю с[вѧ]тои Тр[ои]цѣ

дѣтемъ твоимъ пьсковицемъ

Б[ог]ъ реклъ жити дотолѣ чтобы

ѥси Г[осподи]не былъ ѹ с[вѧ]тои Тр[ои]ци и

дѣтии своихъ бл[а]г[осло]вилъ пскови

ць. и онъ не ѹмедли поѥха по

имѧ собою архимандрита Ми

кифора игумены попове при

еха въ Псковъ служи въ с[вѧ]тои

Тр[ои]ци ѹ с[вѧ]тои Б[огороди]ци на Снѣтнои го

рѣ ѹ с[вѧ]т[о]го Михаила ѹ Ивана

Б[ог]ослова опѧть въ с[вѧ]тои Тр[ои]ци

Folio 169

ходи около города со кр[ес]ты и бл[а]г[осло]ви

дѣти своихъ всихъ псковиць. поѥха

ис города доѥха до Прощеника въ

д[е]нь недѣлныи. обечерившисѧ

[sic!] за Прощеникомъ сь едину версту

на рѣцѣ на Чересѣ сташа и разбо

лѣсѧ ту. привезоша ѥго в мана

стыри ко с[вѧ]т[о]му Михаилу ѹсть

Ѹзы рѣки на Шелонѣ. и приста

висѧ ту на памѧть с[вѧ]т[о]го м[ѹ]ч[ени]ка Ѹ

акинфа въ вторникъ м[ѣсѧ]цѧ юлѧ въ 3 а прест[а]ви в[?] ве[лико]го дни приве

зоша и в Новъгородъ в четве

ргь м[ѣсѧ]цѧ июлѧ въ 5 на памѧть с[вѧ]т[о]го ѡ[т]ца Лампада. проводи

и архиеп[иско]пъ новъгородь

скии вл[ады]ка Моисѣи игу

мени и попове и весь Но

въгородъ и положиша і

ѹ с[вѧ]тои Софьи притворѣ.